śrī hanumadaṣṭakam
śrī raghurājapadābjaniikētana paṅkajalōcana maṅgalarāśē
caṇḍamahābhujadaṇḍasurārivikhaṇḍanapaṇḍita pāhi dayālō |
pātakinam ca samuddhara mām mahatām hi satāmapi mānamudāram
tvām bhajatō mama dēhi dayāghana hē hanuman svapadāmbujadāsyam || 1 ||
samsr̥titāpamahānaladagdhatanūruhamarmatanōrativēlam
putradhanasvajanātmagr̥hādiṣu saktamatēratikilbiṣamūrtēḥ |
kēnacidapyamalēna purākr̥tapuṇyasuputñjalavēna vibhō vai
tvām bhajatō mama dēhi dayāghana hē hanuman svapadāmbujadāsyam || 2 ||
samsr̥tikūpamanalpamaghōranidāghanidānamajasramaśēṣam
prāpya suduḥkhasahasrabhujatṅgaviṣaikasamākulasarvatanōrmē |
ghōramahākr̥paṇāpadamēva gatasya harē patitasya bhavābdhāu
tvām bhajatō mama dēhi dayāghana hē hanuman svapadāmbujadāsyam || 3 ||
samsr̥tisindhuviśālakariālamahābalakālajhaṣagrasanārtam
vyagrasamagradhiyam kr̥paṇam ca mahāmadanakra sucakrahrtāsum |
kālamahārasanōrminipīḍitamuddhara dīnamananyagatim mām
tvām bhajatō mama dēhi dayāghana hē hanumansvapadāmbujadāsyam || 4 ||
samsr̥tighōramahāgahanē caratō maṇirañjitapuṇyasumūrtēḥ
manmathabhīkaraghōramahōgramr̥gapravarārditagātrasusandhēḥ |
matsaratāpaviśēṣanipīḍitabāhyamatēśca kathañcidamēyam
tvām bhajatō mama dēhi dayāghana hē hanumansvapadāmbujadāsyam || 5 ||
samsr̥tivr̥kṣamanēkaśatāghanidānamanantavikarmasuśākham
duḥkhaphalam karaṇādiphalāśamanatṅgasupuṣpamacintyasumūlam |
tam hyadhiruhya harē patitam śaraṇāgatamēva vimōcaya mūḍham
tvām bhajatō mama dēhi dayāghana hē hanumansvapadāmbujadāsyam || 6 ||
samsr̥tipannagavaktrabhayaṅkaradamṣṭramahāviṣadagdhaśariīram
prāṇavinirgamabhītisamākulamanndamanāthamatīva viṣaṇṇam |
mōhamahākuharē patitam dayayōddhara māmajītēndriyakāmam
tvām bhajatō mama dēhi dayāghana hē hanuman svapadāmbujadāsyam || 7 ||
indriyanāmakacāuragaṇāirhr̥tatattvavivēkamahādhanarāśim
samsr̥tijālanipātitamēva mahābalibhiśca vikhaṇḍitakāyam |
tvatpadapadmamanuttamamāśritamāśu kapiīśvara pāhi kr̥pālō
tvām bhajatō mama dēhi dayāghana hē hanumansvapadāmbujadāsyam || 8 ||
brahmamarudgaṇarudramahēndrakiriīṭasukōṭilasatpadapiīṭham
dāśarathim japati kṣitimaṇḍala ēṣa nidhāya sadaiva hrdabjē |
tasya hanūmata ēva śivaṅkaramaṣṭakamētadaniṣṭaharam vai
yaḥ satatam hi paṭhētsa narō labhatē'cyutarāmapadābjānivāsam ||
iti śrī hanumadaṣṭakam sampūrṇam |