śrī kāḷī aṣṭōttaraśatanāma stōtram
bhāirava uvāca
śatanāma pravakṣyāmi kālikāyā varānanē |
yasya prapaṭhanādvāgmī sarvatra vijayī bhavēt || 1 ||
kāḷī kapālinī kāntā kāmadā kāmasundarī |
kāḷarātriḥ kālikā ca kāḷabhāiravapūjitā || 2 ||
kurukullā kāminī ca kamanīyasvabhāvinī |
kulīnā kulakartrī ca kulavartmaprakāśinī || 3 ||
kastūrīrasanīlā ca kāmyā kāmasvarūpiṇī |
kakāravarṇanilayā kāmadhēnuḥ karālikā || 4 ||
kulakāntā karālāsyā kāmārtā ca kalāvatī |
kr̥śōdarī ca kāmākhyā kāumārī kulapālinī || 5 ||
kulajā kulakanyā ca kulahā kulapūjitā |
kāmēśvarī kāmakāntā kuñjarēśvaragāminī || 6 ||
kāmadātrī kāmahartrī k r̥ṣṇā cāiva kapardinī |
kumudā k r̥ṣṇadēhā ca kālindī kulapūjitā || 7 ||
kāśyapī k r̥ṣṇamātā ca kuliśāṅgī kalā tathā |
krīm-rūpā kulagamyā ca kamalā k r̥ṣṇapūjitā || 8 ||
kr̥śāṅgī kinnarī kartrī kalakaṇṭhī ca kārtikī |
kambukanṭhī kāulinī ca kumudā kāmajīvinī || 9 ||
kulastrī kiīrtikā kr̥tyā kīrtiśca kulapālikā |
kāmadēvakalā kalpalatā kāmāṅgavardhinī || 10 ||
kuntā ca kumudaprītā kadambakusumōtsukā |
kādambinī kamalinī k r̥ṣṇānandapradāyinī || 11 ||
kumārīpūjanaratā kumārīgaṇaśōbhitā |
kumārīrañjanaratā kumārīvratadhāriṇī || 12 ||
kaṅkāḷī kamanīyā ca kāmaśāstraviśāradā |
kapālakhaṭvāṅgadharā kāḷabhāiravarūpiṇī || 13 ||
kōṭarī kōṭarākṣī ca kāśī-kāilāsavāsinī |
kātyāyanī kāryakarī kāvyaśāstrapramōdinī || 14 ||
kāmākarṣaṇarūpā ca kāmapīṭhaniivāsinī |
kaṅkinī kākinī krīḍā kutsitā kalahapriyā || 15 ||
kuṇḍagōḷōdbhavaprāṇā kāuśikī kīrtivardhinī |
kumbhastanī kaṭākṣā ca kāvyā kōkanadaprīyā || 16 ||
kāntāravāsinī kāntiḥ kaṭhinā k r̥ṣṇavallabhā |
iti tē kathitaṃ dēvi guhyādguhyataraṃ param || 17 ||
Phalaśruti
prapaṭhēdya idaṃ nityaṃ kāḷīnāmaśatāṣṭakam | trilōkēṣu dēvēśi tasyā'sādhyaṃ na vidyatē || kālikā tasya gēhē ca saṃsthānaṃ kurutē sadā | vahnimadhyē ca saṅgrāmē tathā prāṇasya saṃśayē | śatāṣṭakaṃ japanmantrī labhatē kṣēmamuttamam ||
iti śrī kāḷī aṣṭōttaraśatanāma stōtram ||