శ్రీ సుబ్రహ్మణ్య కరావలంబ స్తోత్రం
హే స్వామినాథ కరుణాకర దీనబంధో
శ్రీపార్వతీశముఖపంకజపద్మబంధో |
శ్రీశాదిదేవగణపూజితపాదపద్మ
వల్లీశనాథ మమ దేహి కరావలంబమ్ || ౧ ||
ఓ స్వామినాథా! కరుణను కురిపించేవాడా! దిక్కులేనివారికి చుట్టమైనవాడా! శివపార్వతుల ముఖములనే పద్మములను వికసింపజేసే సూర్యుని వంటివాడా! విష్ణుమూర్తి మొదలైన దేవతలందరిచే పూజింపబడే పద్మముల వంటి పాదములు కలవాడా! వల్లీదేవికి భర్తవైనవాడా! నాకు నీ చేతిని ఆసరాగా (కరావలంబనం) అందించుము.
దేవాదిదేవనుత దేవగణాధినాథ
దేవేంద్రవంద్య మృదుపంకజమంజుపాద |
దేవర్షినారదమునీంద్రసుగీతకీర్తే
వల్లీశనాథ మమ దేహి కరావలంబమ్ || ౨ ||
దేవతలకు దేవుడైన శివునిచే పొగడబడినవాడా! దేవగణములకు అధిపతివైనవాడా! దేవేంద్రునిచే నమస్కరింపబడే మృదువైన పద్మముల వంటి పాదములు కలవాడా! నారదాది మునీంద్రులచే గానము చేయబడిన కీర్తి కలవాడా! వల్లీనాథా! నాకు నీ చేతిని ఆసరా నిమ్ము
నిత్యాన్నదాననిరతాఖిలరోగహారిన్
తస్మాత్ప్రదానపరిపూరితభక్తకామ |
శ్రుత్యాగమప్రణవవాచ్యనిజస్వరూప
వల్లీశనాథ మమ దేహి కరావలంబమ్ || ౩ ||
నిత్యము అన్నదానము చేయుటయందు ఆసక్తి కలవాడా! సమస్త రోగములను హరించువాడా! భక్తుల కోర్కెలను వెంటనే తీర్చువాడా! వేదములందు, ప్రణవ మంత్రము (ఓంకారము) నందు చెప్పబడిన నిజస్వరూపము కలవాడా! వల్లీనాథా! నాకు నీ కరావలంబనము నిమ్ము.
క్రౌంచాసురేంద్రపరిఖండన శక్తిశూల
పాశాదిశస్త్రపరిమండితదివ్యపాణే |
శ్రీకుండలీశధర తుండ శిఖీంద్రవాహ
వల్లీశనాథ మమ దేహి కరావలంబమ్ || ౪ ||
క్రౌంచాసురుని సంహరించిన శక్తి, శూలము, పాశము వంటి ఆయుధములతో ప్రకాశించే దివ్యమైన హస్తములు కలవాడా! పాములను ఆభరణముగా ధరించినవాడా! నెమలిని వాహనముగా చేసుకున్నవాడా! వల్లీనాథా! నాకు నీ కరావలంబనము నిమ్ము.
దేవాదిదేవ రథమండలమధ్యవేద్య
దేవేంద్రపీఠనగరం దృఢచాపహస్తమ్ |
శూరం నిహత్య సురకోటిభిరీడ్యమానం
వల్లీశనాథ మమ దేహి కరావలంబమ్ || ౫ ||
రథమండల మధ్యమున ఉండి వేదములతో తెలియబడువాడా! దేవేంద్రుని నగరమును (స్వర్గమును) రక్షించువాడా! ధనుస్సును ధరించినవాడా! శూరపద్ముని సంహరించి దేవతలందరిచే స్తుతింపబడుచున్నవాడా! వల్లీనాథా! నాకు నీ కరావలంబనము నిమ్ము.
హీరాదిరత్నమణియుక్తకిరీటహార
కేయూరకుండలలసత్కవచాభిరామ |
హే వీర తారక జయాఽమరబృందవంద్య
వల్లీశనాథ మమ దేహి కరావలంబమ్ || ౬ ||
రత్నమయమైన కిరీటము, హారములు, భుజకీర్తులు, కుండలములు, కవచము వంటి ఆభరణములతో మనోహరముగా ప్రకాశించువాడా! వీరుడా! తారకాసురుని జయించినవాడా! దేవతలందరిచే వందనములు అందుకొనేవాడా! వల్లీనాథా! నాకు నీ కరావలంబనము నిమ్ము.
పంచాక్షరాదిమనుమంత్రిత గాంగతోయైః
పంచామృతైః ప్రముదితేంద్రముఖైర్మునీంద్రైః |
పట్టాభిషిక్త హరియుక్త పరాసనాథ
వల్లీశనాథ మమ దేహి కరావలంబమ్ || ౭ ||
పంచాక్షరీ మంత్రముతో పవిత్రము చేయబడిన గంగాజలముతోను, పంచామృతములతోను దేవేంద్రుడు మరియు మునీంద్రుల చేత పట్టాభిషేకము చేయబడినవాడా! వల్లీనాథా! నాకు నీ కరావలంబనము నిమ్ము.
శ్రీకార్తికేయ కరుణామృతపూర్ణదృష్ట్యా
కామాదిరోగకలుషీకృతదుష్టచిత్తమ్ |
సిక్త్వా తు మామవకళాధర కాంతికాంత్యా
వల్లీశనాథ మమ దేహి కరావలంబమ్ || ౮ ||
ఓ కార్తికేయా! కరుణ అనే అమృతముతో నిండిన నీ చూపులతో, కామ క్రోధాది రోగములతో మలినమైన నా దుష్ట చిత్తమును పవిత్రము చేయుము. చంద్రుని వంటి కాంతితో ప్రకాశించే ఓ వల్లీనాథా! నన్ను రక్షించి, నీ కరావలంబనము నిమ్ము.
సుబ్రహ్మణ్యాష్టకం పుణ్యం యే పఠన్తి ద్విజోత్తమాః
తే సర్వే ముక్తిమాయాంతి సుబ్రహ్మణ్య ప్రసాదతః |
సుబ్రహ్మణ్యాష్టకమిదం ప్రాతరుత్థాయ యః పఠేత్ |
కోటిజన్మకృతం పాపం తత్క్షణాదేవ నశ్యతి || ౯ ||
ఏ పుణ్యాత్ములు ఈ సుబ్రహ్మణ్య కరావలంబ స్తోత్రాన్ని పఠిస్తారో, వారు సుబ్రహ్మణ్య స్వామి అనుగ్రహం వల్ల ముక్తిని పొందుతారు. ఎవరైతే ప్రతిరోజూ ఉదయాన్నే నిద్రలేచి ఈ స్తోత్రాన్ని భక్తితో పఠిస్తారో, వారు కోటి జన్మలలో చేసిన పాపములైనా సరే తక్షణమే నశించిపోతాయి
ఇతి శ్రీ సుబ్రహ్మణ్యాష్టకం సంపూర్ణం ||
