కాశీ విశ్వనాథాష్టకం
గంగాతరంగ రమణీయ జటా కలాపం
గౌరీ నిరంతర విభూషిత వామ భాగం |
నారాయణ ప్రియ మదంగ మదాప హారం
వారాణసి పురపతిం భజ విశ్వనాథం || ౧ ||
వాచామగోచరమనేక గుణ స్వరూపం
వాగీశ విష్ణు సుర సేవిత పాద పీఠం |
వామేన విగ్రహవరేణ కళత్రవంతం
వారాణసి పురపతిం భజ విశ్వనాథం || ౨ ||
భూతాధిపం భుజగ భూషణ భూషితాంగం
వ్యాఘ్రాజినాంబరధరం జటిలం త్రినేత్రం |
పాశాంకుశాభయ వరప్రద శూలపాణిం
వారాణసి పురపతిం భజ విశ్వనాథం || ౩ ||
శితాంశు శోభిత కిరీట విరాజమానం
ఫాలేక్షణానల విశోషిత పంచ బాణం |
నాగాధిపారచిత భాసుర కర్ణపూరం
వారాణసి పురపతిం భజ విశ్వనాథం || ౪ ||
పంచాననం దురిత మత్త మతంగజానాం
నాగాంతకం దనుజ పుంగవ పన్నగానాం |
దావానలం మరణ శోక జరాటవీనాం
వారాణసి పురపతిం భజ విశ్వనాథం || ౫ ||
తేజోమయం సగుణ నిర్గుణమద్వితీయం
ఆనందకందమపరాజితమప్రమేయం |
నాగాత్మకం సకల నిష్కళమాత్మ రూపం
వారాణసి పురపతిం భజ విశ్వనాథం || ౬ ||
ఆశాం విహాయ పరిహృత్య పరస్య నిందాం
పాపే రతిం చ సునివార్య మనః సమాధౌ |
ఆదాయ హృత్కమల మధ్యగతం ప్రదేశం
వారాణసి పురపతిం భజ విశ్వనాథం || ౭ ||
రాగాది దోష రహితం స్వజనానురాగం
వైరాగ్య శాంతి నిలయం గిరిజా సహాయం |
మాధుర్య ధైర్య సుభగం గరళాభిరామం
వారాణసి పురపతిం భజ విశ్వనాథం || ౮ ||
వారాణసీ పురపతేః స్తవనం శివస్య
వ్యాసోక్తమష్టకమిదం పఠితా మనుష్యః |
విద్యాం శ్రియం విపుల సౌఖ్యమనంత కీర్తిం
సంప్రాప్య దేహ నిలయే లభతే చ మోక్షం || ౯ ||
విశ్వనాథాష్టకమిదం యః పఠేచ్ఛివ సన్నిధౌ |
శివలోకమవాప్నోతి శివేన సహ మోదతే ||