Shri Shiva Mangalashtakam
bhavāya candracūḍāya nirguṇāya guṇātmanē |
kālakālāya rudrāya nīlagrīvāya maṅgaḷam || 1 ||
vṛṣārūḍhāya bhīmāya vyāghracarmāmbarāya ca |
paśūnāmpatayē tubhyaṃ gaurīkāntāya maṅgaḷam || 2 ||
bhasmōddhūḷitadēhāya nāgayajñōpavītinē |
rudrākṣamālābhūṣāya vyōmakēśāya maṅgaḷam || 3 ||
sūryacandrāgninētrāya namaḥ kailāsavāsinē |
saccidānandarūpāya pramathēśāya maṅgaḷam || 4 ||
mṛtyuñjayāya sāmbāya sṛṣṭisthityantakāriṇē |
tryambakāya śāntāya trilōkēśāya maṅgaḷam || 5 ||
gaṅgādharāya sōmāya namō hariharātmanē |
ugrāya tripuraghnāya vāmadēvāya maṅgaḷam || 6 ||
sadyōjātāya śarvāya bhavya jñānapradāyinē |
īśānāya namastubhyaṃ pañcavaktrāya maṅgaḷam || 7 ||
sadāśiva swarūpāya namastatpurūṣāya ca |
aghōrāya ca ghōrāya mahādēvāya maṅgaḷam || 8 ||
mahādēvasya dēvasya yaḥ paṭhēnmaṅgaḷāṣṭakam |
sarvārttha siddhi māpnōti sa sāyujyaṃ tataḥ param || 9 ||
iti śrī śiva maṅgaḷāṣṭakam |