శ్రీ మహాకాల స్తోత్రం
ఓం మహాకాల మహాకాయ మహాకాల జగత్పతే |
మహాకాల మహాయోగిన్ మహాకాల నమోఽస్తు తే || ౧ ||
మహాకాల మహాదేవ మహాకాల మహాప్రభో |
మహాకాల మహారుద్ర మహాకాల నమోఽస్తు తే || ౨ ||
మహాకాల మహాజ్ఞాన మహాకాల తమోఽపహన్ |
మహాకాల మహాకాల మహాకాల నమోఽస్తు తే || ౩ ||
భవాయ చ నమస్తుభ్యం శర్వాయ చ నమో నమః |
రుద్రాయ చ నమస్తుభ్యం పశూనాం పతయే నమః || ౪ ||
ఉగ్రాయ చ నమస్తుభ్యం మహాదేవాయ వై నమః |
భీమాయ చ నమస్తుభ్యం ఈశానాయ నమో నమః || ౫ ||
ఈశ్వరాయ నమస్తుభ్యం తత్పురుషాయ వై నమః || ౬ ||
సద్యోజాత నమస్తుభ్యం శుక్లవర్ణ నమో నమః |
అధః కాలాగ్నిరుద్రాయ రుద్రరూపాయ వై నమః || ౭ ||
స్థిత్యుత్పత్తిలయానాం చ హేతురూపాయ వై నమః |
పరమేశ్వరరూపస్త్వం నీల ఏవం నమోఽస్తు తే || ౮ ||
పవనాయ నమస్తుభ్యం హుతాశన నమోఽస్తు తే |
సోమరూప నమస్తుభ్యం సూర్యరూప నమోఽస్తు తే || ౯ ||
యజమాన నమస్తుభ్యం ఆకాశాయ నమో నమః |
సర్వరూప నమస్తుభ్యం విశ్వరూప నమోఽస్తు తే || ౧౦ ||
బ్రహ్మరూప నమస్తుభ్యం విష్ణురూప నమోఽస్తు తే |
రుద్రరూప నమస్తుభ్యం మహాకాల నమోఽస్తు తే || ౧౧ ||
స్థావరాయ నమస్తుభ్యం జంగమాయ నమో నమః |
నమః స్థావరజంగమాభ్యాం శాశ్వతాయ నమో నమః || ౧౨ ||
హుం హుంకార నమస్తుభ్యం నిష్కలాయ నమో నమః |
అనాద్యంత మహాకాల నిర్గుణాయ నమో నమః || ౧౩ ||
ప్రసీద మే నమో నిత్యం మేఘవర్ణ నమోఽస్తు తే |
ప్రసీద మే మహేశాన దిగ్వాసాయ నమో నమః || ౧౪ ||
ఓం హ్రీం మాయాస్వరూపాయ సచ్చిదానందతేజసే |
స్వాహా సంపూర్ణమంత్రాయ సోఽహం హంసాయ తే నమః || ౧౫ ||
|| ఫలశ్రుతి ||
ఇత్యేవం దేవ దేవస్య మహాకాలస్య భైరవి |
కీర్తితం పూజనం సమ్యక్ సాధకానాం సుఖావహం || ౧౬ ||
|| శ్రీ మహాకాల భైరవ స్తోత్రం సంపూర్ణం ||