శ్రీ నారాయణ హృదయం
హరిః ఓం || అస్య శ్రీ నారాయణ హృదయ స్తోత్ర మహామంత్రస్య |
భార్గవ ఋషి: |
అనుష్టుప్ ఛంద: |
లక్ష్మీనారాయణో దేవతా |
నారాయణ ప్రీత్యర్థే జపే వినియోగః ॥
కరన్యాస:
నారాయణ: పరం జ్యోతిరితి అంగుష్ఠాభ్యాం నమః |
నారాయణ: పరం బ్రహ్మేతి తర్జనీభ్యాం నమ: |
నారాయణ: పరో దేవ ఇతి మధ్యమాభ్యాం నమః |
నారాయణ: పరం ధామేతి అనామికాభ్యాం నమ: |
నారాయణ: పరో ధర్మ ఇతి కనిష్ఠికాభ్యాం నమః |
విశ్వంనారాయణ ఇతి కరతల కరపృష్ఠాభ్యాం నమః |
అంగన్యాసః:
నారాయణ: పరం జ్యోతిరితి హృదయాయ నమః |
నారాయణం పరం బ్రహ్మేతి శిరసే స్వాహా |
నారాయణ: పరో దేవ ఇతి శిఖాయై వౌషట్ |
నారాయణ: పరం ధామేతి కవచాయ హుం |
నారాయణ: పరో ధర్మ ఇతి నేత్రాభ్యాం వౌషట్ |
విశ్వం నారాయణ ఇతి అస్త్రాయ ఫట్ |
భూర్భువః సువరోమితి దిగ్బంధః ||
ధ్యానం:
ఉద్యదాదిత్య సంకాశం పీతవాసం చతుర్భుజం |
శంఖ చక్ర గదా పాణిం ధ్యాయేల్లక్ష్మీపతిం హరిం || ౧ ||
త్రైలోక్యాధారచక్రం తదువరి కమఠం తత్ర చానంతభోగీ |
తన్మధ్యే భూమిపద్మాంకుశశిఖరదళం కర్ణికాభూతమేరుం |
తత్రత్యం శాంతమూర్తిం మణిమయమకుటం కుండలోద్భాసితాంగం |
లక్ష్మీనారాయణాఖ్యం సరసిజనయనం సంతతం చింతయామః ॥ ౨ ||
స్తోత్రం:
నారాయణ: పరం జ్యోతిరాత్మా నారాయణ: పరః |
నారాయణ పరం బ్రహ్మ నారాయణ నమోsస్తు తే ||
నారాయణ: పరో దేవో ధాతా నారాయణ: పర: |
నారాయణ: పరో ధాతా నారాయణ నమోస్తు తే ||
నారాయణ పరం ధామ ధ్యానం నారాయణః పరః |
నారాయణ పరో ధర్మో నారాయణ నమోస్తు తే ||
నారాయణ: పరో దేవో విద్యా నారాయణ: పరః |
విశ్వం నారాయణ: సాక్షాత్ నారాయణ నమోస్తు తే ||
నారాయణః విధిరాతో జాతో నారాయణాద్ భవః |
జాతో నారాయణాదింద్ర నారాయణ నమోస్తు తే ||
రవిర్నారాయణస్తేజ: చంద్ర నారాయణో మహః |
వహ్నిర్నారాయణ సాక్షాత్ నారాయణ నమోస్తు తే ||
నారాయణ ఉపాస్య: స్యాద్ గురుర్నారాయణ: పరః |
నారాయణ: పరో బోధో నారాయణ నమోస్తు తే ||
నారాయణ ఫలం ముఖ్యం సిద్ధిర్నారాయణ: సుఖం |
హరిర్నారాయణ: శుద్ధిర్నారాయణ నమోస్తు తే ||
నిగమావేదితానంత కల్యాణ గుణవారిధే |
నారాయణ నమస్తేస్తు నరకార్ణవతారక ||
జన్మ మృత్యు జరా వ్యాధి పారతంత్య్ర్యాదిభి: సదా |
దోషైర స్పృష్టరూపాయ నారాయణ నమోస్తు తే ||
వేదశాస్త్రార్థ విజ్ఞాన సాధ్య భక్త్యేక గోచర |
నారాయణ నమస్తేస్తు మాముద్ధర భవార్ణవాత్ ||
నిత్యానంద మహోదార పరాత్పర జగత్పతే |
నారాయణ నమస్తేస్తు మోక్ష సామ్రాజ్యదాయినే ||
ఆబ్రహ్మస్తంబపర్యంతం అఖిలాత్మ మహాశ్రయ |
సర్వభూతాత్మ భూతాత్మన్ నారాయణ నమోస్తు తే ||
పాలితాశేష లోకాయ పుణ్యశ్రవణ కీర్తన |
నారాయణ నమస్తేస్తు ప్రళయోదక శాయినే ||
నిరస్త సర్వదోషాయ భక్త్యాది గుణదాయినే |
నారాయణ నమస్తేస్తు త్వాం వినా నహి మే గతిః ||
ధర్మార్థ కామ మోక్షాఖ్య పురుషార్థ ప్రదాయినే |
నారాయణ నమస్తేస్తు పునస్తేస్తు నమో నమ: ||
అథ ప్రార్థనా:
నారాయణ త్వమేవాసి దహరాఖ్యే హృది స్థితః |
ప్రేరితా ప్రేర్యమాణానాం త్వయా ప్రేరిత మానసః ||
త్వదాజ్ఞాం శిరసా కృత్వా భజామి జనపావనం |
నానోపాసన మార్గాణాం భవకృద్ భావబోధకః ||
భావార్థకృద్ భవాతీతో భవ సౌఖ్యప్రదో మమ |
త్వన్మాయామోహితం విశ్వం త్వయైవ పరికల్పితం ||
త్వదధిష్ఠాన మాత్రేణ సా వై సర్వార్థకారిణీ |
త్వమేవ తాం పురస్కృత్య మమ కామాన్ సమర్థయ ||
న మే త్వదన్యస్త్రాతాస్తి త్వదన్యన్న హి దైవతం |
త్వదన్యం నహి జానామి పాలకం పుణ్యవర్ధనం ||
యావత్ సాంసారికో భావో మనసో భావనాత్మకః |
తావత్ సిద్ధిర్భవేత్ సాధ్యా సర్వదా సర్వదా విభో ||
పాపినామహమేకాగ్రో దయాళూనాం త్వమగ్రణీః |
దయనీయో మదన్యోస్తి తవ కోంత్ర జగత్తయే ||
త్వయాహం నైవ సృష్టశ్చేత్ న స్యాత్తవ దయాళుతా |
ఆమయో వా న సృష్టశ్చేత్ ఔషధస్య వృథోదయః ||
పాపసంగ పరిశ్రాంత: పాపాత్మా పాపరూపధృక్ |
త్వదన్య: కోఁత్ర పాపేభ్య: త్రాతాస్తి జగతీతలే ||
త్వమేవ మాతా చ పితా త్వమేవ |
త్వమేవ బంధుశ్చ సఖా త్వమేవ |
త్వమేవ సేవ్యశ్చ గురుస్త్వమేవ |
త్వమేవ సర్వం మమ దేవ దేవ ||
ప్రార్థనా దశకం చైవ మూలాష్టక మతః పరం |
యః పఠేత్ శ్రుణుయాన్నిత్యం తస్య లక్ష్మీ: స్థిరా భవేత్ ||
నారాయణస్య హృదయం సర్వాభీష్ట ఫలప్రదం |
లక్ష్మీహృదయకం స్తోత్రం యది చైతద్వినాకృతం ||
తత్సర్వం నిష్ఫలం ప్రోక్తం లక్ష్మీ: క్రుధ్యతి సర్వదా |
ఏతత్సంకలితం స్తోత్రం సర్వాభీష్ట ఫలప్రదం ||
జపేత్ సంకలితం కృత్వా సర్వాభీష్టం అవాప్నుయాత్ |
నారాయణస్య హృదయమాదౌ జప్త్వా తతః పరం ||
లక్ష్మీహృదయకం స్తోత్రం జపేన్నారాయణం పునః |
పునర్నారాయణం జప్త్వా పునర్లక్ష్మీనుతిం జపేత్ ||
తద్వద్ధోమాదికం కుర్యాత్ ఏతత్సంకలితం శుభం |
ఏవం మధ్యే ద్వివారేణ జపేత్ సంకలితం శుభం ||
లక్ష్మీహృదయకే స్తోత్రే సర్వమన్యత్ ప్రకాశితం |
సర్వాన్ కామానవాప్నోతి ఆధివ్యాధిభయం హరేత్ ||
గోప్యమేతత్ సదా కుర్యాత్ న సర్వత్ర ప్రకాశయేత్ |
ఇతి గుహ్యతమం శాస్త్రం ప్రోక్తం బ్రహ్మాదిభి: పురా ||
లక్ష్మీహృదయప్రోక్తేన విధినా సాధయేత్ సుధీః |
తస్మాత్ సర్వ ప్రయత్నేన సాధయేత్ గోపయేత్ సుధీః ||
యత్రైతత్ పుస్తకం తిష్టేత్ లక్ష్మీనారాయణాత్మకం |
భూతపైశాచవేతాళ భయం నైవ తు సర్వదా ||
భృగువారే తథా రాత్రే పూజయేత్ పుస్తకద్వయం |
సర్వదా సర్వదా స్తుత్యం గోపయేత్ సాధయేత్ సుధీ:|
గోపనాత్ సాధనాాల్లోకే ధన్యో భవతి తత్త్వతః ||
॥ ఇతి శ్రీ నారాయణ హృదయం సంపూర్ణం ॥
śrī nārāyaṇa hr̥dayam
hariḥ ōṃ || asya śrī nārāyaṇa hr̥daya stōtra mahāmantrasya |
bhārgava r̥ṣiḥ |
anuṣṭup chandaḥ |
lakṣmīnārāyaṇō dēvatā |
nārāyaṇa prītyarthē japē viniyōgaḥ ||
Karanyāsaḥ:
nārāyaṇaḥ paraṃ jyōtiriti aṅguṣṭhābhyāṃ namaḥ |
nārāyaṇaḥ paraṃ brahmēti tarjanībhyāṃ namaḥ |
nārāyaṇaḥ parō dēva iti madhyamābhyāṃ namaḥ |
nārāyaṇaḥ paraṃ dhāmēti anāmikābhyāṃ namaḥ |
nārāyaṇaḥ parō dharma iti kaniṣṭhikābhyāṃ namaḥ |
viśvaṃnārāyaṇa iti karatala karapr̥ṣṭhābhyāṃ namaḥ |
Aṅganyāsaḥ:
nārāyaṇaḥ paraṃ jyōtiriti hr̥dayāya namaḥ |
nārāyaṇaṃ paraṃ brahmēti śirasē svāhā |
nārāyaṇaḥ parō dēva iti śikhāyai vauṣaṭ |
nārāyaṇaḥ paraṃ dhāmēti kavacāya hum |
nārāyaṇaḥ parō dharma iti nētrābhyāṃ vauṣaṭ |
viśvaṃ nārāyaṇa iti astrāya phaṭ |
bhūrbhuvaḥ suvarōmiti digbandhaḥ ||
Dhyānam:
udyadāditya saṅkāśaṃ pītavāsaṃ caturbhujam |
śaṅkha cakra gadā pāṇiṃ dhyāyēllakṣmīpatiṃ harim || 1 ||
trailōkyādhāracakraṃ taduvari kamaṭhaṃ tatra cānantabhōgī |
tanmadhyē bhūmipadmāṅkuśaśikharadaḷaṃ karṇikābhūtamērum |
tatratyaṃ śāntamūrtiṃ maṇimayamakuṭaṃ kuṇḍalōdbhāsitāṅgaṃ |
lakṣmīnārāyaṇākhyaṃ sarasijanayanaṃ santataṃ cintayāmaḥ || 2 ||
Stōtram:
nārāyaṇaḥ paraṃ jyōtirātmā nārāyaṇaḥ paraḥ |
nārāyaṇa paraṃ brahma nārāyaṇa namō'stu tē ||
nārāyaṇaḥ parō dēvō dhātā nārāyaṇaḥ paraḥ |
nārāyaṇaḥ parō dhātā nārāyaṇa namōstu tē ||
nārāyaṇa paraṃ dhāma dhyānaṃ nārāyaṇaḥ paraḥ |
nārāyaṇa parō dharmō nārāyaṇa namōstu tē ||
nārāyaṇaḥ parō dēvō vidyā nārāyaṇaḥ paraḥ |
viśvaṃ nārāyaṇaḥ sākṣāt nārāyaṇa namōstu tē ||
nārāyaṇād vidhirātō jātō nārāyaṇād bhavaḥ |
jātō nārāyaṇādindra nārāyaṇa namōstu tē ||
ravirnārāyaṇastējaḥ candra nārāyaṇō mahaḥ |
vahnirnārāyaṇa sākṣāt nārāyaṇa namōstu tē ||
nārāyaṇa upāsyaḥ syād gururnārāyaṇaḥ paraḥ |
nārāyaṇaḥ parō bōdhō nārāyaṇa namōstu tē ||
nārāyaṇa phalaṃ mukhyaṃ siddhirnārāyaṇaḥ sukhaṃ |
harirnārāyaṇaḥ śuddhirnārāyaṇa namōstu tē ||
nigamāvēditānanta kalyāṇa guṇavāridhē |
nārāyaṇa namastēstu narakārṇavatāraka ||
janma mr̥tyu jarā vyādhi pāratantryādibhiḥ sadā |
dōṣaira spr̥ṣṭarūpāya nārāyaṇa namōstu tē ||
vēdaśāstrārtha vijñāna sādhya bhaktyēka gōcara |
nārāyaṇa namastēstu māmuddhara bhavārṇavāt ||
nityānanda mahōdāra parātpara jagatpatē |
nārāyaṇa namastēstu mōkṣa sāmrājyadāyinē ||
ābrahmastambaparyantaṃ akhilātma mahāśraya |
sarvabhūtātma bhūtātman nārāyaṇa namōstu tē ||
pālitāśēṣa lōkāya puṇyaśravaṇa kīrtana |
nārāyaṇa namastēstu praḷayōdaka śāyinē ||
nirasta sarvadōṣāya bhaktyādi guṇadāyinē |
nārāyaṇa namastēstu tvāṃ vinā nahi mē gatiḥ ||
dharmārtha kāma mōkṣākhya puruṣārtha pradāyinē |
nārāyaṇa namastēstu punastēstu namō namaḥ ||
Atha Prārthanā:
nārāyaṇa tvamēvāsi daharākhyē hr̥di sthitaḥ |
prēritā prēryamāṇānāṃ tvayā prērita mānasaḥ ||
tvadājñāṃ śirasā kr̥tvā bhajāmi janapāvanaṃ |
nānōpāsana mārgāṇāṃ bhavakr̥d bhāvabōdhakaḥ ||
bhāvārthakr̥d bhavātītō bhava saukhyapradō mama |
tvanmāyāmōhitaṃ viśvaṃ tvayaiva parikalpitaṃ ||
tvadadhiṣṭhāna mātrēṇa sā vai sarvārthakārinī |
tvamēva tāṃ puraskr̥tya mama kāmān samarthaya ||
na mē tvadanyastrātāsti tvadanyanna hi dēvataṃ |
tvadanyaṃ nahi jānāmi pālakaṃ puṇyavardhanaṃ ||
yāvat sāṃsārikō bhāvō manasō bhāvanātmakaḥ |
tāvat siddhirbhavēt sādhyā sarvadā sarvadā vibhō ||
pāpināmahamēkāgrō dayāḷūnāṃ tvamagraṇīḥ |
dayanīyō madanyōsti tava kōntra jagattayē ||
tvayāhaṃ naiva sr̥ṣṭaścēt na syāttava dayāḷutā |
āmayō vā na sr̥ṣṭaścēt auṣadhasya vr̥thōdayaḥ ||
pāpasaṅga pariśrāntaḥ pāpātmā pāparūpadhr̥k |
tvadanyaḥ kō'ntra pāpēbhyaḥ trātāsti jagatītalē ||
tvamēva mātā ca pitā tvamēva |
tvamēva bandhuśca sakhā tvamēva |
tvamēva sēvyaśca gurustvamēva |
tvamēva sarvaṃ mama dēva dēva ||
prārthanā daśakaṃ caiva mūlāṣṭaka mataḥ paraṃ |
yaḥ paṭhēt śruṇuyānnityaṃ tasya lakṣmīḥ sthirā bhavēt ||
nārāyaṇasya hr̥dayaṃ sarvābhīṣṭa phalapradaṃ |
lakṣmīhr̥dayakaṃ stōtraṃ yadi caitadvinākr̥taṃ ||
tatsarvaṃ niṣphalaṃ prōktaṃ lakṣmīḥ krudhyati sarvadā |
ēvatsaṅkalitaṃ stōtraṃ sarvābhīṣṭa phalapradaṃ ||
japēt saṅkalitaṃ kr̥tvā sarvābhīṣṭaṃ avāpnuyāt |
nārāyaṇasya hr̥dayamādāu japtvā tataḥ paraṃ ||
lakṣmīhr̥dayakaṃ stōtraṃ japēnnārāyaṇaṃ punaḥ |
punarnārāyaṇaṃ japtvā punarlakṣmīnutīṃ japēt ||
tadvaddhōmādikaṃ kuryāt ēvatsaṅkalitaṃ śubhaṃ |
ēvaṃ madhyē dvivārēṇa japēt saṅkalita śubhaṃ ||
lakṣmīhr̥dayakē stōtrē sarvamanyat prakāśitaṃ |
sarvān kāmānavāpnōti ādhivyādhibhayaṃ harēt ||
gōpyamētat sadā kuryāt na sarvatra prakāśayēt |
iti guhyatamaṃ śāstraṃ prōktaṃ brahmādibhiḥ purā ||
lakṣmīhr̥dayaprōktēna vidhinā sādhayēt sudhīḥ |
tasmāt sarva prayatnēna sādhayēt gōpayēt sudhīḥ ||
yatraitat pustakaṃ tiṣṭēt lakṣmīnārāyaṇātmakaṃ |
bhūtavāiśācavētāḷa bhayaṃ naiva tu sarvadā ||
bhr̥guvārē tathā rātrē pūjayēt pustakadvayaṃ |
sarvadā sarvadā stutyaṃ gōpayēt sādhayēt sudhīḥ |
gōpanāt sādhanāllōkē dhanyō bhavati tattvataḥ ||
iti śrī nārāyaṇa hr̥dayaṃ sampūrṇam ||