śrī raṅganātha stōtram
śrī parāśarabhaṭṭāryaḥ śrīraṅgēśa purōhitaḥ |
śrīvatsāṅkasutaḥ śrīmān śrēyasē mēstu bhūyasē ||
saptaprākāramadhyē sarasija mukuḷōdbhāsamānē vimānē |
kāvērīmadhyadēśē mr̥dutaraphaṇirāṭ bhōga paryaṅkabhāgē |
nidrāmudrābhirāmaṃ kaṭinikaṭa śiraḥ pārśvavinyastahastaṃ |
padmādhātrīkarābhyāṃ paricitacaraṇaṃ raṅgarājaṃ bhajēham || 1 ||
kastūrī kalitōrdhvapuṇṇatilakaṃ karṇānta lōlēkṣaṇaṃ |
mugdha smēra manōharādharadaḷaṃ muktākirīṭōjjvalam |
paśyanmānasa paśyatōhararucaṃ paryāyapaṅkēruhaṃ |
śrīraṅgādhipatēḥ kadānu vadanaṃ sēvēya bhūyō pyaham || 2 ||
kadāhaṃ kāvērītaṭaparisarē raṅganagarē |
śayānaṃ bhōgīndra śatamakhamaṇi śyāmalarucim |
upāsīnaḥ krōśan madhumathana! nārāyaṇa! harē! |
murārē! gōvindē tyaniśa manunēṣyāmi divasān || 3 ||
kadāhaṃ kāvērī vimalasalilē vītakaluṣō |
bhavēyaṃ tattīrē śramamuṣi vasēyaṃ ghanavanē |
kadā vā taṃ puṇyē mahati puḷinē maṅgaḷaguṇaṃ |
bhajēyaṃ raṅgēśaṃ kamalanayanaṃ śēṣaśayanam || 4 ||
pūgī kaṇṇadvayasa sarasasniğdha nīrōpakaṇṭhāṃ |
āvirmōda stimitaśakunānūdita brahma ghōṣām |
mārgamārgē pathikanivahāi ruñcyamānāpavargāṃ |
paśyēyaṃ tāṃ punarapi purīṃ śrīmatīṃ raṅgadhāmnaḥ || 5 ||
na jātu pītāmr̥ta mūrchitānāṃ |
nākāukasāṃ nandanavāṭikāsu |
raṅgēśvara! tvatpura māśritānāṃ |
rathyāśunā manyatamō bhavēyam || 6 ||
asannikr̥ṣṭasya nikr̥ṣṭajantōḥ mithyāpavādēna karōṣi śāntim |
tatō nikr̥ṣṭē mayi sannikr̥ṣṭē kāṃ niṣkr̥tiṃ raṅgapatē! karōṣi || 7 ||
śrīraṅgaṃ kariśaila mañjanagiriṃ tār kṣyādri siṃhācalāu |
śrīkūrmaṃ puruṣōttamaṃ ca badarīnārāyaṇaṃ nāimiśam |
śrīmad vāravatī prayāga madhurā yōdhyā gayā puṣkaraṃ |
sālagrāmagiriṃ niṣēvya ramatē rāmānujōyaṃ muniḥ || 8 ||
śrīparāśarabhaṭṭāryaḥ śrīraṅgēśapurōhitaḥ |
śrīvatsāṅkasutaḥ śrīmān śrēyasē mēstu bhūyasē ||
iti śrī raṅganātha stōtram ||