Shri Shiva Sahasranama Stotram
Dhyānaṃ
śāntaṃ padmāsanasthaṃ śaśidharāmakuṭaṃ pañcavaktraṃ trinētraṃ
śūlaṃ vajraṃ ca khaḍgaṃ paraśumabhayadaṃ dakṣabhāgē vahantam |
nāgaṃ pāśaṃ ca ghaṇṭāṃ pralayāhutavahaṃ cāṅkuśaṃ vāmabhāgē
nānālaṅkārayuktaṃ sphaṭikamaṇinibhaṃ pārvatīśaṃ namāmi ||
ōṃ sthiraḥ sthāṇuḥ prabhurbhīmaḥ pravarō varadō varaḥ |
sarvātmā sarvavikhyātaḥ sarvaḥ sarvakarō bhavaḥ || 1 ||
jaṭī carmī śikhaṇḍī ca sarvāṅgaḥ sarvabhāvanaḥ |
haraśca hariṇākṣaśca sarvabhūtaharaḥ prabhuḥ || 2 ||
pravr̥ttiśca nivr̥ttiśca niyataḥ śāśvatō dhruvaḥ |
śmaśānavāsī bhagavān khacarō gōcarō’rdanaḥ || 3 ||
abhivādyō mahākarmā tapasvī bhūtabhāvanaḥ |
unmattavēṣapracchannaḥ sarvalōkaprajāpatiḥ || 4 ||
mahārūpō mahākāyō vr̥ṣarūpō mahāyaśāḥ |
mahātmā sarvabhūtātmā viśvarūpō mahāhanuḥ || 5 ||
lōkapālō’ntarhitātmā prasādō hayagardabhiḥ |
pavitraṃ ca mahāṃścaiva niyamō niyamāśritaḥ || 6 ||
sarvakarmā svayambhūta ādirādikarō nidhiḥ |
sahasrākṣō viśālākṣaḥ sōmō nakṣatrasādhakaḥ || 7 ||
candraḥ sūryaḥ śaniḥ kēturgrahō grahapatirvaraḥ |
atriratryānamaskartā mr̥gabāṇārpaṇō’naghaḥ || 8 ||
mahātapā ghōratapā adīnō dīnasādhakaḥ |
saṃvatsarakarō mantraḥ pramāṇaṃ paramaṃ tapaḥ || 9 ||
yōgī yōjyō mahābījō mahārētā mahābalaḥ |
suvarṇarētāḥ sarvajñaḥ subījō bījavāhanaḥ || 10 ||
daśabāhustvanimiṣō nīlakaṇṭha umāpatiḥ |
viśvarūpaḥ svayaṃśrēṣṭhō balavīrō’balō gaṇaḥ || 11 ||
gaṇakartā gaṇapatirdigvāsāḥ kāma ēva ca |
mantravitparamōmantraḥ sarvabhāvakarō haraḥ || 12 ||
kamaṇḍaludharō dhanvī bāṇahastaḥ kapālavān |
aśanī śataghnī khaḍgī paṭṭiśī cāyudhī mahān || 13 ||
sruvahastaḥ surūpaśca tējastējaskarō nidhiḥ |
uṣṇīṣī ca suvaktraśca udagrō vinatastathā || 14 ||
dīrghaśca harikēśaśca sutīrtthaḥ kr̥ṣṇa ēva ca |
sr̥gālarūpaḥ siddhārtthō muṇḍaḥ sarvaśubhaṅkaraḥ || 15 ||
ajaśca bahurūpaśca gandhadhārī kapardya pi |
ūrdhvarētā ūrdhvaliṅga ūrdhvaśāyī nabhassthalaḥ || 16 ||
trijaṭī cīravāsāśca rudraḥ sēnāpatirvibhuḥ |
ahaścarō naktañcarastigmamanyuḥ suvarcasaḥ || 17 ||
gajahā daityahā kālō lōkadhātā guṇākaraḥ |
siṃhaśārdūlarūpaśca ārdra-carmāmbarāvr̥taḥ || 18 ||
kālayōgī mahānādaḥ sarvakāmaścatuṣpathaḥ |
niśācaraḥ prētacārī bhūtacārī mahēśvaraḥ || 19 ||
bahubhūtō bahudharaḥ swarbhānuramitō gatiḥ |
nr̥tyapriyō nityanartō nartakaḥ sarvalālasaḥ || 20 ||
ghōrō mahātapāḥ pāśō nityō giriruhō nabhaḥ |
sahasrahastō vijayō vyavasāyō hyatandritaḥ || 21 ||
adharṣaṇō dharṣaṇātmā yajñahā kāmanāśakaḥ |
dakṣayāgāpahārī ca susahō madhyamastathā || 22 ||
tējōpahārī balahā muditō’rtthō’jitō varaḥ |
gambhīraghōṣō gambhīrō gambhīrabalavāhanaḥ || 23 ||
nyagrōdharūpō nyagrōdhō vr̥kṣakarṇasthitirvibhuḥ |
sutīkṣṇadaśanaścaiva mahākāyō mahānanaḥ || 24 ||
viṣvaksēnō hariryajñaḥ saṃyugāpīḍavāhanaḥ |
tīkṣṇatāpaśca haryaśvaḥ sahāyaḥ karmakālavit || 25 ||
viṣṇuprasāditō yajñaḥ samudrō baḍabāmukhaḥ |
hutāśanasahāyaśca praśāntātmā hutāśanaḥ || 26 ||
ugratējā mahātējā janyō vijayakālavit |
jyōtiṣāmayanaṃ siddhiḥ sarvavigraha ēva ca || 27 ||
śikhī muṇḍī jaṭī jvālī mūrtijō mūrdhagō balī |
vēṇavī paṇavī tālī khalī kālakaṭaṅkaṭaḥ || 28 ||
nakṣatravigrahamatirguṇabuddhirlayō’gamaḥ |
prajāpatirviśvabāhurvibhāgaḥ sarvagōmukhaḥ || 29 ||
vimōcanaḥ susaraṇō hiraṇyakavacōdbhavaḥ |
mēghajō balacārī ca mahīcārī srutastathā || 30 ||
sarvatūryaninādī ca sarvātōdyaparigrahaḥ |
vyālarūpō guhāvāsī guhō mālī taraṅgavit || 31 ||
tridaśastrikāladhr̥kkarmasarvabandhavimōcanaḥ |
bandhanastvasurēndrāṇāṃ yudhiśatruvunāśanaḥ || 32 ||
sāṅkhyaprasādō durvāsāḥ sarvasādhuniṣēvitaḥ |
praskandanō vibhāgajñō atulyō yajñabhāgavit || 33 ||
sarvavāsaḥ sarvacārī durvāsā vāsavō’maraḥ |
haimō hēmakarō yajñaḥ sarvadhārī dharōttamaḥ || 34 ||
lōhitākṣō mahākṣaśca vijayākṣō viśāradaḥ |
saṅgrahō nigrahaḥ kartā sarpacīranivāsanaḥ || 35 ||
mukhyō’mukhyca dēhaśca kāhalī sarvakāmadaḥ |
sarvakālaprasādaśca subalō balarūpadhr̥k || 36 ||
sarvakāmavaraścaiva sarvadaḥ sarvatōmukhaḥ |
ākāśanirvirūpaśca nipātī hyavaśaḥ khagaḥ || 37 ||
raudrarūpō’ṃśurādityō bahuraśmiḥ suvarcasī |
vasuvēgō mahāvēgō manōvēgō niśācaraḥ || 38 ||
sarvavāsī śriyāvāsī upadēśakarō’karaḥ |
munirātmānirālōkaḥ saṃbhagnaśca sahasradaḥ || 39 ||
pakṣī ca pakṣarūpaśca atidīptō viśāmpatiḥ |
unmādō madanaḥ kāmō hyaśvatthō’rtthakarō yaśaḥ || 40 ||
vāmadēvaśca vāmaśca prāgdakṣiṇaśca vāmanaḥ |
siddhayōgī maharṣiśca siddhārtthō siddhasādhakaḥ || 41 ||
bhikṣuśca bhikṣurūpaśca vipaṇō mr̥duravyayaḥ |
mahāsēnō viśākhaśca ṣaṣṭhibhāgō gavāmpatiḥ || 42 ||
vajrahastaśca viṣkambhī camūstambhana ēva ca |
vr̥ttāvr̥ttakarastālō madhur-madhukalōcanaḥ || 43 ||
vācaspatyō vājasanō nityāśramapūjitaḥ |
brahmacārī lōkacārī sarvacārī vicāravit || 44 ||
īśāna īśvaraḥ kālō niśācārī pinākavān |
nimittasthō nimittaṃ ca nandirnandikarō hariḥ || 45 ||
nandīśvaraśca nandī ca nandanō nandivardhanaḥ |
bhagahārī nihantā ca kālō brahmapitāmahaḥ || 46 ||
caturmukhō mahāliṅgaścāruliṅgastathaīva ca |
liṅgādhyakṣaḥ surādhyakṣō yōgādhyakṣō yugāvahaḥ || 47 ||
bījādhyakṣō bījakartā adhyātmā’nugatō balaḥ |
itihāsaḥ sakalpaśca gautamō’tha niśākaraḥ || 48 ||
daṃbhō hyadaṃbhō vaidaṃbhō vaśyō vaśakaraḥ kaliḥ |
lōkakartā paśupatirmaｈākartā hyanauṣadhaḥ || 49 ||
akṣaraṃ paramaṃ brahma balavacchakra ēva ca |
nītirhyanītiḥ śuddhātmā śuddhō mānyō gatāgataḥ || 50 ||
bahuprasādaḥ susvapnō darpaṇō’tha tvamitrajit |
vēdakārō mantrakārō vidvān samaramardanaḥ || 51 ||
mahāmēghanivāsī ca mahāghōrō vaśīkaraḥ |
agnijvālō mahājvālō atidhūmrō hutō haviḥ || 52 ||
vr̥ṣaṇaḥ śaṅkarō nityaṃ varcasvī dhūmakētanaḥ |
nīlastathā’ṅgalubdhaśca śōbhanō niravagrahaḥ || 53 ||
svastidaḥ svastibhāvaśca bhāgī bhāgakarō laghuḥ |
utsaṅgaśca mahāṅgaśca mahāgarbhaparāyaṇaḥ || 54 ||
kr̥ṣṇavarṇaḥ suvarṇaśca indriyaṃ sarvadēhinām |
mahāpādō mahāhastō mahākāyō mahāyaśāḥ || 55 ||
mahāmūrdhā mahāmātrō mahānētrō niśālayaḥ |
mahāntakō mahākarṇō mahōṣṭhaśca mahāhanuḥ || 56 ||
mahānāsō mahākamburmahāgrīvaḥ śmaśānabhāk |
mahāvakṣā mahōraskō hyantārātmā mr̥gālayaḥ || 57 ||
lambanō lambitōṣṭhaśca mahāmāyaḥ payōnidhiḥ |
mahādantō mahādaṃṣṭrō mahājihvō mahāmukhaḥ || 58 ||
mahānakｈō mahārōmā mahākōśō mahājaṭaḥ |
prasannaśca prasādaśca pratyayō girisādhanaḥ || 59 ||
snēhanō’snēhanaścaiva ajitaśca mahāmuniḥ |
vr̥kṣākārō vr̥kṣakēturanalō vāyuvāhanaḥ || 60 ||
gaṇḍalī mērudhāmā ca dēvādhipatirēva ca |
atharvaśīrṣaḥ sāmāsya r̥ksahasrāmitēkṣaṇaḥ || 61 ||
yajuḥ pādabhujō guhyaḥ prakāśō jaṅgamastathā |
amōghārtthaḥ prasādaśca abhigamyaḥ sudarśanaḥ || 62 ||
upakāraḥ priyaḥ sarvaḥ kanakaḥ kāñcanacchaviḥ |
nābhirnandikarō bhāvaḥ puṣkaraḥ sthapatiḥ sthiraḥ || 63 ||
dvādaśastrāsanaścādyō yajñō yajñasamāhitaḥ |
naktaṃ kaliśca kālaśca makaraḥ kālapūjitaḥ || 64 ||
sagaṇō gaṇakāraśca bhūtavāhanasārathhiḥ |
bhasmaśayō bhasmagōptā bhasmabhūtastarurgaṇaḥ || 65 ||
lōkapālastathālōkō mahātmā sarvapūjitaḥ |
śuklastriśuklaḥ saṃpannaḥ śucirbhūtaniṣēvitaḥ || 66 ||
āśramasthaḥ kriyāvasthō viśvakarmamatirvaraḥ |
viśālaśākhastāmrōṣṭhō hyaṃbujālaḥ suniścalaḥ || 67 ||
kapilaḥ kapiśaḥ śuklaḥ āyuścaiva parō’paraḥ |
gandharvō hyaditistārkṣyaḥ suvijñēyaḥ suśāradaḥ || 68 ||
paraśvadhāyudhō dēvaḥ hyanukārī subāndhavaḥ |
tumbavīṇō mahākrōdha ūrdhvarētā jalēśayaḥ || 69 ||
ugrō vaṃśakarō vaṃśō vaṃśanādō hyaninditaḥ |
sarvāṅgarūpō māyāvī suhr̥dō hyanilō’nalaḥ || 70 ||
bandhanō bandhakartā ca subandhanavimōcanaḥ |
sayajñāriḥ sakāmārimahādaṃṣṭrō mahāyudhaḥ || 71 ||
bahudhāninditaḥ śarvaḥ śaṅkaraḥ śaṅkarō’dhanaḥ |
amarēśō mahādēvō viśvadēvaḥ surārihā || 72 ||
ahirbudhnyō’nilābhaśca cēkitānō haristathā |
ajaikapācca kāpālī triśaṅkurajitaḥ śivaḥ || 73 ||
dhanvantarirdhūmakētuḥ skandō vaiśravaṇastathā |
dhātā śakraśca viṣṇuśca mitrastvaṣṭā dhruvō dharaḥ || 74 ||
prabhāvaḥ sarvagō vāyuraryamā savitā raviḥ |
uṣaṅguśca vidhātā ca māndhātā bhūtabhāvanaḥ || 75 ||
vibhurvarṇavibhāvī ca sarvakāmaguṇāvahaḥ |
padmanābhō mahāgarbhaścandravaktra’nilō’nalaḥ || 76 ||
balavāṃścōpaśāntaśca purāṇaḥ puṇyacañcurī |
kurukartā kuruvāsī kurubhūtō guṇauṣadhaḥ || 77 ||
sarvāśayō darbhacārī sarvēṣāṃ prāṇināmpatiḥ |
dēvadēvaḥ sukhāsaktaḥ sadasatsarvaratnavit || 78 ||
kailāsagirivāsī ca himavadgirisaṃśrayaḥ |
kūlahārī kūlakartā bahuvidyō bahupradaḥ || 79 ||
vaṇijō vardhakī vr̥kṣō vakuḷaścandana-cchadaḥ |
sāragrīvō mahājattruralōlaśca mahauṣadhaḥ || 80 ||
siddhārtthakārī siddhārtthaśchandōvyākaraṇōttaraḥ |
siṃhanādaḥ siṃhadaṃṣṭraḥ siṃhagō siṃhavāhanaḥ || 81 ||
prabhāvātmā jagatkālasthālō lōkahitastaruḥ |
sāraṅgō navacakrāṅgaḥ kētūmālī sabhāvanaḥ || 82 ||
bhūtālayō bhūtapatirahōrātran-aminditaḥ || 83 ||
vāhitā sarvabhūtānāṃ nilayaśca vibhurbhavaḥ |
amōghaḥ saṃyatō hyaśvō bhōjanaḥ prāṇadhāraṇaḥ || 84 ||
dhr̥timān matimān dakṣaḥ satkr̥taśca yugādhipaḥ |
gōpālirgōpatirgrāmō gōcarmavasanō hariḥ || 85 ||
hiraṇyabāhuśca tathā guhāpālaḥ pravēśinām |
prakr̥ṣṭārirmāhāharṣō jitakāmō jitēndriyaḥ || 86 ||
gāndhāraśca suvāsaśca tapassaktō ratirnaraḥ |
mahāgītō mahānr̥tyō hyapsarōgaṇasēvitaḥ || 87 ||
mahākētūrmahādhāturnaikasānucaraścalaḥ |
āvēdanīya ādēśaḥ sarvagandhasukhāvahaḥ || 88 ||
tōraṇastāraṇō vātaḥ paridhīpatikhēcaraḥ |
saṃyōgō vardhanō vr̥ddhō hyativr̥ddhō guṇādhikaḥ || 89 ||
nitya ātmā sahāyaśca dēvāsurapatiḥ patiḥ |
yuktaśca yuktabāhuśca dēvō divi suparvaṇaḥ || 90 ||
āṣāḍhaśca suṣāḍhaśca dhruvō’tha hariṇō haraḥ |
vapurāvartamānēbhyō vasuśrēṣṭhō mahāpathaḥ || 91 ||
śirōhārī vimarśaśca sarvalakṣaṇalakṣitaḥ |
akṣaśca rathhayōgī ca sarvayōgī mahābalaḥ || 92 ||
samāmnāyō’samāmnāyastīrtthadēvō mahārathhaḥ |
nirjīvō jīvanō mantraḥ śubhākṣō bahukarkaśaḥ || 93 ||
ratnaprabhūtō raktāṅgō mahārṇavanipānavit |
mūlaṃ viśālō hyamr̥tō vyaktāvyaktastapōnidhiḥ || 94 ||
ārōhaṇō’dhirōhaśca śīladhārī mahāyaśāḥ |
sēnākalpō mahākalpō yōgō yōgakarō hariḥ || 95 ||
yugarūpō mahārūpō mahānāgahanō vadhaḥ |
nyāyanirvapaṇaḥ pādaḥ paṇḍitō hyacalōpamaḥ || 96 ||
bahumālō mahāmālaḥ śaśī harasulōcanaḥ |
vistārō lavaṇaḥ kūpastriyugaḥ saphalōdayaḥ || 97 ||
trilōcanō viṣaṇṇāṅgō maṇividdhō jaṭādharaḥ |
bindurvisargaḥ sumukhaḥ śaraḥ sarvāyudhaḥ sahaḥ || 98 ||
nivēdanaḥ sukhājātaḥ sugandhārō mahādhanuḥ |
gandhapālī ca bhagavānutthānaḥ sarvakarmaṇām || 99 ||
manthānō bahuḷō vāyuḥ sakalaḥ sarvalōcanaḥ |
talastālaḥ karasthālī ūrdhvasaṃhananō mahān || 100 ||
chatraṃ suchatrō vikh-yātō lōkaḥ sarvāśrayaḥ kramaḥ |
muṇḍō virūpō vikr̥tō daṇḍī kuṇḍī vikurvaṇaḥ || 101 ||
haryakṣaḥ kakubhō vajrī śatajihvaḥ sahasrapāt |
sahasramūrdhā dēvēndraḥ sarvadēvamayō gurūḥ || 102 ||
sahasrabāhuḥ sarvāṅgaḥ śaraṇyaḥ sarvalōkakr̥t |
pavitraṃ trikakunmantraḥ kaniṣṭhaḥ kr̥ṣṇapiṅgaḷaḥ || 103 ||
brahmadaṇḍavinirmātā śataghnī pāśaśaktimān |
padmagarbhō mahāgarbhō brahmagarbhō jalōdbhavaḥ || 104 ||
gabhastir-brahmakr̥d-brahmī brahmavid-brāhmaṇō gatiḥ |
anantarūpō naikātmā tigmatējāḥ svayambhuvaḥ || 105 ||
ūrdhvagātmā paśupatīr-vātaraṃhā manōjavaḥ |
candanī padmanāḷāgraḥ surabhyuttaraṇō naraḥ || 106 ||
karṇikāramahāsragvī nīlamauḷiḥ pinākadhr̥t |
umāpatir-umākaṇtō jāhnavībhr̥d-umādhavaḥ || 107 ||
varō varāhō varadō varēṇyaḥ sumahāswanaḥ |
mahāprasādō damanaḥ śatrūhā śwētapiṅgaḷaḥ || 108 ||
prītātmā paramātmā ca prayatātmā pradhānadhr̥t |
sarvapārśwamukhastryakṣō dharmasādhāraṇō varaḥ || 109 ||
carācarātmā sūkṣmātmā amr̥tō gōvr̥ṣēśwaraḥ |
sādhyarṣirvasurādityaḥ vivasvān-savitā’mr̥taḥ || 110 ||
vyāsaḥ sargaḥ susaṃkṣēpō vistaraḥ paryayō naraḥ |
r̥tuḥ saṃvatsarō māsaḥ pakṣaḥ saṅkhyāsamaāpanaḥ || 111 ||
kaḷā kāṣṭhā lavā mātrā muhūrtāhaḥ kṣapāḥ kṣaṇāḥ |
viśvakṣētraṃ prajābījaṃ liṅgamādyassunirgamaḥ || 112 ||
sadasadvyaktamavyaktaṃ pitā mātā pitāmahaḥ |
swargadvāraṃ prajādvāraṃ mōkṣadvāraṃ triviṣṭapam || 113 ||
nirvāṇaṃ hlādanaścaiva brahmalōkaḥ parāgatiḥ |
dēvāsuravinirmātā dēvāsuraparāyaṇaḥ || 114 ||
dēvāsuragururdēvō dēvāsuranamaskr̥taḥ |
dēvāsuramahāmātrō dēvāsuragaṇāśrayaḥ || 115 ||
dēvāsuragaṇādhyakṣō dēvāsuragaṇāgraṇīḥ |
dēvādīdēvō dēvarṣirdēvāsuravarapradaḥ || 116 ||
dēvāsurēśvarō viśvō dēvāsuramahēśwaraḥ |
sarvadēvamayō’ciñtyō dēvatātmā’’tmasaṃbhavaḥ || 117 ||
udbhittrivikramō vaidyō virajō nīrajō’maraḥ |
īḍyō hastīśvarō vyāghrō dēvasiṃhō nararṣabhaḥ || 118 ||
vibudhō’gravaraḥ sūkṣmaḥ sarvadēvastapōmayaḥ |
suyuktaḥ śōbhanō vajrī prāsānāṃ-prabhavō’vyayaḥ || 119 ||
guhhaḥ kāntō nijaḥ sargaḥ pavitraṃ sarvapāvanaḥ |
śr̥ṅgī śr̥ṅgapriyō babhrū rājarājō nirāmayaḥ || 120 ||
abhirāmaḥ suragaṇō virāmaḥ sarvasādhanaḥ |
lalāṭākṣō viśvadēvō hariṇō brahmavarcasaḥ || 121 ||
sthāvarāṇāmpatiścaiva niyamēndriyavardhanaḥ |
siddhārtthaḥ siddhabhūtārtthō’ciñtyaḥ satyavrataḥ śuciḥ || 122 ||
vratādhipaḥ paraṃ brahma bhaktānāmparamāgatiḥ |
vimuktō muktatējāśca śrīmānaḥ śrīvardhanō jagataḥ || 123 ||
iti śrī mahābhāratē anuśāsana parvē śrī śiva sahasranāma stōtraṃ saṃpūrṇam ||