śrī lakṣmī gāyatrī mantrastutiḥ
śrīlakṣmīḥ kalyāṇī kamalā kamalālayā patmā |
māmakacētassadhmani hṛtapadmē vasatu viṣṇunā sākam || 1 ||
tatsadhōṃ śrīmiti padaiścaturbhiścatuāramaiḥ |
caturmukhastutā mahyamindirēṣṭaṃ prayacchatu || 2 ||
saccitsukhā trayīmūttissarvapuṇyaphalātmikā |
sarvēśamahiṣī mahyamindirēṣṭaṃ prayacchatu || 3 ||
vidyāvēdāntasiddhāntavivēcanavicārajā |
viṣṇusvarūpiṇī mahyamindirēṣṭaṃ prayacchatu || 4 ||
turīyādhvaitavijñānasid dhisattvasvarūpiṇi |
sarvatatvamayī mahyamindirēṣṭaṃ prayacchatu || 5 ||
varadābhayadāmbhōjādharapāṇicatuṣṭayā |
vāgīśajananī mahyamindirēṣṭaṃ prayacchatu || 6 ||
rēcakaiḥ pūrakaiḥ pūrṇakumbhakaiḥ pūtadēhibhiḥ |
munibhirbhāvitā mahyamindirēṣṭaṃ prayacchatu || 7 ||
ṇītyakṣaramupāsantō yatprasādēna santatiṃ |
kulasyaprāpnuyurmahyamindirēṣṭaṃ prayacchatu || 8 ||
yantramantrakriyāsiddhirūpā sarvasukhātmikā |
yajanādimayī mahyamindirēṣṭaṃ prayacchatu || 9 ||
bhagavatyacyutē viṣṇāvanantē nityavāsinī |
bhagavatyamalāmahyamindirēṣṭaṃ prayacchatu || 10 ||
gōvipravēdasūryāgnigaṅgābilvasuvarṇagā |
sālagrāmamayī mahyamindirēṣṭaṃ prayacchatu || 11 ||
dēvatā dēvatānāñca kṣīrasāgarasambhavā |
kalyāṇī bhārgavī mahyamindirēṣṭaṃ prayacchatu || 12 ||
vakti yō vacasā rityaṃ satyamēva na cānṛtaṃ |
tasmin nyāyamatē mahyamindirēṣṭaṃ prayacchatu || 13 ||
syamantakādi maṇi yō yatprasādāṃśakāṃśakāḥ |
anantavibhavā mahyamindirēṣṭaṃ prayacchatu || 14 ||
dhīrāṇāṃ vyāsavālmīkipūrvāṇāṃ vācakaṃ tapaḥ |
yatprāptiphaladaṃ mahyamindirēṣṭaṃ prayacchatu || 15 ||
mahānubhāvairmunibhirmahābhāgaistapasvibhiḥ |
ārādhya prārthitā mahyamindirēṣṭaṃ prayacchatu || 16 ||
himācalasutāvāṇī sakhyasauhārdalakṣaṇā |
yā mūlaprakṛtirmahyamindirēṣṭaṃ prayacchatu || 17 ||
dhiyā bhaktyā bhiyā vācā tapaśśaucakriyārjavaiḥ |
sadbhissamarcitā mahyamindirēṣṭaṃ prayacchatu || 18 ||
yōgēna karmaṇā bhaktyā śraddhayā śrīssamāpyatē |
satyaśśaucaparairmahyamindirēṣṭaṃ prayacchatu || 19 ||
yōgakṣēmau sukhādīnāṃ puṇyajānāṃ nijārthinē |
dadāti dayayā mahyamindirēṣṭaṃ prayacchatu || 20 ||
manaśśarīrāṇi cētāṃsi karaṇāni sukhāni ca |
yadadhīnāni sā mahyamindirēṣṭaṃ prayacchatu || 21 ||
prajñāmāyurbalaṃ vittaṃ prajāmārōgyamīśatāṃ |
yaśaḥ puṇyaṃ sukhaṃ mahyamindirēṣṭaṃ prayacchatu || 22 ||
cōrārivyālarōgārṇagrahapīḍānivāriṇī |
anītērabhayaṃ mahyamindirēṣṭaṃ prayacchatu || 23 ||
dayāmāśritavātsalyaṃ dākṣiṇyaṃ satyaśīlatā |
nityaṃ yā vahatē mahyamindirēṣṭaṃ prayacchatu || 24 ||
yā dēvyavyājakaruṇā yā jagajjananī ramā |
svatantraśaktiryā mahyamindirēṣṭaṃ prayacchatu || 25 ||
brahmaṇyasubrahmaṇyōktāṃ gāyatryakṣarasammitāṃ |
iṣṭasiddhirbhavēnnityaṃ paṭhatāmindirāstutiṃ || 26 ||
iti śrī lakṣmī gāyatrīstutiḥ sampūrṇam ||