శ్రీ వాయునందనాష్టకం
ఏకవీరం మహారౌద్రం తప్తకాంచనకుండలమ్ |
లంబవాలం స్థూలకాయం వందేఽహం వాయునందనం || ౧ ||
మహావీర్యం మహాశౌర్యం మహదుగ్రం మహేశ్వరం |
మహాసురేశనిర్ఘాతం వందేఽహం వాయునందనం || ౨ ||
జానకీశోకహరణం వానరం కులదీపకం |
సుబ్రహ్మచారిణం శ్రేష్ఠం వందేఽహం వాయునందనం || ౩ ||
దశగ్రీవస్య దర్పఘ్నం శ్రీరామపరిసేవకం |
దశదుర్దశహంతారం వందేఽహం వాయునందనం || ౪ ||
లంకానిఃశంకదహనం సీతాసంతోషకారిణం |
సముద్రలంఘనం చైవ వందేఽహం వాయునందనం || ౫ ||
బ్రహ్మకోటిసమం దివ్యం రుద్రకోటిసమప్రభం |
వరాతీతం మహామంత్రం వందేఽహం వాయునందనం || ౬ ||
శతకోటిసుచంద్రార్కమండలాకృతిలక్షణం |
ఆంజనేయం మహాతేజం వందేఽహం వాయునందనం || ౭ ||
శీఘ్రకామం చిరంజీవి సర్వకామఫలప్రదం |
హనుమత్ స్తుతిమంత్రేణ వందేఽహం వాయునందనం || ౮ ||
ఇతి శ్రీ వాయునందనాష్టకం సంపూర్ణం ||