శ్రీ మల్లికార్జున సుప్రభాతం
ప్రాతస్స్మరామి గణనాథమనాథబంధుం
సిందూర పూరపరిశోభితగండయుగ్మమ్ |
ఉద్దండవిఘ్నపరిఖండనచండదండ
మాఖండలాదిసురనాయకబృందవంద్యమ్ ||
కళాభ్యాం చూడాలంకృతశశికళాభ్యాం నిజతపః
ఫలాభ్యాం భక్తేషు ప్రకటితఫలాభ్యాం భవతు మే |
శివాభ్యామస్తీకత్రిభువనశివాభ్యాం హృది పున
ర్భవాభ్యామానందస్ఫురదనుభవాభ్యాం నతిరియమ్ ||
నమస్తే నమస్తే మహాదేవ! శంభో!
నమస్తే నమస్తే దయాపూర్ణసింధో!
నమస్తే నమస్తే ప్రపన్నాత్మబంధో!
నమస్తే నమస్తే నమస్తే మహేశ ||
శశ్వచ్ఛ్రీగిరిమూర్ధని త్రిజగతాం రక్షాకృతౌ లక్షితాం
సాక్షాదక్షతసత్కటాక్షసరణిశ్రీమత్సుధావర్షిణీమ్,
సోమార్ధాంకితమస్తకాం ప్రణమతాం నిస్సీమసంపత్ప్రదాం
సుశ్లోకాం భ్రమరాంబికాం స్మితముఖీం శంభోస్సఖీం త్వాం సుమః ||
మాతః! ప్రసీద, సదయా భవ, భవ్యశీలే !
లీలాలవాకులితదైత్యకులాపహారే !
శ్రీచక్రరాజనిలయే ! శ్రుతిగీతకీర్తే !
శ్రీశైలనాథదయితే ! తవ సుప్రభాతమ్ ||
శంభో ! సురేంద్రనుత ! శంకర ! శూలపాణే !
చంద్రావతంస ! శివ ! శర్వ ! పినాకపాణే !
గంగాధర ! క్రతుపతే ! గరుడధ్వజాప్త !
శ్రీ మల్లికార్జునవిభో ! తవ సుప్రభాతమ్ ||
విశ్వేశ ! విశ్వజనసేవిత ! విశ్వమూర్తే !
విశ్వంభర ! త్రిపురభేదన ! విశ్వయోనే !
ఫాలాక్ష ! భవ్యగుణ ! భోగివిభూషణేశ !
శ్రీ మల్లికార్జునవిభో ! తవ సుప్రభాతమ్ ||
కళ్యాణరూప ! కరుణాకర ! కాలకంఠ !
కల్పద్రుమప్రసవపూజిత ! కామదాయిన్ !
దుర్నీతిదైత్యదళనోద్యత ! దేవ దేవ !
శ్రీ మల్లికార్జునవిభో ! తవ సుప్రభాతమ్ ||
గౌరీమనోహర ! గణేశ్వరసేవితాంఘ్రే !
గంధర్వయక్షసురకిన్నరగీతకీర్తే !
గండావలంబిఫణికుండలమండితాస్య !
శ్రీ మల్లికార్జునవిభో ! తవ సుప్రభాతమ్ ||
నాగేంద్రభూషణ ! నిరీహిత ! నిర్వికార !
నిర్మాయ ! నిశ్చల ! నిరర్గల ! నాగభేదిన్ !
నారాయణీప్రియ ! నతేష్టద ! నిర్మలాత్మన్ !
శ్రీ పర్వతాధిప ! విభో ! తవ సుప్రభాతమ్ ||
సృష్టం త్వయైవ జగదేతరశేషమీశ !
రక్షావిధిశ్చ విధిగోచర ! తావకీనః |
సంహారశక్తిరపి శంకర ! కింకరీ తే
శ్రీ శైలశేఖరవిభో ! తవ సుప్రభాతమ్ ||
ఏకస్త్వమేవ బహుధా భవ ! భాసి లోకే
నిశ్శంకధీర్వృషభకేతన ! మల్లినాథ !
శ్రీ భ్రామరీప్రయ ! సుఖాశ్రయ ! లోకనాథ !
శ్రీ శైలశేఖరవిభో ! తవ సుప్రభాతమ్ ||
పాతాళగాంగజలమజ్జననిర్మలాంగాః
భస్మతిపుండ్రసమలంకృతఫాలభాగాః |
గాయంతి దేవమునిభక్తజనా భవంతం
శ్రీ మల్లికార్జునవిభో ! తవ సుప్రభాతమ్ ||
సారస్వతాంబుయుతభోగవతీశ్రితాయాః
బ్రహ్మేశవిష్ణుగిరిచుంబితకృష్ణవేణ్యాః |
సోపానమార్గమధిరుహ్య భజంతి భక్తాః
శ్రీ మల్లికార్జునవిభో ! తవ సుప్రభాతమ్ ||
శ్రీ మల్లికార్జున మహేశ్వరసుప్రభాత
స్తోత్రం పఠంతి భువి యే మనుజాః ప్రభాతే |
తే సర్వ సౌఖ్యమనుభూయ పరానవాప్యం
శ్రీ శాంభవం పదమవాప్య ముదం లభంతే ||
ఇతి శ్రీ మల్లికార్జున సుప్రభాతం ||
Shri Mallikarjuna Suprabhatam
prātassmarāmi gaṇanāthamanāthabandhuṃ
siṃdūra pūrapariśōbhitagaṇḍayugmam |
uddaṇḍavighnaparikhaṇḍanacaṇḍadaṇḍa
mākhaṇḍalādisuranāyakabṛndavandyam ||
kaḷābhyāṃ cūḍālaṅkr̥taśaśikaḷābhyāṃ nijatapaḥ
phaḷābhyāṃ bhaktēṣu prakaṭitaphaḷābhyāṃ bhavatu mē |
śivābhyāmastīkatribhuvanaśivābhyāṃ hr̥di puna
rbhavābhyāmānandaspuradanubhavābhyāṃ natiriyam ||
namastē namastē mahādēva! śambhō!
namastē namastē dayāpūrṇasindhō!
namastē namastē prapannātmabandhō!
namastē namastē namastē mahēśa ||
śaśvacchrīgiri mūrddhani trijagatāṃ rakṣākr̥tau lakṣitāṃ
sākṣādakṣatasatkaṭākṣasaraṇi śrīmatsuadhāvarṣiṇīm,
sōmārddhāṅkitamastakāṃ praṇamatāṃ nissīmasaṃpatpradāṃ
suślōkāṃ bhramarāmbikāṃ smitamukhīṃ śambhōssakhīṃ tvāṃ sumaḥ ||
mātaḥ! prasīda, sadayā bhava, bhavyaśīlē !
līlālavākulitadaityakulāpahārē !
śrīcakrarājanilayē ! śrutigītakīrtē !
śrīśailanāthadayitē ! tava suprabhātam ||
śambhō ! surēndranuta ! śaṅkara ! śūlapāṇē !
candrāvatamsa ! śiva ! śarva ! pinākapāṇē !
gaṅgādhara ! kratupatē ! garuḍadhvajāpta !
śrī mallikārjunavibhō ! tava suprabhātam ||
viśvēśa ! viśvajanasevita ! viśvamūrtē !
viśvambhara ! tripurabhēdana ! viśvayōnē !
phālākṣa ! bhavyaguṇa ! bhōgivibhūṣaṇēśa !
śrī mallikārjunavibhō ! tava suprabhātam ||
kalyāṇarūpa ! karuṇākara ! kālakaṇṭha !
kalpadrumaprasavapūjita ! kāmadāyin !
durnītidaityadaḷanōdyata ! dēva dēva !
śrī mallikārjunavibhō ! tava suprabhātam ||
gaurīmanōhara ! gaṇēśvarasēvitāṅghrē !
gaṃdharvayakṣasurakiṇṇaragītakīrtē !
gaṇḍāvalambiphaṇikuṇḍalamāṇḍitāsya !
śrī mallikārjunavibhō ! tava suprabhātam ||
nāgēndrabhūṣaṇa ! nirīhita ! nirvikāra !
nirmāya ! niścala ! nirargaḷa ! nāgabhēdin !
nārāyaṇīpriya ! natēṣṭada ! nirmalātman !
śrī parvatādhipa ! vibhō ! tava suprabhātam ||
sr̥ṣṭaṃ tvayaiva jagadētaraśēṣamīśa !
rakṣāvidhiśca vidhigōcara ! tāvakīnaḥ |
saṃhāraśaktirapi śaṅkara ! kiṅkarī tē
śrī śailaśēkharavibhō ! tava suprabhātam ||
ēkastvamēva bahudhā bhava ! bhāsi lōkē
niśśaṅkadhīrvṛṣabhakētana ! mallinātha !
śrī bhrāmarīpriya ! sukhāśraya ! lōkanātha !
śrī śailaśēkharavibhō ! tava suprabhātam ||
pātāḷagāṅgajalamajjananirmalāṅgāḥ
bhasmatripuṇḍrasamalaṅkr̥taphālabhāgāḥ |
gāyanti dēvamunibhaktajanā bhavantaṃ
śrī mallikārjunavibhō ! tava suprabhātam ||
sārasvatāmbuyutabhōgavatīśritāyāḥ
brahmēśaviṣṇugiricumbitakṛṣṇavēṇyāḥ |
sōpānamārgamadhiruhya bhajanti bhaktāḥ
śrī mallikārjunavibhō ! tava suprabhātam ||
śrī mallikārjuna mahēśvarasuprabhāta
stōtraṃ paṭhanti bhuvi yē manujāḥ prabhātē |
tē sarva saukhyamanubhūya parānavāpyaṃ
śrī śāṃbhavaṃ padamavāpya mudaṃ labhaṃtē ||
iti śrī mallikārjuna suprabhātam ||