Shri Shiva Keshadipadantha Varnana Stotram
dēyāsurmūrddhni rājatsarasasurasaritpāraparyantanyirya-
-tpraṃśustambāḥ piśṅgāstulitapariṇatāraktaśālīlatā vaḥ |
durvārāpattigartaśritanikhilajanōttāraṇē rajjubhūtā
ghōrāghōrvīruhālīdahanaśikhiśikhāḥ śarma śārvāḥ kapardāḥ || 1 ||
kurvannirvāṇamārgapragamaparilasad rūpyasōpānaśaṅkāṃ
śakrārīṇāṃ purāṇāṃ trayavijayakṛtaspaṣṭarēkhāyamāṇam |
avyādavyājamuccairalikahimadharādhityakāntastridhōdya-
-jjāhnavyābhaṃ mṛḍānīkamituruḍuparuqpāṇḍaraṃ vastripuṇḍram || 2 ||
krudhyadgaurīprasādānatisamayapadāṅguṣṭhasaṅkrāntalākṣā-
-biṅdusparadhi smarārēḥ sphaṭikamaṇidṛṣanmagnamāṇikyaśōbham |
mūrddhnyudyaddivyasindhōḥ patitaśapharikākāri vō mastakaṃ stā-
-dastōkāpattikṛtyai hutavahakaṇikāmōkṣarūkṣaṃ sadākṣi || 3 ||
bhūtyai dṛgbhūtayōḥ syādyadahimahimarugbimbayōḥ snigdhavarṇō
daityaughadhvaṃsaśaṃsī sphuṭa iva parivēṣāvaśēṣō vibhāti |
sargasthityantavṛttirmayi samupagatētīva nirvṛttagarvaṃ
śarvāṇībharturuccairyugaḷamatha dadhadvibhramaṃ tadbhruvōrvaḥ || 4 ||
yugmē rukmābjapiṅgē graha iva pihitē drāgyayōḥ prāgduhitrā
śailasya dhvāntanīlāmbararacitabṛhatkañcukō’bhūtprapañcaḥ |
tē trainētrē pavitrē tridaśavaraghaṭāmitrajaitrōgraśastrē
nētrē nētrē bhavētāṃ drutamiha bhavatāmindriyāśvānvimyaṇtum || 5 ||
caṇḍīvaktrārpaṇēcchōstadanu bhagavataḥ pāṇḍurukpāṇḍugaṇḍa-
-prōdyatkaṇḍūṃ vinētuṃ vitanuta iva yē ratnakōṇairvighṛṣṭim |
caṇḍārcirmaṇḍalābhē satatanatajanadhvāntakhaṇḍātiśauṇḍē
cāṇḍīśē tē śriyēstāmadhikamavanatākhaṇḍalē kuṇḍalē vaḥ || 6 ||
khaṭvāṅgōdagrapāṇēḥ sphuṭavikaṭapuṭō vaktraraṃdhraprávēśa-
-prēpsūdañcatphaṇōruśvasadatidhavaḷāhīndraśaṅkāṃ dadhānaḥ |
yuṣmākaṃ kramavaktraṃburuha-parilasatkarṇikākāraśōbhah
śaśvattrāṇāya bhūyādalamativimalōttuṅgakōṇaḥ sa ghōṇaḥ || 7 ||
krudhyatyaddhā yayōḥ svāṃ tanumatilasatōrbiṃbitāṃ lakṣayantī
bhartrē spardhātinighnā muhuritaravadhūśaṅkayā śailakanyā |
yuṣmāṃstau śaśvaduccairabahuḷadaśamī-śarvarīśātiśubhrā-
-vavyāstāṃ divyasindhōḥ kamituravanamallōkapālau kapōlau || 8 ||
yō bhāsā bhātyupāntasthita iva nibhṛtaṃ kaustubhō draṣṭumiccha-
-nsōtthasnēhānnitāntaṃ gaḷagatagaraḷaṃ patyuruccaiḥ paśūnām |
prōdyatprēmṇā yamārdrā pibati girisutā sampadaḥ sātirēkā
lōkāḥ śōṇīkṛtāntā yadadharamahasā sō’dharō vō vidhattām || 9 ||
atyartthaṃ rājatē yā vadanaśaśadharādudgalaccāruvāṇī-
-pīyūṣāmbhḥpravāhaprasaraparilasatphēnabiṇdvāvaḷīva |
dēyātsā daṃtapaṅktiściramiha danudāyādadauvārikasya
dyutyā dīptēndukundacchiviramalataraprōnnatāgrā mudaṃ vaḥ || 10 ||
nyakkurvannurvarābhṛnnibhaghanasamayōddhuṣṭamēghaughaghōṣaṃ
sphūrjadvārdyutthitōrudhvanitamapi parabrahmabhūtō gabhīrah |
suvyaktō vyaktamūrtēḥ prakaṭitakaraṇaḥ prāṇanāthasya satyāḥ
prītyā vaḥ saṃvidadhyātphalavikaḷamalaṃ janma nādaḥ sa nādaḥ || 11 ||
bhāsā yasya trilōkī lasati parilasatphēnabiṇdvarṇavānta-
-rvyāmagnēvātigaurastulitasurasariadvāripūraprasārah |
pīnātmā dntabhābhirbhṛśamahahahakārātibhīmaḥ sadēṣṭāṃ
puṣṭāṃ tuṣṭiṃ kṛṣīṣṭa sphuṭamiha bhavatāmaṭṭahāsō’ṣṭamūrtēḥ || 12 ||
sadyōjātākhyamāpyaṃ yadvimala-mudagvarti yadvāmadēvaṃ
nāmnā hēmnā sadṛkṣaṃ jaladanibhamaghōrāhvayaṃ dakṣiṇaṃ yat |
yadbālārkaprabhaṃ tatpuruṣanigaditaṃ pūrvamīśānasañjñaṃ
yaddivyaṃ tāni śambhōrbhavadabhilaṣitaṃ pañca dadyurmukhāni || 13 ||
ātmaprēmṇō bhavānyā swayamiva racitāḥ sādaraṃ sāṃvananyā
maṣyā tisrasunīlāñjananibhagararēkhāḥ samābhānti yasyām |
akalpānalpabhāsā bhṛśaruciratarā kambukalpāmbikāyāḥ
patyuḥ sātyantamantarvilasatu satataṃ mantharā kandharā vaḥ || 14 ||
vaktrēndōrdaṃtalakṣmyāściramadharamahākaustubhāsyāpyupāntē
sōtthānāṃ prārtthayanyaḥ sthitimacalabhuvē vārayantyāi nivēśam |
prāyuṅktēvāśiṣō yaḥ pratipadamamṛtatvē sthitaḥ kālaśatrōḥ
kālaṃ kurvangaḷaṃ vō hr̥dayamayamalaṃ kṣāḷayētkālakūṭah || 15 ||
prauḍhaprēmākuḷāyā dṛḍhatarapari rambhēṣu parvēndumukhyāḥ
pārvatyāścāru-cāmīkaravalayapadairaṅkitaṃ kāntiśāli |
raṅgannāgāṅgadāḍhyaṃ satatamavihitaṃ karma nirmūlayētta-
-ddōrmūlaṃ nirmalaṃ yaddhr̥di duritamapāsyārzitaṃ dhūrjaṭērvaḥ || 16 ||
kaṇṭhāślēṣārtthamāptā diva iva kamituḥ swargasindhōḥ pravāhāḥ
krāntyai saṃsārasindhōḥ sphaṭikamaṇimahāsaṅkramākāradīrghāḥ |
tiryagviṣkambhhabhūtāstribhuvanavasatērbhinnadaityēbhahadēhā
bāhā vastā harasya drutamiha nivahānaṃhasāṃ saṃharantu || 17 ||
vakṣō dakṣadviṣō’laṃ smarabharavinamaddakṣajākṣīṇavakṣō-
-jāntarnikṣiptaśumbhanmalayajamiḷitōdbhāsi bhasmōkṣitaṃ yat |
kṣipraṃ tadrūkṣacakṣuḥ śrutigaṇaphaṇaratnaughabhābhīkṣṇaśōbhaṃ
yuṣmākaṃ śaśvadēnaḥ sphaṭikamaṇiśilāmaṇḍalābhaṃ kṣiṇōtu || 18 ||
muktāmuktē vicitrākuḷavalilaharījālaśālinyawāñca-
-nnābhyāvartē vilōladbhujagavarayutē kālaśatrōrviśālē |
yuṣmacchittatridhāmā pratinavaruciṟē mandirē kāntilakṣmyāḥ
śētāṃ śītāṃśugaurē cirataramudarakṣīrasindhau salīlam || 19 ||
vaiyāghrī yatra kṛttiḥ sphurati himagirērvistṛtōpatyakāntaḥ
sāndrāvaśyāyamiśrā parita iva vṛtā nīlajīmūtamālā |
ābaddhāhīndrakāñcīguṇamatipṛthulaṃ śailajākrīḍabhūmi-
-stadvō niḥśrēyasē syājjaghanamatighanaṃ bālaśītāṃśumauḷēḥ || 20 ||
puṣṭāvaṣṭambhabhūtau pṛthutarajaghanasyāpi nityaṃ trilōkyāḥ
samyagvṛttau surēndradviradavarakarōdārakāntiṃ dadhānau |
sārāvūrū purārēḥ prasabhamarighaṭāghasmarau bhasmaśubhrau
bhaktairatyārdracittairadhikamavanatau vāñchitaṃ vō vidhattām || 21 ||
ānanandāyēndukāntōpalaracitasamudgāyitē yē munīnāṃ
cittādarśaṃ nidhātuṃ vidadhati caraṇē tāṇḍavākuñcanāni |
kāñcībhōgīndramūrddhnāṃ pratimuhurupadhānāyamānē kṣaṇaṃ tē
kāntē stāmantakārērdyutivijitasudhābhānunī jānunī vaḥ || 22 ||
mañjīrībhūtabhōgipravaragaṇaphaṇāmaṇḍalāntarnitānta-
-vyādīrghānargharatnadyutikisalayate stūyamānē dyusadbhiḥ |
bibhratyau vibhramaṃ vaḥ sphaṭikamaṇibṛhaddaṇḍavadbhāsitē yē
jaṅghē śaṅkhēnduśubhrē bhṛśamiha bhavatāṃ mānasē śūlapāṇēḥ || 23 ||
astōkastōmaśastrairapacitimamaḷāṃ bhūribhāvōpahāraiḥ
kurvadbhiḥ sarvadōccaiḥ satatamabhivṛtau brahmaviddēvalādyaiḥ |
samyak saṃpūjyamānāviha hr̥di sarasīvāniśaṃ yuṣmadīyē
śarvasya krīḍatāṃ tau prapadavarabṛhatkacchapāvacchabhāsau || 24 ||
yāḥ swasyaikāṃśapātādatibahala-galadraktavaktraṃ praṇunna-
-prāṇaṃ prākrōśayan-prāṅnijamacalavaraṃ cālayantaṃ daśāsyam |
pādāṅgulyō diśantu drutamayu-gadṛśaḥ kalmaṣaplōṣakalyāḥ
kalyāṇaṃ phullamālyaprakara-vilasitā vaḥ praṇaddhāhivallyah || 25 ||
prahvaprācīnabarhiḥ-pramukhasura-varaprasphuranmauḷisakta-
-jyāyōratnōtkarō srairaviratamamalā bhūrinīrājitā yā |
prōdagrāgrā pradēyāttatiriva rucirā tārakāṇāṃ nitāntaṃ
nīlagrīvasya pādāṃburuha-vilasitā sā nakhāḷī sukhaṃ vaḥ || 26 ||
satyāḥ satyānanēndāvapi savidhagatē yē vikāsaṃ dadhātē
swāntē swāṃ tē labhantē śriyamiha sarasīvāmārā yē dadhānāḥ |
lōlaṃ lōlambakānāṃ kuḷamiva sudhiyāṃ sēvatē yē sadā stāṃ
bhūtyai bhūtyaiṇapāṇērvimalatararucastē padāṃbhōruhē vaḥ || 27 ||
yēṣāṃ rāgādidōṣākṣatāmati yatayō yānti muktiṃ prasādā-
-dyē vā namrātmamūrtidyusadr̥ṣipariṣan-mūrddhni śēṣāyamāṇāḥ |
śrīkaṇṭhasyāruṇōdyaccaraṇasarasija-prōtthitāstē bhāvākhyā-
-tpārāvārācciraṃ vō duritahatikṛtastārayēyuḥ parāgāḥ || 28 ||
bhūmnā yasyāstasīmnā bhuvanamanusṛtaṃ yatparaṃ dhāma dhāmnāṃ
sāmnāmāmnāyatattvaṃ yadapī ca paramaṃ yadguṇātītamādyam |
yaccāṃhōhannirīhaṃ gahanamiti muhuḥ prāhurūccairmahāntō
māhēśaṃ tanmahō mē mahitamaharaharmōharōhaṃ nihantu || 29 ||
iti śrī śiva kēśādipādāntavarṇana stōtraṃ saṃpūrṇam ||