Shri Sandhya Krita Shiva Stotram
nirākāraṃ jñānagamyaṃ paraṃ yat
nainasthūlaṃ nāpi sūkṣmaṃ na coccam |
antaścintyaṃ yogibhistasya rūpaṃ
tasmai tubhyaṃ lokakarte namostu || 1 ||
sarvaṃ śāntaṃ nirmalaṃ nirvikāraṃ
jñānaṃ gamyaṃ svaprakāśe vikāram |
khādhva prakhyaṃ dhvāntamārgāt parastāt
rūpaṃ yasya tvāṃ namāmi prasannam || 2 ||
ekaṃ śuddhaṃ dīpyamānaṃ tathājaṃ
cittānandaṃ sahajaṃ cāvikāri |
nityānandaṃ satyabhūtiprasannaṃ
yasya śrīdaṃ rūpamasmai namaste || 3 ||
gaganaṃ bhūrgāścaiva
salilaṃ jyotirevaca |
punaḥ kālaśca rūpāṇi
yasya tubhyaṃ namostute || 4 ||
vidyākāro dbhāvanīyaṃ prabhinnaṃ
sattvacchandaṃ dhyēyamātma svarūpam |
sāraṃ pāraṃ pāvanānāṃ pavitraṃ
tasmai rūpaṃ yasya caivaṃ namaste || 5 ||
yattvā kāraṃ śuddharūpaṃ manojñaṃ
ratnākalpaṃ svaccakarpūra gauram |
iṣṭābhītī śūlamuṇḍe dadhānaṃ
hasaiḥ namo yogayuktāya tubhyam || 6 ||
pradhānapuruṣā yasya
kāyatvena vinirgatā |
tasmādavyaktarūpāya
śankarāya namo namaḥ || 7 ||
yo brahmā kurute sṛṣṭiṃ
yo viṣṇuḥ kurute sthitim |
saṃhariṣyati yo rudraḥ
tasmai tubhyaṃ namo namaḥ || 8 ||
tvaṃ paraḥ paramātmā ca
tvaṃ vidyā vividhā haraḥ |
sadbahma ca paraṃ brahma
vicāraṇa parāyaṇaḥ || 9 ||
namo namaḥ kāraṇakāraṇāya
divyāmṛta jñāna vibhūtidāya |
samastalokāntarabhūtidāya
prakāśarūpāya parātparāya || 10 ||
yasyā paraṃ no jagaducyate padāt
tirdiśassūrya indurmanojaḥ |
bahirmukhā nābhitaścāntarikṣaṃ
tasmai tubhyaṃ śambhave me namostu || 11 ||
yasya nādirna madhyaṃ ca
nāntamasti jagadyataḥ |
kathaṃ soṣyāmi taṃ devaṃ
vāṅmano gocaraṃ haram || 12 ||
yasya brahmādayo devāḥ
munayaśca tapodhanāḥ |
na vipraṇvanti rūpāṇi
varṇanīyā: kathāṃ sa me || 13 ||
priyā mayā te kiṃjeyāḥ
nirguṇasya guṇāḥ prabho |
naiva jānanti yadrūpaṃ
sendrā api surāsurāḥ || 14 ||
namastubhyaṃ maheśāna
namastubhyaṃ tapomaya |
prasīda śambho deveśa
bhūyo bhūyo namostute || 15 ||
iti śrī sandhyā kṛta śiva stotram sampūrṇam ||