śrī lakṣmī kavacam
śukaṃ prati brahmōvāca
mahālakṣmyāḥ pravakṣyāmi kavacaṃ sarvakāmadam |
sarvapāpapraśamanaṃ duṣṭavyādhivināśanam || 1 ||
grahapīḍāpraśamanaṃ grahāriṣṭaprabhañjanam |
duṣṭamṛtyupraśamanaṃ duṣṭadāridryanāśanam || 2 ||
putrapautraprajananaṃ vivāhapradamiṣṭadam |
cōrārihāri japatāmaikhilēpsitadhāyakam || 3 ||
sāvadhānamanā bhūtvā śṛṇu tvaṃ śuka sattama |
anēkajanmasamsiddhilabhyaṃ muktiphalapradam || 4 ||
dhanadhānyamahārājya-sarvasaubhāgyakalpakam |
sakṛtsmaraṇamātrēṇa mahālakṣmīḥ prasīdati || 5 ||
kṣīrābdhimadhyē padmānāṃ kānanē maṇimaṇṭapē |
tanmadhyē susthitāṃ dēvīṃ manīṣijanasēvitām || 6 ||
susnātāṃ puṣpasurabhikuṭilālakabandhanām |
pūrṇēndubimbavadanā-mardhacandralalāṭikām || 7 ||
indīvarēkṣaṇāṃ kāmakōdaṇḍabhruvamīśvarīm |
tilaprasavasampardhināsikālaṅkṛtāṃ śriyam || 8 ||
kundakuṭmaladantāliṃ bandhūkādharapallavām |
darpaṇākāravimalakapōladvitayōjjvalām || 9 ||
ratnatāṭaṅkakalitakarṇadhvitayasundarām |
māṅgalyābharaṇōpētāṃ kambukhaṇṭhīṃ jagatprasūm || 10 ||
tārahārimanōhārikucakumbhavibhūṣitām |
ratnāṅgadādilalitakarapadmacatuṣṭayām || 11 ||
kamalē ca supatrāḍhyē hyabhayaṃ dadhatīṃ varam |
rōmarājikalācārubhugnanābhitālōdarīm || 12 ||
paṭṭavastrasamudbhāsisunitambādilakṣaṇām |
kāñcanastambhavibhrājadvarajānūruśōbhitām || 13 ||
smarakāhalikāgarvahārijaṅghāṃ haripriyām |
kamaṭhīpṛṣṭhasadr̥śapādābjāṃ candrasannibhām || 14 ||
paṅkajōdaralāvaṇyasundarāṅghritalāṃ śriyam |
sarvābharaṇasaṃyuktāṃ sarvalakṣaṇalakṣitām || 15 ||
pitāmahamahāprītāṃ nityatṛptāṃ haripriyām |
nityaṃ kāruṇyalalitāṃ kastūrīlēpitāṅgikām || 16 ||
sarvamantramayāṃ lakṣmīṃ śrutiśāstrasvarūpiṇīm |
parabrahmamayāṃ dēvīṃ padmanābhakuṭumbinīm |
ēvaṃ dhyātvā mahālakṣmīṃ paṭhēttatkavacaṃ param || 17 ||
dhyānam
ēkaṃ nyañcyanatikṣamaṃ mamaparaṃ cākuñcyapādāmbujaṃ
madhyē viṣṭarapuṇḍarīkamabhayaṃ vinyasta hastāmbujaṃ |
tvāṃ paśyēma niṣēduṣīmanukalaṃ kāruṇyakūlaṅkaṣa-
sphārāpāṅgataraṅgamamba madhuraṃ mugdhaṃ mukhaṃ bibhratīm || 18 ||
atha kavacam
mahālakṣmīḥ śiraḥ pātu lalāṭaṃ mama paṅkajā |
karṇē rakṣēdramā pātu nayanē nalinālayā || 19 ||
nāsikāmavatādambā vācaṃ vāgrūpiṇī mama |
dantānavatu jihvāṃ śrīradharōṣṭhaṃ haripriyā || 20 ||
cubukaṃ pātu varadā galaṃ gandharvasēvitā |
vakṣaḥ kukṣiṃ karau pāyuṃ pṛṣṭhamavyādramā svayam || 21 ||
kaṭimūrudvayaṃ jānu jaṅghaṃ pātu ramā mama |
sarvāṅgamindriyaṃ prāṇānpāyādāyāsahāriṇī || 22 ||
saptadhātūnasvayaṃ cāpi raktaṃ śukraṃ manō mama |
jñānaṃ buddhiṃ mahōtsāhaṃ sarvaṃ mē pātu paṅkajā || 23 ||
mayā kr̥taṃ ca yatkiñcittatsarvaṃ pātu sēndirā |
mamāyuravatāllakṣmīḥ bhāryāṃ putrāṃśca putrikā || 24 ||
mitrāṇi pātu satatamakhilāni haripriyā |
pātakaṃ nāśayēllakṣmīḥ mamāriṣṭaṃ harēdramā || 25 ||
mamārināśanārthāya māyāmṛtyuṃ jayēdbalam |
sarvābhīṣṭaṃ tu mē dhadyātpātu māṃ kamalālayā || 26 ||
phalaśrutiḥ
ya idaṃ kavacaṃ dhivyaṃ ramātmā prayataḥ paṭhēt |
sarvasiddhimavāpnōti sarvarakṣāṃ tu śāśvatīm || 27 ||
dīrghāyuṣmānbhavēnnityaṃ sarvasaubhāgyakalpakam |
sarvajñassarvadarśī ca sukhadaśca sukhōjjvalaḥ || 28 ||
suputrō gōpatiḥ śrīmān bhaviṣyati na saṃśayaḥ |
tadgr̥hē na bhavēdbrahman dāridryadhuritādikum || 29 ||
nāgninā dahyatē gēhaṃ na cōrādhyaishca pīḍyatē |
bhūtap r ētap iśācādhyāḥ santrastā yānti dhūrataḥ || 30 ||
likhitvā sthāpayēdh-yatra tatra siddhir-bhavēdh-dhruvam |
nāpamṛtyum-avāpnōti dhēhāntē muktibhāg-bhavēt || 31 ||
āyuṣyaṃ pauṣṭikaṃ mēdhyaṃ dhānyaṃ dussvapnanāśanam |
prajākaraṃ pavitraṃ ca durbhikṣārtivināśanam || 32 ||
cittaprasādajananaṃ mahāmṛtyupraśāntidham |
mahārōgajvaraharaṃ brahmahatyādiśōdhanam || 33 ||
mahādhanapradaṃ caiva paṭhitavyaṃ sukhārthibhiḥ |
dhanārthī dhanamāpnōti vivāhārthī labhēdh-vadhūm || 34 ||
vidyārthī labhatē vidyāṃ putrārthī guṇavatsutam |
rājyārthī rājyamāpnōti satyamuktaṃ mayā śuka || 35 ||
ētaddēvyāḥ prasādēna śukaḥ kavacamāptavān |
kavacānugrahēṇaiva sarvānkāmānavāpa saḥ || 36 ||
iti śukaṃ prati brahmaprōkta śrī lakṣmī kavacam |