శ్రీ గణపతి స్తోత్రం
జేతుం యస్త్రిపురం హరేణ హరిణా వ్యాజాద్బలిం బధ్నతా
స్త్రష్టుం వారిభవోద్భవేన భువనం శేషేణ ధర్తుం ధరమ్ |
పార్వత్యా మహిషాసురప్రమథనే సిద్ధాధిపైః సిద్ధయే
ధ్యాతః పంచశరేణ విశ్వజితయే పాయాత్ స నాగాననః || ౧ ||
విఘ్నధ్వాంతనివారణైకతరణిర్విఘ్నాటవీహవ్యవాట్
విఘ్నవ్యాలకులాభిమానగరుడో విఘ్నేభపంచాననః |
విఘ్నోత్తుఙ్గగిరిప్రభేదనపవిర్విఘ్నాంబుధేర్వాడవో
విఘ్నాఘౌధఘనప్రచండపవనో విఘ్నేశ్వరః పాతు నః || ౨ ||
ఖర్వం స్థూలతనుం గజేంద్రవదనం లంబోదరం సుందరం
ప్రస్యందన్మదగంధలుబ్ధమధుపవ్యాలోలగండస్థలమ్ |
దంతాఘాతవిదారితారిరుధిరైః సిందూరశోభాకర
వందే శైలసుతాసుతం గణపతిం సిద్ధిప్రదం కామదమ్ || ౩ ||
గజాననాయ మహసే ప్రత్యూహతిమిరచ్ఛిదే |
అపారకరుణాపూరతరంగితదృశే నమః || ౪ ||
అగజాననపద్మార్కం గజాననమహర్నిశమ్ |
అనేకదం తం భక్తానామేకదంతముపాస్మహే || ౫ ||
శ్వేతాంగం శ్వేతవస్త్రం సితకుసుమగణైః పూజితం శ్వేతగంధైః
క్షీరాబ్ధౌ రత్నదీపైః సురనరతిలకం రత్నసింహాసనస్థమ్ |
దోర్భిః పాశాంకుశాబ్జాభయవరమనసం చంద్రమౌలిం త్రినేత్రం
ధ్యాయేచ్ఛాంత్యర్థమీశం గణపతిమమలం శ్రీసమేతం ప్రసన్నమ్ || ౬ ||
ఆవాహయే తం గణరాజదేవం రక్తోత్పలాభాసమశేషవంద్యమ్ |
విఘ్నాంతకం విఘ్నహరం గణేశం భజామి రౌద్రం సహితం చ సిద్ధ్యా || ౭ ||
యం బ్రహ్మ వేదాంతవిదో వదంతి పరం ప్రధానం పురుషం తథాఽన్యే |
విశ్వోద్గతేః కారణమీశ్వరం వా తస్మై నమో విఘ్నవినాశనాయ || ౮ ||
విఘ్నేశ వీర్యాణి విచిత్రకాణి వందీజనైర్మాగధకైః స్మృతాని |
శ్రుత్వా సముత్తిష్ఠ గజానన త్వం బ్రాహ్మే జగన్మంగలకం కురుష్వ || ౯ ||
గణేశ హేరంబ గజాననేతి మహోదర స్వానుభవప్రకాశిన్ |
వరిష్ఠ సిద్ధిప్రియ బుద్ధినాథ వదంత ఏవం త్యజత ప్రభీతీః || ౧౦ ||
అనేకవిఘ్నాంతక వక్రతుండ స్వసంజ్ఞవాసింశ్చ చతుర్భుజేతి |
కవీశ దేవాంతకనాశకారిన్ వదంత ఏవం త్యజత ప్రభీతీః || ౧౧ ||
అనంతచిద్రూపమయం గణేశం హ్యభేదభేదాదివిహీనమాద్యమ్ |
హృది ప్రకాశస్య ధరం స్వధీస్థం తమేకదంతం శరణం వ్రజామః || ౧౨ ||
విశ్వాదిభూతం హృది యోగినాం వై ప్రత్యక్షరూపేణ విభాంతమేకమ్ |
సదా నిరాలంబసమాధిగమ్యం తమేకదంతం శరణం వ్రజామః || ౧౩ ||
యదీయవీర్యేణ సమర్థభూతా మాయా తయా సంరచితం చ విశ్వమ్ |
నాగాత్మకం హ్యాత్మతయా ప్రతీతం తమేకదంతం శరణం వ్రజామః || ౧౪ ||
సర్వాంతరే సంస్థితమేకమూఢం యదాజ్ఞయా సర్వమిదం విభాతి |
అనంతరూపం హృది బోధకం వై తమేకదంతం శరణం వ్రజామః || ౧౫ ||
యం యోగినో యోగబలేన సాధ్యం కుర్వంతి తం కః స్తవనేన నౌతి |
అతః ప్రణామేన సుసిద్ధిదోఽస్తు తమేకదంతం శరణం వ్రజామః || ౧౬ ||
దేవేంద్రమౌలిమందారమకరందకణారుణాః |
విఘ్నాన్ హరంతు హేరంబచరణాంబుజరేణవః || ౧౭ ||
ఏకదంతం మహాకాయం లంబోదరగజాననమ్ |
విఘ్ననాశకరం దేవం హేరంబం ప్రణమామ్యహమ్ || ౧౮ ||
యదక్షర పద భ్రష్టం మాత్రాహీనం చ యద్భవేత్ |
తత్సర్వం క్షమ్యతాం దేవ ప్రసీద పరమేశ్వర || ౧౯ ||
ఇతి శ్రీ గణపతి స్తోత్రం సంపూర్ణమ్ |
Sri Ganapati Stotram
jētuṃ yastripuraṃ harēṇa hariṇā vyājādbaliṃ badhnatā
straṣṭuṃ vāribhavōdbhavēna bhuvanaṃ śēṣēṇa dhartuṃ dharam |
pārvatyā mahiṣāsurapramathanē siddhādhipaiḥ siddhayē
dhyātaḥ pañcaśarēṇa viśvajitayē pāyāt sa nāgānanaḥ || 1 ||
vighnadhvāntanivāraṇaikataraṇirvighnāṭavīhavyavāṭ
vighnavyālukulābhimānagaruḍō vighnēbhapañcānanaḥ |
vighnōttuṅgagiriprabhēdanapavirvighnāmbudhērvāḍavō
vighnāghaudhaghanapracaṇḍapavanō vighnēśvaraḥ pātu naḥ || 2 ||
kharvaṃ sthūlatanuṃ gajēndravadhanaṃ lambōdharaṃ sundaraṃ
prasyandanmadagandhalubdhamadhupavyālōlagaṇḍasthalam |
dhantāghātavidāritārirudhiraiḥ sindūraśōbhākaraṃ
vandē śailasutāsutaṃ gaṇapatiṃ siddhipradaṃ kāmadam || 3 ||
gajānanāya mahasē pratyūhatimiracchidē |
apārakaruṇāpūrataraṅgitadṛśē namaḥ || 4 ||
agajānanapadmārkaṃ gajānanamaharniśam |
anēkadaṃ taṃ bhaktānāmēkadantamupāsmahē || 5 ||
śvētāṅgaṃ śvētavastraṃ sitakusumagaṇaiḥ pūjitaṃ śvētagandhaiḥ
kṣīrābdhau ratnadīpaiḥ suranaratilakaṃ ratnasiṃhāsanastham |
dōrbhiḥ pāśāṅkuśābjābhayavaramanasaṃ candramauliṃ trinētraṃ
hyāyēcchāntyarthamīśaṃ gaṇapatimamalaṃ śrīsamētaṃ prasannam || 6 ||
āvāhayē taṃ gaṇarājadēvaṃ raktōtpalābhāśamaśēṣavandyam |
vighnāntakaṃ vighnaharaṃ gaṇēśaṃ bhajāmi raudraṃ sahitaṃ ca siddhyā || 7 ||
yaṃ brahma vēdāntavidō vadanti paraṃ pradhānaṃ puruṣaṃ tathā’nyē |
viśvōdgatēḥ kāraṇamīśvaraṃ vā tasmai namō vighnavināśanāya || 8 ||
vighnēśa vīryāṇi vicitrakāṇi vandījanairmāgadhakaiḥ smṛtāni |
śrutvā samuttiṣṭha gajānana tvaṃ brāhmē jaganmaṅgalakaṃ kuruṣva || 9 ||
gaṇēśa hēramba gajānanēti mahōdhara svānubhavaprakāśin |
variṣṭha siddhipriya buddhinātha vadanta ēvaṃ tyajata prabhītīḥ || 10 ||
anēkavighnāntaka vakratuṇḍa svasaṃjñavāsiṃśca caturbhujēti |
kavīśa dēvāntakanāśakārin vadanta ēvaṃ tyajata prabhītīḥ || 11 ||
anantacidrūpamayaṃ gaṇēśaṃ hyabhēdabhēdādivihīnamādyam |
hṛdi prakāśasya dharaṃ svadhīsthaṃ tamēkadantaṃ śaraṇaṃ vrajāmaḥ || 12 ||
viśvādibhūtaṃ hṛdi yōgināṃ vai pratyakṣarūpēṇa vibhāntamēkam |
sadā nirālambasamādhigamyaṃ tamēkadantaṃ śaraṇaṃ vrajāmaḥ || 13 ||
yadīyavīryēṇa samarthabhūtā māyā tayā saṃracitaṃ ca viśvam |
nāgātmakaṃ hyātmatayā pratītaṃ tamēkadantaṃ śaraṇaṃ vrajāmaḥ || 14 ||
sarvāntarē saṃsthitamēkamūḍhaṃ yadājñayā sarvamidaṃ vibhāti |
anantarūpaṃ hṛdi bōdhakaṃ vai tamēkadantaṃ śaraṇaṃ vrajāmaḥ || 15 ||
yaṃ yōginō yōgabalēna sādhyaṃ kurvanti taṃ kaḥ stavanēna nauti |
ataḥ praṇāmēna susiddhidō’stu tamēkadantaṃ śaraṇaṃ vrajāmaḥ || 16 ||
dēvēndramaulimandāramakarandakaṇāruṇāḥ |
vighnān harantu hērambacaraṇāmbujarēṇavaḥ || 17 ||
ēkadantaṃ mahākāyaṃ lambōdaragajānanam |
vighnanāśakaraṃ dēvaṃ hērambaṃ praṇamāmyaham || 18 ||
yadakṣara pada bhraṣṭaṃ mātrāhīnaṃ ca yadbhavēt |
tatsarvaṃ kṣamyatāṃ dēva prasīda paramēśvara || 19 ||
iti śrī gaṇapati stōtraṃ sampūrṇam |