śrī hanumāl-lāṅgūlāstra stōtram
hanumannañjanīsūnō mahābalaparākrama |
lōlallāṅgūlapātēna mamārātīnnipātaya || 1 ||
markaṭādhipa mārtāṇḍamaṇḍalagrāsakāraka |
lōlallāṅgūlapātēna mamārātīnnipātaya || 2 ||
akṣakṣapaṇa piṅgākṣa ditijāsukṣayaṅkara |
lōlallāṅgūlapātēna mamārātīnnipātaya || 3 ||
rudrāvatāra saṃsāraduḥkhabhārāpahāraka |
lōlallāṅgūlapātēna mamārātīnnipātaya || 4 ||
śrīrāmacaraṇāmbhōjamadhupāyitamānasa |
lōlallāṅgūlapātēna mamārātīnnipātaya || 5 ||
vālipramathanaklāntasugrīvōnmōcanaprabhō |
lōlallāṅgūlapātēna mamārātīnnipātaya || 6 ||
sītāvirahavārāśibhagna sītēśatāraka |
lōlallāṅgūlapātēna mamārātīnnipātaya || 7 ||
rakṣōrājapratāpāgnidahyāmānajagad-vana |
lōlallāṅgūlapātēna mamārātīnnipātaya || 8 ||
grastāśēṣajagatsvāsthya rakṣasāmbhōdhimandara |
lōlallāṅgūlapātēna mamārātīnnipātaya || 9 ||
pucchagucchasphuradvīra jagaddagdhāripattana |
lōlallāṅgūlapātēna mamārātīnnipātaya || 10 ||
jaganmanōdurullaṅghyapārāvāravilaṅghana |
lōlallāṅgūlapātēna mamārātīnnipātaya || 11 ||
smr̥tamātrasamastēṣṭapūraka praṇatapriya |
lōlallāṅgūlapātēna mamārātīnnipātaya || 12 ||
rātriñcaratamōrātrikr̥ntanaikavikartana |
lōlallāṅgūlapātēna mamārātīnnipātaya || 13 ||
jānakyā jānakījānēḥ prēmapātra parantapa |
lōlallāṅgūlapātēna mamārātīnnipātaya || 14 ||
bhīmādikamahāvīravīrāvēśāvatāraka |
lōlallāṅgūlapātēna mamārātīnnipātaya || 15 ||
vādēhīvirahaklāntarāmarōṣāikavigraha |
lōlallāṅgūlapātēna mamārātīnnipātaya || 16 ||
vajrāṅganakhadamṣṭrēśa vajrivajrāvaguṇṭhana |
lōlallāṅgūlapātēna mamārātīnnipātaya || 17 ||
akharvagarvagandharvaparvatōdbhedanasvara |
lōlallāṅgūlapātēna mamārātīnnipātaya || 18 ||
lakṣmaṇaprāṇasantrāṇa trātatīkṣṇakarānvaya |
lōlallāṅgūlapātēna mamārātīnnipātaya || 19 ||
rāmādiviprayōgārta bharatādyārtināśana |
lōlallāṅgūlapātēna mamārātīnnipātaya || 20 ||
drōṇācalasamutkṣēpasamutkṣiptārivaibhava |
lōlallāṅgūlapātēna mamārātīnnipātaya || 21 ||
sītāśīrvādasaṃpanna samastāvayavākṣata |
lōlallāṅgūlapātēna mamārātīnnipātaya || 22 ||
ityēvam-aśvattathatālōpavisṭhaḥ
śatruñjayaṃ nāma paṭhētsvayaṃ yaḥ |
sa śīghramēvāsta-samastaśatruḥ
pramōdatē mārūtaja-prasādāt || 23 ||
iti śrī hanumāl-lāṅgūlāstra stōtram ||