Shri Mahakala Stotram
ōṃ mahākāla mahākāya mahākāla jagatpate |
mahākāla mahāyogin mahākāla namo’stu te || 1 ||
mahākāla mahādeva mahākāla mahāprabho |
mahākāla mahārudra mahākāla namo’stu te || 2 ||
mahākāla mahājñāna mahākāla tamo’pahan |
mahākāla mahākāla mahākāla namo’stu te || 3 ||
bhavāya ca namastubhyaṃ śarvāya ca namo namaḥ |
rudrāya ca namastubhyaṃ paśūnāṃ pataye namaḥ || 4 ||
ugrāya ca namastubhyaṃ mahādevāya vai namaḥ |
bhīmāya ca namastubhyaṃ īśānāya namo namaḥ || 5 ||
īśvarāya namastubhyaṃ tatpuruṣāya vai namaḥ || 6 ||
sadyojāta namastubhyaṃ śuklavarṇa namo namaḥ |
adhaḥ kālāgnirudrāya rudrarūpāya vai namaḥ || 7 ||
sthityutpattilayānāṃ ca heturūpāya vai namaḥ |
parameśvararūpastvaṃ nīla evaṃ namo’stu te || 8 ||
pavanāya namastubhyaṃ hutāśana namo’stu te |
somarūpa namastubhyaṃ sūryarūpa namo’stu te || 9 ||
yajamāna namastubhyaṃ ākāśāya namo namaḥ |
sarvarūpa namastubhyaṃ viśvarūpa namo’stu te || 10 ||
brahmarūpa namastubhyaṃ viṣṇurūpa namo’stu te |
rudrarūpa namastubhyaṃ mahākāla namo’stu te || 11 ||
sthāvarāya namastubhyaṃ jaṅgamāya namo namaḥ |
namaḥ sthāvarajaṅgamābhyāṃ śāśvatāya namo namaḥ || 12 ||
huṃ huṃkāra namastubhyaṃ niṣkalāya namo namaḥ |
anādyanta mahākāla nirguṇāya namo namaḥ || 13 ||
prasīda me namo nityaṃ meghavarṇa namo’stu te |
prasīda me maheśāna digvāsāya namo namaḥ || 14 ||
ōṃ hrīṃ māyāswarūpāya saccidānandatejase |
swāhā saṃpūrṇamantrāya so’haṃ haṃsāya te namaḥ || 15 ||
|| phalaśruti ||
ityevaṃ deva devasya mahākālasya bhairavi |
kīrtitaṃ pūjanaṃ samyak sādhakānāṃ sukhāvaham || 16 ||
|| iti śrī mahākāla bhairava stotraṃ saṃpūrṇam ||