శ్రీ ధనలక్ష్మీ స్తోత్రం
శ్రీ ధనదా ఉవాచ |
దేవీ దేవముపాగమ్య నీలకంఠం మమ ప్రియమ్ |
కృపయా పార్వతీ ప్రాహ శంకరం కరుణాకరమ్ || ౧ ||
శ్రీ దేవ్యువాచ |
బ్రూహి వల్లభ సాధూనాం దరిద్రాణాం కుటుంబినామ్ |
దరిద్రదలనోపాయమంజసైవ ధనప్రదమ్ || ౨ ||
శ్రీ శివ ఉవాచ |
పూజయన్ పార్వతీవాక్యమిదమాహ మహేశ్వరః |
ఉచితం జగదంబాసి తవ భూతానుకంపయా || ౩ ||
స సీతం సానుజం రామం సాంజనేయం సహానుగమ్ |
ప్రణమ్య పరమానందం వక్ష్యేఽహం స్తోత్రముత్తమమ్ || ౪ ||
ధనదం శ్రద్ధధానానాం సద్యః సులభకారకమ్ |
యోగక్షేమకరం సత్యం సత్యమేవ వచో మమ || ౫ ||
పఠంతః పాఠయంతోఽపి బ్రాహ్మణైరాస్తికోత్తమైః |
ధనలాభో భవేదాశు నాశమేతి దరిద్రతా || ౬ ||
భూభవాంశభవాం భూత్యై భక్తికల్పలతాం శుభామ్ |
ప్రార్థయేత్తాం యథాకామం కామధేనుస్వరూపిణీమ్ || ౭ ||
ధనదే ధర్మదే దేవి దానశీలే దయాకరే |
త్వం ప్రసీద మహేశాని యదర్థం ప్రార్థయామ్యహమ్ || ౮ ||
ధరాఽమరప్రియే పుణ్యే ధన్యే ధనదపూజితే |
సుధనం ధార్మికే దేహి యజమానాయ సత్వరమ్ || ౯ ||
రమ్యే రుద్రప్రియే రూపే రామరూపే రతిప్రియే |
శిఖీసఖమనోమూర్తే ప్రసీద ప్రణతే మయి || ౧౦ ||
ఆరక్తచరణాంభోజే సిద్ధిసర్వార్థదాయికే |
దివ్యాంబరధరే దివ్యే దివ్యమాల్యానుశోభితే || ౧౧ ||
సమస్తగుణసంపన్నే సర్వలక్షణలక్షితే |
శరచ్చంద్రముఖే నీలే నీలనీరజలోచనే || ౧౨ ||
చంచరీక చమూ చారు శ్రీహార కుటిలాలకే |
మత్తే భగవతీ మాతః కలకంఠరవామృతే || ౧౩ ||
హాసాఽవలోకనైర్దివ్యైర్భక్తచింతాపహారికే |
రూప లావణ్య తారూణ్య కారూణ్య గుణభాజనే || ౧౪ ||
క్వణత్కంకణమంజీరే లసల్లీలాకరాంబుజే |
रुద్రప్రకాశితే తత్త్వే ధర్మాధారే ధరాలయే || ౧౫ ||
ప్రయచ్ఛ యజమానాయ ధనం ధర్మైకసాధనమ్ |
మాతస్త్వం మేఽవిలంబేన దిశస్వ జగదంబికే || ౧౬ ||
కృపయా కరుణాగారే ప్రార్థితం కురు మే శుభే |
వసుధే వసుధారూపే వసువాసవవందితే || ౧౭ ||
ధనదే యజమానాయ వరదే వరదా భవ |
బ్రహ్మణ్యైర్బ్రాహ్మణైః పూజ్యే పార్వతీశివశంకరే || ౧౮ ||
స్తోత్రం దరిద్రతావ్యాధిశమనం సుధనప్రదమ్ |
శ్రీకరే శంకరే శ్రీదే ప్రసీద మయి కింకరే || ౧౯ ||
పార్వతీశప్రసాదేన సురేశకింకరేరితమ్ |
శ్రద్ధయా యే పఠిష్యంతి పాఠయిష్యంతి భక్తితః || ౨౦ ||
సహస్రమయుతం లక్షం ధనలాభో భవేద్ధ్రువమ్ |
ధనదాయ నమస్తుభ్యం నిధిపద్మాధిపాయ చ |
భవంతు త్వత్ప్రసాదాన్మే ధనధాన్యాదిసంపదః || ౨౧ ||
ఇతి శ్రీ ధనలక్ష్మీ స్తోత్రం |
śrī dhanalakṣmī stōtram
śrī dhanadā uvāca |
dēvī dēvamupāgamya nīlakaṇṭhaṃ mama priyam |
kṛpayā pārvatī prāha śaṅkaraṃ karuṇākaram || 1 ||
śrī dēvyuvāca |
brūhi vallabha sādhūnāṃ daridrāṇāṃ kuṭumbinām |
daridradalanōpāyamañjasaiva dhanapradam || 2 ||
śrī śiva uvāca |
pūjayan pārvatīvākyamidamāha mahēśvaraḥ |
ucitaṃ jagadhambāsi tava bhūtānukampayā || 3 ||
sa sītaṃ sānujāṃ rāmaṃ sāñjanēyaṃ sahānugam |
praṇamya paramānandaṃ vakṣyē’haṃ stōtramuttamam || 4 ||
dhanadaṃ śraddadhānānāṃ sadyaḥ sulabhakārakam |
yōgakṣēmakaraṃ satyaṃ satyamēva vacō mama || 5 ||
paṭhantaḥ pāṭhayantō’pi brāhmaṇairāstikōttamaiḥ |
dhanalābhō bhavēdāśu nāśamēti daridratā || 6 ||
bhūbhavāṃśabhavāṃ bhūtyai bhaktikalpalatāṃ śubhām |
prārthayēttāṃ yathākāmaṃ kāmadhēnusvarūpiṇīm || 7 ||
dhanadē dharmadē dēvi dānaśīlē dayākarē |
tvaṃ prasīda mahēśāni yadarthaṃ prārthayāmyaham || 8 ||
dharā’marapriyē puṇyē dhanyē dhanadapūjitē |
sudhanaṃ dhārmikē dēhi yajamānāya satvaram || 9 ||
ramyē rudrapriyē rūpē rāmarūpē ratipriyē |
śikhīsakhamanōmūrtē prasīda praṇatē mayi || 10 ||
āraktacaraṇāmbhōjē siddhisarvārthadāyikē |
divyāmbaradharē divyē divyamālyānuśōbhitē || 11 ||
samastaguṇasampannē sarvalakṣaṇalakṣitē |
śaraccandramukhē nīlē nīlanīrajalōcanē || 12 ||
cañcarīka camū cāru śrīhāra kuṭilālakē |
mattē bhagavatī mātaḥ kalakaṇṭharavāmṛtē || 13 ||
hāsā’valōkanairdivyairbhaktacintāpahārikē |
rūpa lāvaṇya tāruṇya kāruṇya guṇabhājanē || 14 ||
kvaṇatkaṅkaṇamañjīrē lasallīlākarāmbhōjē |
rudraprakāśitē tattvē dharmādhārē dharālayē || 15 ||
prayaccha yajamānāya dhanaṃ dharmaiikasādhanam |
mātastvaṃ mē’vilambēna diśasva jagadhambikē || 16 ||
kṛpayā karuṇāgārē prārthitaṃ kuru mē śubhē |
vasudhē vasudhārūpē vasuvāsavavanditē || 17 ||
dhanadē yajamānāya varadē varadā bhava |
brahmaṇyairbrāhmaṇaiḥ pūjyē pārvatīśivaśaṅkarē || 18 ||
stōtraṃ daridratāvyādhiśamanaṃ sudhanapradam |
śrīkarē śaṅkarē śrīdē prasīda mayi kiṅkarē || 19 ||
pārvatīśaprasādēna surēśakiṅkarēritam |
śraddhayā yē paṭhiṣyanti pāṭhayiṣyanti bhaktitaḥ || 20 ||
sahasramayutaṃ lakṣaṃ dhanalābhō bhavēddhruvam |
dhanadāya namastubhyaṃ nidhipadmādhipāya ca |
bhavantu tvatprasādānmē dhanadhānyādisampadaḥ || 21 ||
iti śrī dhanalakṣmī stōtram |