śrī kubēra stōtram
kubērō dhanada śrīdaḥ rājarājō dhanēśvaraḥ |
dhanalakṣmīpriyatamō dhanāḍhyō dhanikapriyaḥ || 1 ||
dākṣiṇyō dharmanirataḥ dayāvantō dhr̥ḍhavrataḥ |
divya lakṣaṇa sampannō dīnārti janarakṣakaḥ || 2 ||
dhānyalakṣmī samārādhyō dhāiryalakṣmī virājitaḥ |
dayārūpō dharmabuddhiḥ dharma saṃrakṣaṇōtsakaḥ || 3 ||
nidhīśvarō nirālambō nidhīnāṃ paripālakaḥ |
niyantā nirguṇākāraḥ niṣkāmō nirupadravaḥ || 4 ||
navanāga samārādhyō navasaṅkhyā pravartakaḥ |
mānyaścāitrarathādhīśaḥ mahāguṇagaṇānvitaḥ || 5 ||
yājñikō yajanāsaktaḥ yajñabhugyajñarakṣakaḥ |
rājacandrō ramādhīśō rañjakō rājapūjitaḥ || 6 ||
vicitravastravēṣāḍhyaḥ viyadgamana mānasaḥ |
vijayō vimalō vandyō vandāru janavatsalaḥ || 7 ||
virūpākṣa priyatamō virāgī viśvatōmukhaḥ |
sarvavyāptō sadānandaḥ sarvaśakti samanvitaḥ || 8 ||
sāmadānaraṭaḥ sāumyaḥ sarvabādhānivārakaḥ |
suprītaḥ sulabhaḥ sōmō sarvakāryadhurandharaḥ || 9 ||
sāmagānapriyaḥ sākṣād-vibhava śrī virājitaḥ |
aśvavāhana samprītō akhilāṇḍa pravartakaḥ || 10 ||
avyayōrcana samprītaḥ amr̥tāsvādana priyaḥ |
alakāpurasaṃvāsī ahaṅkāravivarjitaḥ || 11 ||
udārabuddhiruddāmavaibhavō naravāhanaḥ |
kinnarēśō vaiśravaṇaḥ kālacakrapravartakaḥ || 12 ||
aṣṭalakṣmyā samāyuktaḥ avyaktō'malavigrahaḥ |
lōkārādhyō lōkapālō lōkavandyō sulakṣaṇaḥ || 13 ||
sulabhaḥ subhaghaḥ śuddhō śaṅkarārādhanapriyaḥ |
śāntaḥ śuddhaguṇōpētaḥ śāśvataḥ śuddhavigrahaḥ || 14 ||
sarvāgamajñō sumatiḥ sarvadēvagaṇārcakaḥ |
śaṅkhahastadharaḥ śrīmān paraṃ jyōtiḥ parātparaḥ || 15 ||
śamādiguṇasampannaḥ śaraṇyō dīnavatsalaḥ |
parōpakārī pāpaghnaḥ taruṇādityasannibhaḥ || 16 ||
dāntaḥ sarvaguṇōpētaḥ surēndrasamavaibhavaḥ |
viśvakhātō vītabhayaḥ anantānanta sǎukhyadaḥ || 17 ||
prātaḥ kālē paṭhēt stōtraṃ śucirbhūtvā dinē dinē |
tēna prāpnōti puruṣaḥ śriyaṃ dēvēndrasannibham || 18 ||
iti śrī kubēra stōtram ||