Kashi Vishwanatha Ashtakam
gaṅgātaraṅga ramaṇīya jaṭā kalāpaṃ
gaurī nirantara vibhūṣita vāma bhāgam |
nārāyaṇa-priyam-adaṅga-madāpahāraṃ
vārāṇasī purapatiṃ bhaja viśvanātham || 1 ||
vācāmagocaram-aneka guṇa svarūpaṃ
vāgīśa viṣṇu sura sevita pāda pīṭham |
vāmena vigrahavareṇa kaḷatravantaṃ
vārāṇasī purapatiṃ bhaja viśvanātham || 2 ||
bhūtādhipaṃ bhujaga bhūṣaṇa bhūṣitāṅgaṃ
vyāghrājināmbaradharaṃ jaṭilaṃ trinetram |
pāśāṅkuśābhaya varaprada śūlapāṇiṃ
vārāṇasī purapatiṃ bhaja viśvanātham || 3 ||
śitāṃśu śobhita kirīṭa virājamānaṃ
bhālekṣaṇānala viśoṣita pañcabāṇam |
nāgādhipāracita bhāsura karṇapūraṃ
vārāṇasī purapatiṃ bhaja viśvanātham || 4 ||
pañcānanaṃ durita matta mataṅgajānāṃ
nāgāntakaṃ danuja puṅgava pannagānām |
dāvānalaṃ maraṇa śoka jarāṭavīnāṃ
vārāṇasī purapatiṃ bhaja viśvanātham || 5 ||
tejōmayaṃ saguṇa nirguṇam-advitīyaṃ
ānanda kanda-maparājita-maprameyam |
nāgātmakaṃ sakala niṣkaḷam-ātma rūpaṃ
vārāṇasī purapatiṃ bhaja viśvanātham || 6 ||
āśāṃ vihāya parihṛtya parasya nindāṃ
pāpe ratiṃ ca sunivārya manaḥ samādhau |
ādāya hṛtkamala madhyagataṃ pradeśaṃ
vārāṇasī purapatiṃ bhaja viśvanātham || 7 ||
rāgādi doṣa rahitaṃ svajanānurāgaṃ
vairāgya śānti nilayaṃ girijā sahāyam |
mādhurya dhairya subhagaṃ garaḷābhirāmaṃ
vārāṇasī purapatiṃ bhaja viśvanātham || 8 ||
vārāṇasī purapateḥ stavanaṃ śivasya
vyāsoktam-aṣṭakam-idaṃ paṭhitā manuṣyaḥ |
vidyāṃ śriyaṃ vipula saukhyam-ananta kīrtiṃ
saṃprāpya deha nilaye labhate ca mokṣam || 9 ||
viśvanāthāṣṭakam-idaṃ yaḥ paṭhecchiva sannidhau |
śivalokam-avāpnoti śivena saha modate ||