Shri Umamaheshwara Stotram
namaḥ śivābhyāṃ navayauvanābhyāṃ
parāsparāśliṣṭavapurdharābhyām |
nagēndrakanyāvṛṣakētanābhyāṃ
namō namaḥ śaṅkarapārvatībhyām || 1 ||
namaḥ śivābhyāṃ sarasōtsavābhyāṃ
namaskṛtābhīṣṭavarapradābhyām |
nārāyaṇēnārcitapādukābhyāṃ
namō namaḥ śaṅkarapārvatībhyām || 2 ||
namaḥ śivābhyāṃ vṛṣavāhanābhyāṃ
viriñciviṣṇvindrasupūjitābhyām |
vibhūtipāṭīravilēpanābhyāṃ
namō namaḥ śaṅkarapārvatībhyām || 3 ||
namaḥ śivābhyāṃ jagadīśvarābhyāṃ
jagatpatibhyāṃ jayavigrahābhyām |
jambhārimukhyairabhivanditābhyāṃ
namō namaḥ śaṅkarapārvatībhyām || 4 ||
namaḥ śivābhyāṃ paramauṣadhābhyāṃ
pañcākṣarīpañjararañjitābhyām |
prapañcasṛṣṭisthitisaṃhṛtābhyāṃ
namō namaḥ śaṅkarapārvatībhyām || 5 ||
namaḥ śivābhyāmatisundarābhyāṃ
atyantamāsaktahṛdambujābhyām |
aśēṣalōkaikahitankarābhyāṃ
namō namaḥ śaṅkarapārvatībhyām || 6 ||
namaḥ śivābhyāṃ kalināśanābhyāṃ
kaṅkālakalyāṇavapurdharābhyām |
kailāsaśailasthitadēvatābhyāṃ
namō namaḥ śaṅkarapārvatībhyām || 7 ||
namaḥ śivābhyāmaśubhāpahābhyāṃ
aśēṣalōkaikaviśēṣitābhyām |
akuṇṭhitābhyāṃ smṛtisaṃbhṛtābhyāṃ
namō namaḥ śaṅkarapārvatībhyām || 8 ||
namaḥ śivābhyāṃ rathavāhanābhyāṃ
ravīnduvaiśvānaralōcanābhyām |
rākāśaśāṅkābhamukhāmbujābhyāṃ
namō namaḥ śaṅkarapārvatībhyām || 9 ||
namaḥ śivābhyāṃ jaṭilaṃdharābhyāṃ
jarāmṛtibhyāṃ ca vivarjitābhyām |
janārdanābjōdbhavapūjitābhyāṃ
namō namaḥ śaṅkarapārvatībhyām || 10 ||
namaḥ śivābhyāṃ viṣamēkṣaṇābhyāṃ
bilvacchadāmallikadāmabhṛdbhyām |
śōbhāvatīśāntavatīśvarābhyāṃ
namō namaḥ śaṅkarapārvatībhyām || 11 ||
namaḥ śivābhyāṃ paśupālakābhyāṃ
jagatrayīrakṣaṇabaddhahṛdbhyām |
samastadēvāsurapūjitābhyāṃ
namō namaḥ śaṅkarapārvatībhyām || 12 ||
stōtraṃ trisandhyaṃ śivapārvatībhyāṃ
bhaktyā paṭhēddvādaśakaṃ narō yaḥ |
sa sarvasaubhāgyaphalāni bhuṅktē
śatāyurāntē śivalōkamēti || 13 ||
iti śrīmacchaṅkarācāryakṛtaṃ śrī umāmahēśwara stōtraṃ saṃpūrṇam |