షష్టో౬ధ్యాయః (ధూమ్రలోచనవధః)
ధ్యానమ్: ఓం నాగాధీశ్వరవిష్టరాం ఫణిఫణోత్తంసోరురత్నావలీ- భాస్వద్దేహలతాం దివాకరనిభాం నేత్రత్రయోద్భాసితామ్ |
మాలాకుమ్భకపాలనీరజకరాం చన్దార్ధచూడాం పరాం, సర్వజ్ఞేశ్వరభైరవాఙ్కనిలయాం పద్మావతీం చిన్తయే ||
ఋషిరువాచ: ఇత్యాకర్ణ్య వచో దేవ్యాః స దూతోమర్షపూరితః |
సమాచష్ట సమాగమ్య దైత్యరాజాయ విస్తరాత్ | 2
తస్య దూతస్య తద్వాక్యమాకర్ణ్యాసురరాట్ తతః |
సక్రోధః ప్రాహ దైత్యానామధిపం ధూమ్రలోచనం | 3
హే ధూమ్రలోచనాశు త్వం స్వసైన్యపరివారితః |
తామానయ బలాద్ధుష్టాం కేశాకర్షణవిహ్వలాం | 4
తత్పరిత్రాణదః కశ్చిద్యది వోత్తిష్ఠ తే పరః |
స హంతవ్యో మరో వాపి యక్షో గంధర్వ ఏవ వా | 5
ఋషిరువాచ: తేనాజ్ఞప్తస్తతః శీఘ్రం స దైత్యో ధూమ్రలోచనః |
వృతః షష్ట్యా సహస్రాణామసురాణాం ద్రుతం యయౌ | 7
స దృష్ట్వా తాం తతో దేవీం తుహినాచలసంస్థితాం |
జగాదోచ్చైః ప్రయాహీతి మూలం శుంభనిశుంభయోః | 8
న చేత్ప్రత్యాద్య భవతీ మద్భర్తారముపైష్యతి |
తతో బలాన్నయామ్యేష కేశాకర్షణవిహ్వలాం | 9
దేవ్యువాచ: దైత్యేశ్వరేణ ప్రహితో బలవాన్బలసంవృతః |
బలాన్నయసి మామేవం తతః కిం తే కరోమ్యహం | 11
ఋషిరువాచ: ఇత్యుక్తః సో భ్యధావత్తామసురో ధూమ్రలోచనః |
హుంకారేణైవ తం భస్మ సా చకారాంబికా తతః | 13
అథ క్రుద్ధం మహాసైన్యమాసురాణాం తథాంబికా |
వవర్ష సాయకైస్తీక్రైస్తథా శక్తిపరశ్వధైః | 14
తతో ధుతసటః కోపాత్కృత్వా నాదం సుభైరవం |
పపాతాసురసేనాయాం సింహో దేవ్యాః స్వవాహనః | 15
కాంశీ్చత్కరప్రహారేణ దైత్యానాస్యేన చాపరాన్ |
ఆక్రామ్య చాధరేణాన్యాన్ స జఘాన మహాసురాన్ | 16
కేషాంచిత్పాటయామాస నఖైః కోష్ఠాని కేసరీ |
తథా తలప్రహారేణ శిరాంసి కృతవాన్పృథక్ | 17
విచ్ఛిన్నబాహుశిరసః కృతాస్తేన తథాపరే |
పపౌ చ రుధిరం కోష్ఠాదన్యేషాం ధుతకేసరః | 18
క్షణేన తద్బలం సర్వం క్షయం నీతం మహాత్మనా |
తేన కేసరిణా దేవ్యా వాహనేనాతికోపినా | 19
శ్రుత్వా తమసురం దేవ్యా నిహతం ధూమ్రలోచనం |
బలం చ క్షయితం కృత్స్నం దేవీకేసరిణా తతః | 20
చుకోప దైత్యాధిపతిః శుంభః ప్రస్ఫురితాధరః |
ఆజ్ఞాపయామాస చ తౌ చండముండౌ మహాసురౌ | 21
హే చండ హే ముండ బలైర్బహుభిః పరివారితౌ |
తత్ర గచ్ఛత గత్వా చ సా సమానీయతాం లఘు | 22
కేశేష్వాకృష్య బద్ధ్వా వా యది వః సంశయో యుధి |
తదాశేషాయుధైః సర్వైరసురైర్వినిహన్యతాం | 23
తస్యాం హతాయాం దుష్టాయాం సింహే చ వినిపాతితే |
శీఘ్రమాగమ్యతాం బద్ధ్వా గృహీత్వా తామథాంబికాం | 24
ఇతి శ్రీమార్కండేయపురాణే సావర్ణికే మన్వంతరే దేవీమాహాత్మ్యే శుంభనిశుంభ సేనానీధూమ్రలోచనవధో నామ షష్టో ధ్యాయః
ṣaṣṭhō'dhyāyaḥ (dhūmralōcanavadhaḥ)
dhyānam: oṃ nāgādhīśvaraviṣṭarāṃ phaṇiphaṇōttaṃsōruratnāvalī- bhāsvaddēhalatāṃ divākaranibhāṃ nētratrayōdbhāsitām |
mālākumbhakapālanīrajakarāṃ candrārdhacūḍāṃ parāṃ, sarvajñēśvarabhairavāṅkanilayāṃ padmāvatīṃ cintayē ||
r̥ṣiruvāca: ityākarṇya vacō dēvyāḥ sa dūtō'marṣapūritaḥ |
samācaṣṭa samāgamya daityarājāya vistarāt | 2
tasya dūtasya tadvākyam-ākarṇyāsurarāṭ tataḥ |
sakrōdhaḥ prāha daityānām-adhipaṃ dhūmralōcanam | 3
hē dhūmralōcanāśu tvaṃ svasainyaparivāritaḥ |
tām-ānaya balād-dhuṣṭāṃ kēśākarṣaṇa-vihvalām | 4
tat-paritrāṇadaḥ kaścidyadi vōttiṣṭhatē paraḥ |
sa hantavyō amarō vāpi yakṣō gandharva ēva vā | 5
r̥ṣiruvāca: tēnājñaptas-tataḥ śīghraṃ sa daityō dhūmralōcanaḥ |
vr̥taḥ ṣaṣṭyā sahasrāṇām-asurānāṃ drutaṃ yayāu | 7
sa dṛṣṭvā tāṃ tatō dēvīṃ tuhinācala-saṃstthitām |
jagādōccāiḥ prayāhīti mūlaṃ śumbhaniśumbhayōḥ | 8
na cēt-pratyadya bhavatī mad-bhartāram-upāiṣyati |
tatō balān-nayāmyēṣa kēśākarṣaṇa-vihvalām | 9
dēvyuvāca: daityēśvarēṇa prahitō balavān-balasaṃvr̥taḥ |
balān-nayasi mām-ēvaṃ tataḥ kiṃ tē karōmyaham | 11
r̥ṣiruvāca: ityuktaḥ sō'bhyadhāvattām-asurō dhūmralōcanaḥ |
huṅkārēṇāiva taṃ bhasma sā cakārāmbikā tataḥ | 13
atha kruddhaṃ mahāsainyam-asurānāṃ tathāmbikā |
vavarṣa sāyakāit-tīkṣṇāis-tathā śaktiparaśvadhāiḥ | 14
tatō dhuta-saṭaḥ kōpāt-kr̥tvā nādaṃ subhairavam |
papātāsurasēnāyāṃ siṃhō dēvyāḥ svavāhanaḥ | 15
kāṃś-cit-karaprahārēṇa daityān-āsyēna cāparān |
ākrāmya cādharēṇānyān sa jaghāna mahāsurān | 16
kēṣāñ-cit-pāṭayāmāsa nakhāiḥ kōṣṭhāni kēsarī |
tathā talaprahārēṇa śirāṃsi kr̥tavān-pr̥thak | 17
vicchinna-bāhu-śirasaḥ kr̥tāstēna tathāparē |
papāu ca rudhiraṃ kōṣṭhād-anyēṣāṃ dhuta-kēsaraḥ | 18
kṣaṇēna tad-balaṃ sarvaṃ kṣayaṃ nītaṃ mahātmanā |
tēna kēsarīṇā dēvyā vāhanēnātikōpinā | 19
śrutvā tam-asuraṃ dēvyā nihataṃ dhūmralōcanam |
balaṃ ca kṣayitaṃ kr̥tsnaṃ dēvī-kēsariṇā tataḥ | 20
cukōpa daityādhipatiḥ śumbhaḥ prasphuritādharaḥ |
ājñāpayāmāsa ca tāu caṇḍamuṇḍāu mahāsurāu | 21
hē caṇḍa hē muṇḍa balāir-bahu-bhiḥ parivāritāu |
tatra gacchata gatvā ca sā samānīyatāṃ laghu | 22
kēśēṣvākr̥ṣya baddhvā vā yadi vaḥ saṃśayō yudhi |
tadāśēṣāyudhāiḥ sarvāir-asurāir-vinihanyatām | 23
tasyāṃ hatāyāṃ duṣṭāyāṃ siṃhē ca vinipātitē |
śīghram-āgamyatāṃ baddhvā gr̥hītvā tām-athāmbikām | 24
iti śrīmārkaṇḍēyapurāṇē sāvarṇikē manvantarē dēvīmāhātmye śumbhaniśumbhasēnānīdhūmralōcanavadho nāma ṣaṣṭhō'dhyāyaḥ