Sri Natarajashtakam
kuñjaracarmakṛtāmbaramburuhāsanāmādhavageyaguṇaṃ
śaṅkaramantakamānaharaṃ smaradāhakalocanameṇadharam |
sāñjaliyogipatañjalisannutamidukalādharamabjamukhaṃ
mañjulaśiñjita rañjita kuñcitavāmapadaṃ bhaja nṛtyapatim || 1 ||
piṅgalatuṅgajaṭāvalibhāsuragaṅgamamaṅgalanāśakaraṃ
puṅgavavāhamumāṅgadharaṃ ripubhaṅgakaraṃ suralokanatam |
bhṛṅgavīnīlagalaṃ gaṇanāthasutaṃ bhaja mānasa pāpaharaṃ
maṅgaladaṃ vararaṅgapatiṃ bhavasaṅgaharaṃ dhanarājasakham || 2 ||
pāṇinisūtravinirmitikāraṇapāṇilasaḍḍamarūttharavaṃ
mādhavanādita mardalanirgata nādalayoddhṛtavāmapadaṃ |
sarvajagatpralayaprabhuvahnivirājitapāṇimumālasitaṃ
pannagabhūṣaṇamunnata sannutamānama mānasa sāmbaśivam || 3 ||
caṇḍaguṇānvita maṇḍalakhaṇḍanapaṇḍitamidukalākalitaṃ
daṇḍadharāntakadaṇḍakaraṃ varatāṇḍavamaṇḍitahemasabhaṃ |
aṇḍakarāṇḍajavāhasakhaṃ nama pāṇḍavamadhyamamodakaraṃ
kuṇḍalaśobhitagaṇḍatalaṃ munivṛndanutam sakalāṇḍadharam || 4 ||
vyāghrapadānatamugratarāsuravigrahamardipadāmburuhaṃ
śakramukhāmaravargamanoharanṛtyakaraṃ śrutinutyaguṇam |
vyagrataraṅgitadevadhunīdhṛtagarvaharāyitakeśacayaṃ
bhārgavarāvaṇapūjitāmīśamumāramaṇaṃ bhaja śūladharam || 5 ||
āsuraśaktivināśakaraṃ bahubhāsurakāyamanāṅgaripuṃ
bhūsurasevitapādasaroruhamīśvaramakṣaramukṣadhṛtam |
bhāskaraśītakarākṣamanāturamāśvaravindapadaṃ bhaja taṃ
naśvarasaṃsṛtimohavināśamahaskaradantanipātakaram || 6 ||
bhūtikaraṃ sitabhūtidharaṃ gatanītiharaṃ varagītīnutam
bhaktiyutottamāmuktikaraṃ samaśaktiyutaṃ śubhabhuktikaraṃ |
bhadrakarottamanāmayutaṃ śrutisāmanutaṃ nama somadharaṃ
stutyaguṇaṃ bhaja nityamagādhabhavāmbudhitarākanṛtyapatim || 7 ||
śūladharaṃ bhavajālaharaṃ niṭilāgnidharaṃ jaṭilaṃ dhavalaṃ
nīlagalojjvalamaṅgalasadgirirājasutāmṛdupāṇitalam |
śailakulādhipamaulinataṃ chalahīnamupaimi kapāladharaṃ
kālaviṣāśamanantamailānutamadbhutalāsyakaraṃ girīśam || 8 ||
cittaharātulanṛttapatipriyavṛttakṛtottamāgītimimāṃ
prātarumāpatisannidhigo yadi gāyati bhaktiyuto manasi |
sarvasukhaṃ bhuvi tasya bhavatyamarādhipadurlabhamatyadhikaṃ
nāsti punarjanireti ca dhāma sa śāmbhavamuttamamodakaram || 9 ||
iti śrī naṭarājāṣṭakam |