śrī maṅgaḷagāurī stōtram
dēvi tvadīyacaraṇāmbuja-rēṇu gāurīṃ
bhālasthalīṃ vahati yaḥ praṇatipravīṇaḥ |
janmāntarē’pi rajanīkara-cārulēkhā
tāṃ gāurayatyati-tarāṃ kila tasya puṃsaḥ || 1 ||
śrīmaṅgaḷē sakalamaṅgaḷa-janmabhūmē
śrīmaṅgaḷē sakala-kalmaṣa-tūlavahnē |
śrīmaṅgaḷē sakala-dānavadarpa-hantri
śrīmaṅgaḷē’khilam-idaṃ paripāhi viśvam || 2 ||
viśvēśvari tvamasi viśvajananasya kartrī
tvaṃ pālayitryasi tathā praḷayē’pi hantrī |
tvannāmakīrtana-samullasad-acchapuṇyā
srōtasvinī harati pātakakūla-vṛkṣān || 3 ||
mātarbhavāni bhavatī bhavatīvraduhkha-
sambhārahāriṇi śaraṇyam-ihāsti nānyā |
dhanyāsta ēva bhuvanēṣu ta ēva mānyā
yēṣu sphurēttavaśubhaḥ karuṇākaṭākṣaḥ || 4 ||
yē tvā smaranti satataṃ sahajaprakāśāṃ
kāśīpurīsthitimatīṃ natamōkṣalakṣmīm |
tāṃ saṃsmarēt-smaraharō dhṛtaśuddhabuddhī-
nnirvāṇarakṣaṇa-vicakṣaṇa-pātrabhūtān || 5 ||
mātastavāṅghriyugaḷaṃ vimalaṃ hṛdisthaṃ
yasyāsti tasya bhuvanaṃ sakalaṃ karastham |
yō nāmatēja ēti maṅgaḷagāuri nityaṃ
siddhyaṣṭakaṃ na parimuñcati tasya gēham || 6 ||
tvaṃ dēvi vēdajananī praṇavasvarūpā
gāyatryasi tvamasi vāi dvijakāmadhēnuḥ |
tvaṃ vyāhṛtitrayam-ihā’khilakarmasiddhyāi
svāhā-svadhāsi sumanaḥ pitṛtṛptihētuḥ || 7 ||
gāuri tvamēva śaśimāuḷini vēdhasi tvaṃ
sāvitryasi tvamasi cakriṇi cārulakṣmīḥ |
kāśyāṃ tva-masyamalarūpiṇi mōkṣalakṣmīḥ
tvaṃ mē śaraṇyam-ihā maṅgaḷagāuri mātaḥ || 8 ||
stutvētī tāṃ smaraharārdha-śarīra-śōbhāṃ
śrīmaṅgaḷāṣṭaka mahāstavanēna bhānuḥ |
dēvīṃ ca dēvam-asakṛtparitaḥ praṇamya
tūṣṇīṃ babhūva savitā śivayōḥ purastāt || 9 ||
iti śrī skāndapurāṇē kāśīkhaṇḍē ravikṛta śrī maṅgaḷa gāurī stōtram