Shri Swarnakarshana Bhairava Stotram
ōṃ asya śrī svarṇā’karṣaṇa bhairava stōtra mahāmantrasya brahma r̥ṣiḥ anuṣṭup chandaḥ śrī svarṇākarṣaṇa bhairavō dēvatā hrīṃ bījaṃ klīṃ śaktiḥ saḥ kīlakaṃ mama dāridrya nāśārtthē pāṭhē viniyōgaḥ ||
R̥ṣyādi Nyāsaḥ
brahmarṣayē namaḥ śirasi |
anuṣṭup chandasē namaḥ mukhē |
svarṇākarṣaṇa bhairavāya namaḥ hr̥di |
hrīṃ bījāya namaḥ guhyē |
klīṃ śaktayē namaḥ pādayōḥ |
saḥ kīlakāya namaḥ nābhau |
viniyōgāya namaḥ sarvāṅgē |
hrāṃ hrīṃ hrūṃ iti kara ṣaḍaṅganyāsaḥ ||
Dhyānaṃ
pārijātadruma kāntārē sthitē māṇikya maṇḍapē
siṃhāsana gataṃ vandē bhairavaṃ svarṇadāyakam |
gāṅgēya pātraṃ ḍamarūṃ triśūlaṃ
varaṃ karaḥ sandadhataṃ trinētram
dēvyāyutaṃ tapta svarṇavarṇa
svarṇākarṣaṇa bhairavamāśrayāmi ||
Shri Swarnakarshana Bhairava Mantram
ōṃ aiṃ hrīṃ śrīṃ aiṃ śrīṃ āpaduddhāraṇāya hrāṃ hrīṃ hrūṃ ajāmalavadhyāya lōkēśvarāya svarṇākarṣaṇa bhairavāya mama dāridrya vidvēṣaṇāya mahābhairavāya namaḥ śrīṃ hrīṃ aiṃ |
Stōtram
ōṃ namastē bhairavāya brahma viṣṇu śivātmanē |
namaḥ trailōkya vandyāya varadāya varātmanē || 1 ||
ratnasiṃhāsanāsthāya divyābharaṇa śōbhinē |
divyamālya vibhūṣāya namastē divyamūrtayē || 2 ||
namastē anēka hastāya anēka śirasē namaḥ |
namastē anēka nētrāya anēka vibhavē namaḥ || 3 ||
namastē anēka kaṇṭhāya anēkāṃśāya tē namaḥ |
namastē anēka pārśvāya namastē divya tējasē || 4 ||
anēkā’yudhayuktāya anēka surasēvinē |
anēka guṇayuktāya mahādēvāya tē namaḥ || 5 ||
namō dāridryakālāya mahāsampatpradāyinē |
śrī bhairavī saṃyuktāya trilōkēśāya tē namaḥ || 6 ||
digambara namastubhyaṃ divyāṅgāya namō namaḥ |
namō’stu daityakālāya pāpakālāya tē namaḥ || 7 ||
sarvajñāya namastubhyaṃ namastē divya cakṣuṣē |
ajitāya namastubhyaṃ jitamitrāya tē namaḥ || 8 ||
namastē rudrarūpāya mahāvīrāya tē namaḥ |
namō’stvananta vīryāya mahāghōrāya tē namaḥ || 9 ||
namastē ghōra ghōrāya viśvaghōrāya tē namaḥ |
namaḥ ugrāya śāntāya bhaktānāṃ śāntidāyinē || 10 ||
guravē sarvalōkānāṃ namaḥ praṇava rūpiṇē |
namastē vāgbhavākhyāya dīrghakāmāya tē namaḥ || 11 ||
namastē kāmarājāya yōṣita kāmāya tē namaḥ |
dīrghamāyāswarūpāya mahāmāyāya tē namaḥ || 12 ||
sr̥ṣṭimāyā swarūpāya nisarga samayāya tē |
suralōka supūjyāya āpaduddhāraṇāya ca || 13 ||
namō namō bhairavāya mahādāridryanāśinē |
unmūlanē karmaṭhāya alakṣmyāḥ sarvadā namaḥ || 14 ||
namō ajāmalavadhyāya namō lōkēṣvarāya tē |
svarṇā’karṣaṇa śīlāya bhairavāya namō namaḥ || 15 ||
mama dāridrya vidvēṣaṇāya lakṣyāya tē namaḥ |
namō lōkatrayēśāya svānanda nihitāya tē || 16 ||
namaḥ śrī bījarūpāya sarvakāmapradāyinē |
namō mahābhairavāya śrī bhairava namō namaḥ || 17 ||
dhanādhyakṣa namastubhyaṃ śaraṇyāya namō namaḥ |
namaḥ prasanna (rūpāya) ādidēvāya tē namaḥ || 18 ||
namastē mantrarūpāya namastē mantrarūpiṇē |
namastē svarṇarūpāya suvarṇāya namō namaḥ || 19 ||
namaḥ suvarṇavarṇāya mahāpuṇyāya tē namaḥ |
namaḥ śuddhāya buddhāya namaḥ saṃsāra tāriṇē || 20 ||
namō dēvāya guhyāya pracalāya namō namaḥ |
namastē bālarūpāya parēṣāṃ balanāśinē || 21 ||
namastē svarṇasaṃsthāya namō bhūtalavāsinē |
namaḥ pātāḷavāsāya anādhārāya tē namaḥ || 22 ||
namō namastē śāntāya anantāya namō namaḥ |
dvibhujāya namastubhyaṃ bhujatraya suśōbhinē || 23 ||
namō’ṇimādi siddhāya svarṇahastāya tē namaḥ |
pūrṇacandra pratīkāśa vadanāmbhōja śōbhinē || 24 ||
namastē’stu swarūpāya svarṇālaṅkāra śōbhinē |
namaḥ svarṇā’karṣaṇāya svarṇābhāya namō namaḥ || 25 ||
namastē svarṇakaṇṭhāya svarṇābha ambaradhāriṇē |
svarṇasiṃhāsanāsthāya svarṇapādayā tē namaḥ || 26 ||
namaḥ svarṇābhapādayā svarṇakāñcī suśōbhinē |
namastē svarṇajaṅghāya bhaktakāmadudhātmanē || 27 ||
namastē svarṇabhaktāya kalpavṛkṣa swarūpiṇē |
cintāmaṇi swarūpāya namō brahmādi sēvinē || 28 ||
kalpadrūmādyaḥ saṃsthāya bahusvarṇa pradāyinē |
namō hēmākarṣaṇāya bhairavāya namō namaḥ || 29 ||
stavēnānēna saṃtuṣṭō bhava lōkēśa bhairava |
paśya māṃ karuṇādrūṣṭyā śaraṇāgatavatsala || 30 ||
śrī mahābhairavasya idaṃ stōtramuktaṃ sudurlabhaṃ |
mantrātmakṃ mahāpuṇyaṃ sarvàiśwaryapradāyakam || 31 ||
yaḥ paṭhēnnityaṃ ēkāgraṃ pātakai sa pramucyatē |
labhatē mahatīṃ lakṣmīṃ aṣṭàiśwaryaṃ avāpnuyāt || 32 ||
cintāmaṇiṃ avāpnōti dhēnu kalpataruṃ dhr̥vaṃ |
svarṇarāśiṃ avāpnōti śīghramēva na saṃśayaḥ || 33 ||
trisandhyaṃ yaḥ paṭhēt stōtraṃ daśāvṛtyā narōttamaḥ |
svapnē śrī bhairavaḥ tasya sākṣāt bhūtvā jagadguruḥ || 34 ||
svarṇarāśi dadātyasyài tat-kṣaṇaṃ nātra saṃśayaḥ |
aṣṭāvṛtyā paṭhēt yastu sandhyāyāṃ vā narōttamaṃ || 35 ||
labhatē sakalān kāmān saptāhān nātra saṃśayaḥ |
sarvadā yaḥ paṭhēt stōtraṃ bhairavasya mahātmanāḥ || 36 ||
lōkatrayaṃ vaśīkuryāt acalāṃ lakṣmīṃ avāpnuyāt |
na bhayaṃ vidyatē kvāpi viṣabhūtādi sambhavam || 37 ||
mriyatē śatravah tasya alakṣmī nāśaṃ āpnuyāt |
akṣayaṃ labhatē saukhyaṃ sarvadā mānavōttamaḥ || 38 ||
aṣṭa pañcātvārṇādyō mantrarājaḥ prakīrtitaḥ |
dāridrya duḥkhaśamanaḥ svarṇākarṣaṇa kārakaḥ || 39 ||
ya ēna sañcayēt dhīmān stōtraṃ vā prapaṭhēt sadā |
mahābhairava sāyujyaṃ sa anantakālē labhēt dhr̥vaṃ || 40 ||
iti rudrayāmala tantrē svarṇākarṣaṇa bhairava stōtraṃ saṃpūrṇam ||