śrī rājarājēśvaryaṣṭakam
ambā śāmbhavi candramāuḷirabalā'parṇā umā pārvatī
kāḷī hāimavatī śivā trinayanī kātyāyanī bhāiravī |
sāvitrī navayāuvanā śubhakarī sāmrājyalakṣmīpradā
cidrūpī paradēvatā bhagavatī śrī rājarājēśvarī || 1 ||
ambā mōhinī dēvatā tribhuvanī ānandasandāyinī
vāṇī pallavapāṇi vēṇumuraḷīgānapriyā lōlinī |
kalyāṇī uḍurājabimbavadanā dhūmrākṣasaṃhāriṇī
cidrūpī paradēvatā bhagavatī śrī rājarājēśvarī || 2 ||
ambā nūpuraratnakaṅkaṇadharī kēyūrahārāvaḷī
jātīcampakavāijayantilaharī grāivēyakāirājitā |
vīṇāvēṇuvinōdamaṇḍitakarā vīrāsanēsaṃsthitā
cidrūpī paradēvatā bhagavatī śrī rājarājēśvarī || 3 ||
ambā rāudriṇi bhadrakāḷī bagalā jvālāmukhī vāiṣṇavī
brahmāṇī tripurāntakī suranutā dēdīpyamānōjjvalā |
cāmuṇḍā śritarakṣapōṣajananī dākṣāyaṇī pallavī
cidrūpī paradēvatā bhagavatī śrī rājarājēśvarī || 4 ||
ambā śūla dhanuḥ kuśāṅkuśadharī ardhēndubimbādharī
vārāhī madhukaiṭabhapraśamanī vāṇīramāsēvitā |
malladyāsuramūkadaityamathanī māhēśvarī ambikā
cidrūpī paradēvatā bhagavatī śrī rājarājēśvarī || 5 ||
ambā sr̥ṣṭavināśapālanakarī āryā visaṃśōbhitā
gāyatrī praṇavākṣarām r̥tarasaḥ pūrṇānusandhīkr̥tā |
ōṃkārī vinutāsutārcitapadā uddaṇḍadaityāpahā
cidrūpī paradēvatā bhagavatī śrī rājarājēśvarī || 6 ||
ambā śāśvata āgamādivinutā āryā mahādēvatā
yā brahmādipipīlikāntajananī yā vāi jaganmōhinī |
yā pañcapraṇavādirēphajananī yā citkaḷāmālinī
cidrūpī paradēvatā bhagavatī śrī rājarājēśvarī || 7 ||
ambāpālita bhaktarājadaniśaṃ ambāṣṭakaṃ yaḥ paṭhēt
ambālōkakaṭākṣavīkṣa lalitaṃ cāiśvaryamavyāhatam |
ambā pāvanamantrarājapaṭhanādantē ca mōkṣapradā
cidrūpī paradēvatā bhagavatī śrī rājarājēśvarī || 8 ||
iti śrī rājarājēśvaryaṣṭakaṃ sampūrṇam ||