śrī siddhilakṣmī stōtram
asya śrī siddhilakṣmī-stōtrasya hiraṇyagarbha ṛṣiḥ anuṣṭup chandaḥ siddhilakṣmīrdēvatā mama samasta duḥkhaklēśapīḍādāridryavināśārthaṃ sarvalakṣmī-prasannakaraṇārthaṃ mahākālī mahālakṣmī mahāsarasvatī dēvatā-prītyarthaṃ ca siddhilakṣmī stōtra japē viniyōgaḥ |
Karanyāsaḥ
ōṃ siddhilakṣmī aṅguṣṭhābhyāṃ namaḥ |
ōṃ hrīṃ viṣṇuhṛdayē tarjanībhyāṃ namaḥ |
ōṃ klīṃ amṛtānandē madhyamābhyāṃ namaḥ |
ōṃ śrīṃ daityamālinī anāmikābhyāṃ namaḥ |
ōṃ taṃ tējaḥprakāśinī kaniṣṭhikābhyāṃ namaḥ |
ōṃ hrīṃ klīṃ śrīṃ brāhmī vaiṣṇavī māhēśvarī karatalakarapṛṣṭhābhyāṃ namaḥ |
Hṛdayādi-nyāsaḥ
ōṃ siddhilakṣmī hṛdayāya namaḥ |
ōṃ hrīṃ vaiṣṇavī śirasē svāhā |
ōṃ klīṃ amṛtānandē śikhāyai vaṣaṭ |
ōṃ śrīṃ daity mālini kavacāya hum |
ōṃ taṃ tējaḥprakāśinī nētradvayāya vāuṣaṭ |
ōṃ hrīṃ klīṃ śrīṃ brāhmīṃ vaiṣṇavīṃ astrāya phaṭ |
bhūrbhuvassuvarōmiti dighbandhaḥ |
Dhyānam
brāhmīṃ ca vaiṣṇavīṃ bhadrāṃ ṣaḍbhujāṃ ca caturmukhām
trinētrāṃ ca triśūlāṃ ca padmacakragadādharām |
pītāmbaradharāṃ dēvīṃ nānālaṅkārabhūṣitām
tējaḥpuñjadharāṃ śrēṣṭhāṃ dhyāyēdbālākumārīkām ||
Stōtram
ōṃkāralakṣmīrūpēṇa viṣṇōrhṛdayamavyayam |
viṣṇumānandamadhyasthaṃ hrīṃkārabījarūpiṇī || 1 ||
ōṃ klīṃ amṛtānandabhadrē sadya ānandadāyinī |
ōṃ śrīṃ daityabhakṣaradāṃ śaktimālinī śatrumardinī || 2 ||
tējaḥprakāśinī dēvī varadā śubhakāriṇī |
brāhmī ca vaiṣṇavī bhadrā kālikā raktaśāmbhavī || 3 ||
ākārabrahmarūpēṇa ōṃkāraṃ viṣṇumavyayam |
siddhilakṣmi parālakṣmi lakṣyalakṣmi namō’stu tē || 4 ||
sūryakōṭipratīkāśaṃ candrakōṭisamaprabham |
tanmadhyē nikarē sūkṣmaṃ brahmarūpavyavasthitam || 5 ||
ōṃkāraparamānandaṃ kriyatē sukhasampadā |
sarvamaṅgaḷamāṅgaḷyē śivē sarvārthasādhikē || 6 ||
prathamē tryambakā gāurī dvitīyē vaiṣṇavī tathā |
tṛtīyē kamalā prōktā caturthē surasundarī || 7 ||
pañcamē viṣṇupatnī ca ṣaṣṭhē ca vaiṣṇavī tathā |
saptamē ca varārōhā aṣṭamē varadāyinī || 8 ||
navamē khaḍgatriśūlā daśamē dēvadēvatā |
ēkādaśē siddhilakṣmīrdvādaśē lalitātmikā || 9 ||
ētat stōtraṃ paṭhantastvāṃ stuvanti bhuvi mānavāḥ |
sarvōpadrāvamuktāstē nātra kāryā vicāraṇā || 10 ||
ēkamāsaṃ dvimāsaṃ vā trimāsaṃ ca caturthakam |
pañcamāsaṃ ca ṣaṇmāsaṃ trikālaṃ yaḥ paṭhēnnaraḥ || 11 ||
brāhmaṇāḥ klēśatō duḥkhadaridrā bhayapīḍitāḥ |
janmāntarasahasrēṣu mucyantē sarvaklēśataḥ || 12 ||
alakṣmīrlabhatē lakṣmīmaputraḥ putramuttamam |
dhanyaṃ yaśasyamāyuṣyaṃ vahnicaurabhayēṣu ca || 13 ||
śākinībhūtavētālasarvavyādhinipātakē |
rājudvārē mahāghōrē saṅgrāmē ripusankaṭē || 14 ||
sabhāsthānē śmaśānē ca kārāgēhāribandhanē |
aśēṣabhayasamprāptāu siddhilakṣmīṃ japēnnaraḥ || 15 ||
īśvarēṇa kṛtaṃ stōtraṃ prāṇināṃ hitakāraṇam |
stuvanti brāhmaṇā nityaṃ dāridryaṃ na ca vardhatē || 16 ||
yā śrīḥ padmavanē kadambaśikharē rājagṛhē kuñjarē
śvētē cāśvayutē vṛṣē ca yugaḷē yajñē ca yūpasthitē |
śaṅkhē dēvakulē narēndrabhavanē gaṅgātaṭē gōkulē
sā śrīstiṣṭhatu sarvadā mama gṛhē bhūyātsadā niścalā ||
iti śrī brahmāṇḍapurāṇē īśvaraviṣṇusaṃvādē dāridryanāśanaṃ siddhilakṣmī stōtraṃ sampūrṇam ||