Shri Madhurashtakam
adharaṃ madhuraṃ vadanaṃ madhuraṃ
nayanaṃ madhuraṃ hasitaṃ madhuraṃ |
hṛdayaṃ madhuraṃ gamanaṃ madhuraṃ
madhurādhipatērakhilaṃ madhuraṃ || 1 ||
vacanaṃ madhuraṃ caritaṃ madhuraṃ
vasanaṃ madhuraṃ valitaṃ madhuraṃ |
calitaṃ madhuraṃ bhramitaṃ madhuraṃ
madhurādhipatērakhilaṃ madhuraṃ || 2 ||
vēṇurmadhurō rēṇurmadhuraḥ
pāṇirmadhuraḥ pādau madhurau |
nṛtyaṃ madhurṃ sakhyaṃ madhuraṃ
madhurādhipatērakhilaṃ madhuraṃ || 3 ||
gītaṃ madhuraṃ pītaṃ madhuraṃ
bhuktaṃ madhuraṃ suptaṃ madhuraṃ |
rūpaṃ madhuraṃ tilakaṃ madhuraṃ
madhurādhipatērakhilaṃ madhuraṃ || 4 ||
karaṇaṃ madhuraṃ taraṇaṃ madhuraṃ
haraṇaṃ madhuraṃ smaraṇaṃ madhuraṃ |
vamitaṃ madhuraṃ śamitaṃ madhuraṃ
madhurādhipatērakhilaṃ madhuraṃ || 5 ||
guñjā madhurā mālā madhurā
yamunā madhurā vīcī madhurā |
salilaṃ madhuraṃ kamalaṃ madhuraṃ
madhurādhipatērakhilaṃ madhuraṃ || 6 ||
gōpī madhurā līlā madhurā
yuktaṃ madhuraṃ muktaṃ madhuraṃ |
dṛṣṭaṃ madhuraṃ śiṣṭaṃ madhuraṃ
madhurādhipatērakhilaṃ madhuraṃ || 7 ||
gōpā madhurā gāvō madhurā
yaṣṭirmadhurā sṛṣṭirmadhurā |
dalitaṃ madhuraṃ phalitaṃ madhuraṃ
madhurādhipatērakhilaṃ madhuraṃ || 8 ||
iti śrī madhurāṣṭakam ||