అన్నపూర్ణా అష్టకం
నిత్యానందకరీ వరాభయకరీ సౌందర్యరత్నాకరీ
నిర్ధూతాఖిలఘోరపావనకరీ ప్రత్యక్షమాహేశ్వరీ |
ప్రాలేయాచలవంశపావనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౧ ||
నానారత్నవిచిత్రభూషణకరీ హేమాంబరాడంబరీ
ముక్తాహారవిలంబమానవిలసద్వక్షోజకుంభాంతరీ |
కాశ్మీరాగరువాసితాంగరుచిరా కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౨ ||
యోగానందకరీ రిపుక్షయకరీ ధర్మార్థనిష్ఠాకరీ
చంద్రార్కానలభాసమానలహరీ త్రైలోక్యరక్షాకరీ |
సర్వైశ్వర్యసమస్తవాంఛితకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౩ ||
కైలాసాచలకందరాలయకరీ గౌరీ ఉమా శంకరీ
కౌమారీ నిగమార్థగోచరకరీ ఓంకారబీజాక్షరీ |
మోక్షద్వారకవాటపాటనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౪ ||
దృశ్యాదృశ్యవిభూతివాహనకరీ బ్రహ్మాండభాండోదరీ
లీలానాటకసూత్రఖేలనకరీ విజ్ఞానదీపాంకురీ |
శ్రీవిశ్వేశమనఃప్రసాదనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౫ ||
ఉర్వీసర్వజనేశ్వరీ జయకరీ మాతా కృపాసాగరీ
వేణీనీలసమానకుంతలధరీ నిత్యాన్నదానేశ్వరీ |
సర్వానందకరీ సదా శుభకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౬ ||
అదిక్షాంతసమస్తవర్ణనకరీ శంభోస్త్రిభావాకరీ
కాశ్మీరాత్రిజలేశ్వరీ త్రిలహరీ నిత్యాంకురా శర్వరీ |
స్వర్గద్వారకవాటపాటనకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౭ ||
దేవీ సర్వవిచిత్రరత్నరచితా దాక్షాయణీ సుందరీ
వామే స్వాదుపయోధరా ప్రియకరీ సౌభాగ్యమాహేశ్వరీ |
భక్తాభీష్టకరీ సదా శుభకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౮ ||
చంద్రార్కానలకోటికోటిసదృశా చంద్రాంశుబింబాధరీ
చంద్రార్కాగ్నిసమానకుండలధరీ చంద్రార్కవర్ణేశ్వరీ |
మాలాపుస్తకపాశసాంకుశధరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౯ ||
క్షత్రత్రాణకరీ మహాఽభయకరీ మాతా కృపాసాగరీ
సాక్షాన్మోక్షకరీ సదా శివకరీ విశ్వేశ్వరశ్రీధరీ |
దక్షాక్రందకరీ నిరామయకరీ కాశీపురాధీశ్వరీ
భిక్షాం దేహి కృపావలంబనకరీ మాతాన్నపూర్ణేశ్వరీ || ౧౦ ||
అన్నపూర్ణే సదాపూర్ణే శంకరప్రాణవల్లభే |
జ్ఞానవైరాగ్యసిద్ధ్యర్థం భిక్షాం దేహి చ పార్వతి || ౧౧ ||
మాతా చ పార్వతీ దేవీ పితా దేవో మహేశ్వరః |
బాంధవాః శివభక్తాశ్చ స్వదేశో భువనత్రయమ్ || ౧౨ ||
ఇతి శ్రీ అన్నపూర్ణా అష్టకం సంపూర్ణం ||
annapūrṇā aṣṭakam
nityānandakarī varābhayakarī sāundaryaratnākarī
nirdhūtākhilaghōrapāvanakarī pratyakṣamāhēśvarī |
prālēyācalavaṃśapāvanakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 1 ||
nānāratnavicitrabhūṣaṇakarī hēmāmbarāḍambarī
muktāhāravilambamānavilasadvakṣōjakuṃbhāntarī |
kāśmīrāgaruvāsitāṅgarucirā kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 2 ||
yōgānandakarī ripukṣayakarī dharmārthaniṣṭhākarī
candrārkānalabhāsamānalaharī trāilōkyarakṣākarī |
sarvāiśvaryasamastavāṃchitakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 3 ||
kāilāsācalakandarālayakarī gāurī umā śaṅkarī
kāumārī nigamārthagōcarakarī ōṃkārabījākṣarī |
mōkṣadvārakavāṭapāṭanakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 4 ||
dr̥śyādr̥śyavibhūtivāhanakarī brahmāṇḍabhāṇḍōdarī
līlānāṭakasūtrakhēlanakarī vijñānadīpāṅkurī |
śrīviśvēśamanaḥprasādanakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 5 ||
urvīsarvajanēśvarī jayakarī mātā kr̥pāsāgarī
vēṇīnīlasamānakuntaladharī nityānnadānēśvarī |
sarvānandakarī sadā śubhakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 6 ||
ādikṣāntasamastavarṇanakarī śambhōstribhāvākarī
kāśmīrātrijalēśvarī trilaharī nityāṅkurā śarvarī |
svargadvārakavāṭapāṭanakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 7 ||
dēvī sarvavicitraratnaracitā dākṣāyaṇī sundarī
vāmē svādupayōdharā priyakarī sāubhāgyamāhēśvarī |
bhaktābhīṣṭakarī sadā śubhakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 8 ||
candrārkānalakōṭikōṭisadr̥śā candrāṃśubimbādharī
candrārkāgnisamānakuṇḍaladharī candrārkavarṇēśvarī |
mālāpustakapāśasāṃkuśadharī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 9 ||
kṣatratrāṇakarī mahā'bhayakarī mātā kr̥pāsāgarī
sākṣānmōkṣakarī sadā śivakarī viśvēśvaraśrīdharī |
dakṣākrandakarī nirāmayakarī kāśīpurādhīśvarī
bhikṣāṃ dēhi kr̥pāvalambanakarī mātānnapūrṇēśvarī || 10 ||
annapūrṇē sadāpūrṇē śaṅkaraprāṇavallabhē |
jñānavāirāgyasiddhyarthaṃ bhikṣāṃ dēhi ca pārvati || 11 ||
mātā ca pārvatī dēvī pitā dēvō mahēśvaraḥ |
bāndhavāḥ śivabhaktāśca svadēśō bhuvanatrayam || 12 ||
iti śrī annapūrṇā aṣṭakaṃ sampūrṇam ||