Shri Shiva Namavalyashtakam
hē candracūḍa madanāntaka śūlapāṇē
sthāṇō girīśa girijēśa mahēśa śambhō |
bhūtēśa bhītabhayasūdana māmānāthaṃ
saṃsāraduḥkhagahanājjagadīśa rakṣa || 1 ||
hē pārvatīhr̥dayavallabha candramaulē
bhūtādhipa pramathanātha girīśacāpa |
hē vāmadēva bhava rudra pinākapāṇē
saṃsāraduḥkhagahanājjagadīśa rakṣa || 2 ||
hē nīlakaṇṭha vr̥ṣabhadhvaja pañcavaktra
lōkēśa śēṣavalaya pramathēśa śarva |
hē dhūrjaṭē paśupatē girijāpatē māṃ
saṃsāraduḥkhagahanājjagadīśa rakṣa || 3 ||
hē viśvanātha śiva śaṅkara dēvadēva
gaṅgādhara pramathanāyaka naṇdikēśa |
bāṇēśvarāṇdhakaripō hara lōkanātha
saṃsāraduḥkhagahanājjagadīśa rakṣa || 4 ||
vārāṇasīpurapatē maṇikaṛṇikēśa
vīrēśa dakṣamakhakāla vibhō gaṇēśa |
sarvajña sarvahr̥dayaikanivāsa nātha
saṃsāraduḥkhagahanājjagadīśa rakṣa || 5 ||
śrīmanmahēśvara kr̥pāmaya hē dayāḷō
hē vyōmakēśa śitikaṇṭha gaṇādhinātha |
bhasmāṅgarāga nṛkapālakalāpamāla
saṃsāraduḥkhagahanājjagadīśa rakṣa || 6 ||
kailāsaśailavinivāsa vr̥ṣākapē hē
mr̥tyuñjaya trinayana trijagannivāsa |
nārāyaṇapriya madāpaha śaktinātha
saṃsāraduḥkhagahanājjagadīśa rakṣa || 7 ||
viśvēśa viśvabhavanāśaka viśvarūpa
viśvātmaka tribhuvanaikaguṇādhikēśa |
hē viśvanātha karuṇāmaya dīnabandhō
saṃsāraduḥkhagahanājjagadīśa rakṣa || 8 ||
gaurīvilāsabhavanāya mahēśvarāya
pañcānanāya śaraṇāgatakalpakāya |
śarvāya sarvajagatāmadhipāya tasmai
dāridryaduḥkhadahanāya namaḥ śivāya || 9 ||
iti śrīmacchaṅkarabhagavataḥ kr̥tau śrī śivanāmāvaḷyaṣṭakaṃ saṃpūrṇam ||