శ్రీ మల్లికార్జున స్తోత్రం
శ్రీకంఠాదిసమస్తరుద్రనమితో వామార్ధజానిః శివః
ప్రాలేయాచలహారహీరకుముదక్షీరాబ్ధితుల్యప్రభః |
విష్వక్సేనవిఘాతమస్తమకుటీరత్నప్రభాభాస్వరః
శ్రీమత్పర్వతమల్లికార్జునమహాదేవః శివో మే గతిః || ౧ ||
ఇంద్రాద్యామరయాతుధానకరవల్లీవేల్లితాశీవిషా-
ధీశాకర్షితమందరాగమథితాంభోరాశిజాతస్ఫుర- |
త్కీలాసంహితవిస్ఫులింగగరలగ్రాసైకశామ్యద్భయః
శ్రీమత్పర్వతమల్లికార్జునమహాదేవః శివో మే గతిః || ౨ ||
ఉద్యద్భాసురకాసరాసురభుజాదర్పాద్రిదంభోలిభృ-
త్పాటీరామరధేనునాయకకకుద్విన్యస్తహస్తాంబుజః |
నీహారాచలకన్యకావహనపాదద్వంద్వపాదోరుహః
శ్రీమత్పర్వతమల్లికార్జునమహాదేవః శివో మే గతిః || ౩ ||
నీరేజాసనముఖ్యనిర్జరశిరఃప్రచ్ఛన్నపాదద్వయః
సర్వజ్ఞత్రిపురాసురాహితగణాంభోదౌఘఝంఝానిలః |
మార్కండేయమహామునీశ్వరనుతప్రఖ్యాతచారిత్రకః
శ్రీమత్పర్వతమల్లికార్జునమహాదేవః శివో మే గతిః || ౪ ||
సద్భక్తావలిమానసాంబురుహచంచచ్చంచరీకో మృడః
క్రీడాబంధురపాణిహృత్కమలపోతః కర్ణగోకర్ణరాట్ |
చక్రీ చక్రసమస్తభూషణగణః కోలాసురధ్వంసకః
శ్రీమత్పర్వతమల్లికార్జునమహాదేవః శివో మే గతిః || ౫ ||
కల్యాణాచలకార్ముకప్రథితదుగ్ధాంభోధికన్యామనః
కంజాతభ్రమరాయమాణవిలసద్గోవిందసన్మార్గణః |
ధాత్రీస్యందనభాసమాననలినీజాత(ప్త)త్రయీసైంధవః
శ్రీమత్పర్వతమల్లికార్జునమహాదేవః శివో మే గతిః || ౬ ||
గోరాజోత్తమవాహనః శశికలాలంకారజూటః సదా
పద్మానాయకసాయకస్త్రిభువనాధీశః పశూనాం పతిః |
భక్తాభీష్టఫలప్రదానచతురః కారుణ్యపాథోనిధిః
శ్రీమత్పర్వతమల్లికార్జునమహాదేవః శివో మే గతిః || ౭ ||
పాతాలామరవాహినీవరజలక్రీడాసమేతః సదా
రంభాకననవాటికావిహరణోద్యుక్తస్త్రయీగోచరః |
ఫాలాక్షో భ్రమరాంబికాహృదయపంకేజాతపుష్పంధయః
శ్రీమత్పర్వతమల్లికార్జునమహాదేవః శివో మే గతిః || ౮ ||
ఇతి శ్రీ మల్లికార్జున స్తోత్రం ||
Shri Mallikarjuna Stotram
śrīkaṇṭhādisamastarudranamitō vāmārdhajāniḥ śivaḥ
prālēyācalahārahīrakumudakṣīrābdhitulyaprabhaḥ |
viṣvaksēnavighātamastamakuṭīratnaprabhābhāsvaraḥ
śrīmatparvatamallikārjunamahādēvaḥ śivō mē gatiḥ || 1 ||
indrādyāmarayātudhānakaravallīvēllitāśīviṣā-
dhīśākarṣitamaṇdarāgamathitāmbhōrāśijātasphura- |
tkīlāsaṃhitavisphuliṅgagaralagrāsaikaśāmyadbhayaḥ
śrīmatparvatamallikārjunamahādēvaḥ śivō mē gatiḥ || 2 ||
udyadbhāsurakāsarāsurabhujādarpādri daṃbhōlibhr̥-
tpāṭīrāmaradhēnunāyakakakudvinyastahastāṃbujaḥ |
nīhārācalakanyakāvahanapādadvandvapādōruhaḥ
śrīmatparvatamallikārjunamahādēvaḥ śivō mē gatiḥ || 3 ||
nīrējāsanamukhyanirjaraśiraḥpracchannapādadvayaḥ
sarvajñatripurāsurāhitagaṇāmbhōdaughajhuñjhānilaḥ |
mārkaṇḍēyamahāmunīśvaranutaprakhyātacāritrakaḥ
śrīmatparvatamallikārjunamahādēvaḥ śivō mē gatiḥ || 4 ||
sadbhaktāvalimānasāṃburuhacañcaccañcarīkō mṛḍaḥ
krīḍābandhurapāṇihr̥tkamalapōtaḥ karṇagōkarṇarāṭ |
cakrī cakrasamastabhūṣaṇagaṇaḥ kōlāsuradhvamsakaḥ
śrīmatparvatamallikārjunamahādēvaḥ śivō mē gatiḥ || 5 ||
kalyāṇācalakārmukaprathitadugdhāṃbhōdikanyāmanaḥ
kañjātabhramarāyamāṇavilasatgōvindasanmārgaṇaḥ |
dhātrīsyandanabhāsamānanaliṇījāta(pta)trayīsaiṇdhavaḥ
śrīmatparvatamallikārjunamahādēvaḥ śivō mē gatiḥ || 6 ||
gōrājōttamavāhanaḥ śasikaḷālaṅkārajūṭaḥ sadā
padmānāyakasāyakastribhuvanādhīśaḥ paśūnāṃ patiḥ |
bhaktābhīṣṭaphalapradānacaturaḥ kāruṇyapāthōnidhiḥ
śrīmatparvatamallikārjunamahādēvaḥ śivō mē gatiḥ || 7 ||
pātāḷāmaravāhiṇīvarajalaprīḍāsamētaḥ sadā
raṃbhākananavāṭikāviharaṇōdyuktastrayīgōcaraḥ |
phālāxō bhramarāṃbikāhr̥dayapaṅkējātapuṣpaṃdhayaḥ
śrīmatparvatamallikārjunamahādēvaḥ śivō mē gatiḥ || 8 ||
iti śrī mallikārjuna stōtram ||