Shri Pandurangashtakam
mahāyōgapīṭhē taṭē bhīmarathyā
varaṃ puṇḍarīkāya dātuṃ munīndraiḥ |
samāgatya tiṣṭhaṇtamānaṇdakaṇdaṃ
parabrahma-liṅgaṃ bhajē pāṇḍuraṅgam || 1 ||
taṭidvāsasaṃ nīlamēghāvabhāsaṃ
ramāmaṇdiraṃ suṇdaraṃ citprakāśam |
varaṃ tviṣṭakāyāṃ samanyastapādaṃ
parabrahma-liṅgaṃ bhajē pāṇḍuraṅgam || 2 ||
pramāṇaṃ bhavābdhēridam māmakānāṃ
nitaṃbaḥ karābhyāṃ dhr̥tō yēna tasmāt |
vidhāturvasatyai dhr̥tō nābhikōśaḥ
parabrahma-liṅgaṃ bhajē pāṇḍuraṅgam || 3 ||
sphuratkaustubhālaṅkr̥taṃ kaṇṭhadēśē
śriyā juṣṭakēyūrakaṃ śrīnivāsam |
śivaṃ śāṇtamīḍyaṃ varaṃ lōkapālaṃ
parabrahma-liṅgaṃ bhajē pāṇḍuraṅgam || 4 ||
śaraccandra-bimbānanaṃ cāruhāsaṃ
lasatkuṇḍalākrāṇtagaṇḍasthalāṇtam |
japārāga-bimbādharaṃ kañjanētraṃ
parabrahma-liṅgaṃ bhajē pāṇḍuraṅgam || 5 ||
kirīṭōjjvalatsarvadikprāṇtabhāgaṃ
surairarcitaṃ divyaratnairanaṛghaiḥ |
tribhaṅgākr̥tiṃ barhamālyāvataṃsaṃ
parabrahma-liṅgaṃ bhajē pāṇḍuraṅgam || 6 ||
vibhuṃ vēṇunādaṃ caraṇtaṃ duraṇtaṃ
swayaṃ līlayā gōpavēṣaṃ dadhānam |
gavāṃ bṛṇdakānaṇdadaṃ cāruhāsaṃ
parabrahma-liṅgaṃ bhajē pāṇḍuraṅgam || 7 ||
ajaṃ rukmiṇīprāṇasañjīvanaṃ taṃ
paraṃ dhāma kaivalyamēkaṃ turīyam |
prasaṇṇaṃ prapaṇṇārtiham dēvadēvaṃ
parabrahma-liṅgaṃ bhajē pāṇḍuraṅgam || 8 ||
stavaṃ pāṇḍuraṅgasya vai puṇyadaṃ yē
paṭhaṇtyēkacittēna bhaktyā ca nityam |
bhavāṃbhōnidhiṃ tē’pi tīrtvāṇtakālē
harērālayaṃ śāśvataṃ prāpnuvaṇti || 9 ||
iti śrīmacchaṅkarabhagavatpādācārya viracitaṃ śrī pāṇḍuraṅgāṣṭakam |