śrī yantrōddhāraka hanumān stōtram
namāmi dūtaṃ rāmasya, sukhadaṃ ca suradrumaṃ
pīnavr̥tta mahābāhuṃ, sarvaśatru nivāraṇam || 1 ||
nānāratna samāyuktaṃ, kuṇḍalādi virājitaṃ
sarvadābhīṣṭa dātāraṃ, satāṃ vai dr̥ḍhamāhavē || 2 ||
vāsinaṃ cakratīrthasya dakṣiṇastha girāu sadā
tuṅgāmbhōdhi taraṅgasya, vātēna pariśōbhitē || 3 ||
nānādēśa gataiḥ sidhbhiḥ sēvya mānaṃ nr̥pōttamāiḥ
dhūpadīpādi nāivēdyāiḥ pañcakhādvāiśca śaktitaḥ || 4 ||
bhajāmi śrīhanumantaṃ, hēmakānti samaprabhaṃ |
vyāsatīrtha yatīndrāṇāṃ, pūjitāṃ praṇidhānataḥ || 5 ||
trivāraṃ ya paṭhēnnityaṃ, stōtraṃ bhaktyādvijōttamaḥ |
vāñchitaṃ labhatē'bhīṣṭaṃ, ṣanmāsābhyantara khaluṃ || 6 ||
putrārthī labhatē putraṃ, yaśārthī labhatē yaśaḥ |
vidyārthī labhatē vidyāṃ, dhanārthī labhatē dhanaṃ || 7 ||
sarvadā māstu sandēhaḥ, hariḥ sākṣī jagatpatiḥ |
yaḥ karōtyatra sandēhaṃ, sa yāti narakaṃ dhruvam || 8 ||
iti śrī vyāsarāja viracita yantrōddhāraka hanumat stōtraṃ sampūrṇam