శ్రీ దుర్గాష్టకం
కాత్యాయని మహామాయే ఖడ్గబాణధనుర్ధరే |
ఖడ్గధారిణి చండి దుర్గాదేవి నమోస్తుతే || ౧ ||
వసుదేవసుతే కాలి వాసుదేవసహోదరీ |
వసుంధరాశ్రియే నందే దుర్గాదేవి నమోస్తుతే || ౨ ||
యోగనిద్రే మహానిద్రే యోగమాయే మహేశ్వరీ |
యోగసిద్ధికరీ శుద్ధే దుర్గాదేవి నమోస్తుతే || ౩ ||
శంఖచక్రగదాపాణే శార్ఙ్గజ్యాయతబాహవే |
పీతాంబరధరే ధన్యే దుర్గాదేవి నమోస్తుతే || ౪ ||
ఋగ్యజుస్సామాథర్వాణశ్చతుస్సామంతలోకినీ |
బ్రహ్మస్వరూపిణి బ్రాహ్మి దుర్గాదేవి నమోస్తుతే || ౫ ||
వృష్ణీనాం కులసంభూతే విష్ణునాథసహోదరీ |
వృష్ణిరూపధరే ధన్యే దుర్గాదేవి నమోస్తుతే || ౬ ||
సర్వజ్ఞే సర్వగే శర్వే సర్వేశే సర్వసాక్షిణీ |
సర్వామృతజటాభారే దుర్గాదేవి నమోస్తుతే || ౭ ||
అష్టబాహు మహాసత్త్వే అష్టమీ నవమీ ప్రియే |
అట్టహాసప్రియే భద్రే దుర్గాదేవి నమోస్తుతే || ౮ ||
ఫలశ్రుతి:
దుర్గాష్టకమిదం పుణ్యం భక్తితో యః పఠేన్నరః |
సర్వకామమవాప్నోతి దుర్గాలోకం స గచ్ఛతి ||
ఇతి శ్రీ దుర్గాష్టకం |
śrī durgāṣṭakam
kātyāyani mahāmāyē khaḍgabāṇadhanurdharē |
khaḍgadhāriṇi caṇḍi durgādēvi namōstutē || 1 ||
vasudēvasutē kāli vāsudēvasahōdarī |
vasundharāśriyē nandē durgādēvi namōstutē || 2 ||
yōganidrē mahānidrē yōgamāyē mahēśvarī |
yōgasiddhikarī śuddhē durgādēvi namōstutē || 3 ||
śaṅkhacakragadāpāṇē śārṅgajyāyatabāhavē |
pītāmbaradharē dhanyē durgādēvi namōstutē || 4 ||
r̥gyajussāmātharvāṇaścatussāmantalōkinī |
brahmasvarūpiṇi brāhmi durgādēvi namōstutē || 5 ||
vr̥ṣṇīnāṃ kulasambhūtē viṣṇunāthasahōdarī |
vr̥ṣṇirūpadharē dhanyē durgādēvi namōstutē || 6 ||
sarvajñē sarvagē śarvē sarvēśē sarvasākṣiṇī |
sarvāmr̥tajaṭābhārē durgādēvi namōstutē || 7 ||
aṣṭabāhu mahāsattvē aṣṭamī navamī priyē |
aṭṭahāsapriyē bhadrē durgādēvi namōstutē || 8 ||
Phalaśruti:
durgāṣṭakamidaṃ puṇyaṃ bhaktitō yaḥ paṭhēnnaraḥ |
sarvakāmamavāpnōti durgālōkaṃ sa gacchati ||
iti śrī durgāṣṭakam |