siddha kuñjikā stōtram
Nyāsam: ōṃ asya śrī kuñjikā stōtramantrasya sadāśiva r̥ṣiḥ, anuṣṭup chandaḥ, śrītriguṇātmikā dēvatā, ōṃ aiṃ bījaṃ, ōṃ hrīṃ śaktiḥ, ōṃ klīṃ kīlakam, mama sarvābhīṣṭasiddhyarthē japē viniyōgaḥ |
śiva uvāca
śr̥ṇu dēvi pravakṣyāmi kuñjikāstōtramuttamam |
yēna mantraprabhāvēṇa caṇḍījāpaḥ śubhō bhavēt || 1 ||
na kavacaṃ nārgālāstōtraṃ kīlakaṃ na rahasyakam |
na sūktaṃ nāpi dhyānaṃ ca na nyāsō na ca vārcanam || 2 ||
kuñjikāpāṭhamātrēṇa durgāpāṭhaphalaṃ labhēt |
ati guhyataraṃ dēvi dēvānāmapi durlabham || 3 ||
gōpanīyaṃ prayatnēna svayōniriva pārvati |
māraṇaṃ mōhanaṃ vaśyaṃ stambhanōccāṭanādikam |
pāṭhamātrēṇa saṃsiddhyēt kuñjikāstōtramuttamam || 4 ||
atha mantraḥ
ōṃ aiṃ hrīṃ klīṃ cāmuṇḍāyai vicchē |
ōṃ glāuṃ huṃ klīṃ jūṃ saḥ jvālaya jvālaya jvala jvala prajvala prajvala
aiṃ hrīṃ klīṃ cāmuṇḍāyai vicchē jvala haṃ saṃ laṃ kṣaṃ phaṭ svāhā || 5 ||
iti mantraḥ |
namastē rudrarūpiṇyai namastē madhumardini |
namaḥ kaiṭabahāriṇyai namastē mahiṣārdini || 6 ||
namastē śumbhahantryai ca niśumbhāsuraghātini |
jāgrataṃ hi mahādēvi japaṃ siddhaṃ kuruṣva mē || 7 ||
aiṅkārī s r̥ṣṭirūpāyai hrīṅkārī pratipālikā |
klīṅkārī kāmarūpiṇyai bījarūpē namō'stu tē || 8 ||
cāmuṇḍā caṇḍaghātī ca yaikārī varadāyinī |
vicchē cābhayadā nityaṃ namastē mantrarūpiṇi || 9 ||
dhāṃ dhīṃ dhūṃ dhūrjaṭēḥ patnī vāṃ vīṃ vūṃ vāgadhīśvarī |
krāṃ krīṃ krūṃ kālikā dēvi śāṃ śīṃ śūṃ mē śubhaṃ kuru || 10 ||
huṃ huṃ huṅkārarūpiṇyai jaṃ jaṃ jaṃ jambhanādinī |
bhrāṃ bhrīṃ bhrūṃ bhairavī bhadrē bhavānyai tē namō namaḥ || 11 ||
aṃ kaṃ caṃ ṭaṃ taṃ paṃ yaṃ śaṃ vīṃ duṃ aiṃ vīṃ haṃ kṣaṃ |
dhijāgraṃ dhijāgraṃ trōṭaya trōṭaya dīptaṃ kuru kuru svāhā || 12 ||
pāṃ pīṃ pūṃ pārvatī pūrṇā khāṃ khīṃ khūṃ khēcarī tathā |
sāṃ sīṃ sūṃ saptaśatī dēvyā mantrasiddhiṃ kuruṣva mē || 13 ||
idaṃ tu kuñjikāstōtraṃ mantrajāgartihētavē |
abhaktē naiva dātavyaṃ gōpitaṃ rakṣa pārvati || 14 ||
yastu kuñjikayā dēvi hīnāṃ saptaśatīṃ paṭhēt |
na tasya jāyatē siddhiraraṇyē rōdanaṃ yathā || 15 ||
iti śrī rudrayāmalē gāurītantrē śivapārvatīsaṃvādē kuñjikā stōtraṃ sampūrṇam |