భద్రలక్ష్మీ స్తోత్రం
శ్రీదేవీ ప్రథమం నామ ద్వితీయమమృతోద్భవా |
తృతీయం కమలా ప్రోక్తా చతుర్థం లోకసుందరీ || ౧ ||
పంచమం విష్ణుపత్నీతి షష్ఠం శ్రీవైష్ణవీతి చ |
సప్తమం తు వరారోహా అష్టమం హరివల్లభా || ౨ ||
నవమం శార్ఙ్గిణీ ప్రోక్తా దశమం దేవదేవికా |
ఏకాదశం మహాలక్ష్మిః ద్వాదశం లోకసుందరీ || ౩ ||
శ్రీః పద్మ కమలా ముకుందమహిషీ లక్ష్మీస్త్రిలోకేశ్వరీ |
మా క్షీరాబ్ధి సుతాఽరవిందజననీ విద్యా సరోజాత్మికా || ౪ ||
సర్వాభీష్టఫలప్రదేతి సతతం నామాని యే ద్వాదశా |
ప్రాతః శుద్ధతరాః పఠంతి సతతం సర్వాన్ లభంతే శుభాన్ || ౫ ||
భద్రలక్ష్మీ స్తవం నిత్యం పుణ్యమేతచ్ఛుభావహమ్ |
కాలే స్నాత్వాపి కావేర్యాం జప శ్రీవృక్షసన్నిధౌ || ౬ ||
ఇతి శ్రీ భద్రలక్ష్మీ స్తోత్రం సంపూర్ణమ్
Bhadra Lakshmi Stotram
śrīdēvī prathamaṃ nāma dvitīyam-amṛtōdbhavā |
tṛtīyaṃ kamalā prōktā caturthaṃ lōkasundarī || 1 ||
pañcamaṃ viṣṇupatnīti ṣaṣṭhaṃ śrīvaiṣṇavīti ca |
saptamaṃ tu varārōhā aṣṭamaṃ harivallabhā || 2 ||
navamaṃ śārṅgiṇī prōktā daśamaṃ dēvadēvikā |
ēkādaśaṃ mahālakṣmiḥ dvādaśaṃ lōkasundarī || 3 ||
śrīḥ padma kamalā mukundamahiṣī lakṣmīstrilōkēśvarī |
mā kṣīrābdhi sutā’ravindajananī vidyā sarōjātmikā || 4 ||
sarvābhīṣṭaphalapradēti satataṃ nāmāni yē dvādaśā |
prātaḥ śuddhatarāḥ paṭhanti satataṃ sarvān labhantē śubhān || 5 ||
bhadralakṣmī stavaṃ nityaṃ puṇyamētacchubhāvaham |
kālē snātvāpi kāvēryāṃ japa śrīvṛkṣasannidhau || 6 ||
iti śrī bhadralakṣmī stōtraṃ sampūrṇam