śrī vāyunandanāṣṭakam
ēkavīraṃ mahāraudraṃ taptakāñcanakuṇḍalam |
lambavālaṃ sthūlakāyaṃ vandē'haṃ vāyunandanam || 1 ||
mahāvīryaṃ mahāśauryaṃ mahadugraṃ mahēśvaraṃ |
mahāsurēśanirghātaṃ vandē'haṃ vāyunandanam || 2 ||
jānakīśōkaharaṇaṃ vānaraṃ kuladīpakaṃ |
subrahmacāriṇaṃ śrēṣṭhaṃ vandē'haṃ vāyunandanam || 3 ||
daśagrīvasya darpaghnaṃ śrīrāmaparisēvakaṃ |
daśadurdaśahantāraṃ vandē'haṃ vāyunandanam || 4 ||
laṅkāniḥśaṅkadahanaṃ sītāsantōṣakāriṇaṃ |
samudralaṅghanaṃ caiva vandē'haṃ vāyunandanam || 5 ||
brahmakōṭisamaṃ divyaṃ rudrakōṭisamaprabhaṃ |
varātītaṃ mahāmantraṃ vandē'haṃ vāyunandanam || 6 ||
śatakōṭisucandrārkamaṇḍalākr̥tilakṣaṇaṃ |
āñjanēyaṃ mahātējaṃ vandē'haṃ vāyunandanam || 7 ||
śīghrakāmaṃ cirañjīvi sarvakāmaphalapradaṃ |
hanumat stutimantrēṇa vandē'haṃ vāyunandanam || 8 ||
iti śrī vāyunandanāṣṭakam ||