śrī gurvaṣṭakam
śarīraṃ surūpaṃ tathā vā kaḷatraṃ
yaśaścāru citraṃ dhanaṃ mērutulyam |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 1 ||
kaḷatraṃ dhanaṃ putrapāutrādi sarvaṃ
gr̥haṃ bāndhavāḥ sarvamētaddhi jātam |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 2 ||
ṣaḍaṅgādivēdō mukhē śāstravidyā
kavitvādi gadyaṃ supadyaṃ karōti |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 3 ||
vidēṣēṣu mānyaḥ svadēṣēṣu dhanyaḥ
sadācāravr̥ttēṣu mattō na cānyaḥ |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 4 ||
kṣamāmaṇḍalē bhūpabhūpālabr̥ndāiḥ
sadā sēvitaṃ yasya pādāravindam |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 5 ||
yaśō mē gataṃ dikṣu dānapratāpā-
jjagadvastu sarvaṃ karē yatprasādāt |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 6 ||
na bhōgē na yōgē na vā vājirājāu
na kāntāmukhē nāiva vittēṣu cittam |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 7 ||
araṇyē na vā svasya gēhē na kāryē
na dēhē manō vartatē mē tvanarghyē |
manaścēnna lagnaṃ gurōraṅghripadmē
tataḥ kiṃ tataḥ kiṃ tataḥ kiṃ tataḥ kim || 8 ||
gurōraṣṭakaṃ yaḥ paṭhētpuṇyadēhī
yatirbhūpatirbrahmacārī ca gēhī |
labhēdvāñchitārthaṃ padaṃ brahmasañjñaṃ
gurōruktavākyē manō yasya lagnam || 9 ||
iti śrī gurvaṣṭakam sampūrṇam ||