śrī trivēṇī stōtram
muktāmayālaṅkr̥tamudravēṇī bhaktābhayatrāṇasubaddhavēṇī |
mattāliguñjanmakarandavēṇī śrīmatprayāgē jayati trivēṇī || 1 ||
lōkatrayāiśvaryanidānavēṇī tāpatrayōccāṭanabaddhavēṇī |
dharmārthakāmākalanāikavēṇī śrīmatprayāgē jayati trivēṇī || 2 ||
muktāṅganāmōhanasiddhavēṇī bhaktāntarānandasubōdhavēṇī |
vr̥ttyantarōdvēgavivēkavēṇī śrīmatprayāgē jayati trivēṇī || 3 ||
dugdhōdadhisphūrjasubhadravēṇī nīlābhaśōbhālalitā ca vēṇī |
svarṇaprabhābhāsuramadhyavēṇī śrīmatprayāgē jayati trivēṇī || 4 ||
viśvēśvarōttuṅgakapardivēṇī viriñciviṣṇupraṇatāikavēṇī |
trayīpurāṇā surasārdhavēṇī śrīmatprayāgē jayati trivēṇī || 5 ||
māṅgalya sampatti samr̥ddhavēṇī mātrāntaranyastanidānavēṇī |
paramparā pātakāhārivēṇī śrīmatprayāgē jayati trivēṇī || 6 ||
nimajjadunmajjanamanuṣyavēṇī trayōdayōbhāgyavivēkavēṇī |
vimuktajanmāvibhavāikavēṇī śrīmatprayāgē jayati trivēṇī || 7 ||
sāundaryavēṇī surasārdhavēṇī mādhuryavēṇī mahanīyavēṇī |
ratnāikavēṇī ramaṇīyavēṇī śrīmatprayāgē jayati trivēṇī || 8 ||
sārasvatākāravighātavēṇī kālindakanyāmayalakṣyavēṇī |
bhāgīrathīrūpamahēśavēṇī śrīmatprayāgē jayati trivēṇī || 9 ||
śrīmadbhavānībhavanāikavēṇī lakṣmīsarasvatyabhimānavēṇī |
mātā trivēṇī trayīratnavēṇī śrīmatprayāgē jayati trivēṇī || 10 ||
trivēṇīdaśakaṃ stōtraṃ prātarnityaṃ paṭhēnnaraḥ |
tasya vēṇī prasannā syādviṣṇulōkaṃ sa gaccḥati || 11 ||
iti śrīmacchaṅkarācāryaviracitaṃ trivēṇī stōtram ||