Shri Gangadhara Stotram
kṣīrāmbhōnidhimanthanōdbhavaviṣā-tsandahyamānān surān
brahmādīnavalōkya yaḥ karuṇayā hālāhalākhyaṃ viṣam |
niśśaṅkaṃ nijalīlayā kabalayanlōkānrarakṣādarā-
dārtatrāṇaparāyaṇaḥ sa bhagavān gaṅgādharō mē gatiḥ || 1 ||
kṣīraṃ svādu nipīya mātulagṛhē bhuktvā svakīyaṃ gṛhaṃ
kṣīrālābhavāśēna khinnamanasē ghōraṃ tapaḥ kurvatē |
kāruṇyādupamanyavē niravadhiṃ kṣīrāmbudhiṃ dattavā-
nārtatrāṇaparāyaṇaḥ sa bhagavān gaṅgādharō mē gatiḥ || 2 ||
mṛtyuṃ vakṣasi tāḍayannijapadadhyānaikabhaktaṃ muniṃ
mārkaṇḍēyamapālayatkaruṇayā liṅgādvinirgatya yaḥ |
nētrāmbhōjasamarpaṇēna harayē’bhīṣṭaṃ rathāṅgaṃ dadau
ārtatrāṇaparāyaṇaḥ sa bhagavān gaṅgādharō mē gatiḥ || 3 ||
ōḍhuṃ drōṇajayadrathādirathikais-sainyaṃ mahātkauravaṃ
dṛṣṭvā kṛṣṇasahāyavantamapi taṃ bhītaṃ prapannārtihā |
pārthaṃ rakṣitavānamōghaviṣayaṃ divyāstramudbōdhaya-
nnārtatrāṇaparāyaṇaḥ sa bhagవān gaṅgādharō mē gatiḥ || 4 ||
bālaṃ śaivakulōdbhavaṃ parihasatsvajñātipakṣākulaṃ
khidyantaṃ tava mūrdhni puṣpanicayaṃ dātuṃ samudyatkaram |
dṛṣṭvānamya viriñci ramyanagarē pūjāṃ tvadīyāṃ bhaja-
nnārtatrāṇaparāyaṇaḥ sa bhagavān gaṅgādharō mē gatiḥ || 5 ||
santrastēṣu purā surāsurabhayādindrādibṛndārakē-
ṣvārūḍhō dharaṇīrathaṃ śrutihayaṃ kṛtvā murāriṃ śaram |
rakṣanyaḥ kṛpayā samastavibudhān jītvā purārīn kṣaṇā-
dārtatrāṇaparāyaṇaḥ sa bhagavān gaṅgādharō mē gatiḥ || 6 ||
śrautasmārtapathō parāṅmukhamapi prōdyanmahāpātakaṃ
viśvādhīśamapatyamēva gatirityālāpavantaṃ sakṛt |
rakṣanyaḥ kāruṇāpayōnidhirti prāptaprasiddhiḥ purā-
hyārtatrāṇaparāyaṇaḥ sa bhagavān gaṅgādharō mē gatiḥ || 7 ||
gāṅgaṃ vēgamavāpya mānyavibudhaissōḍhuṃ purā yācitō
dṛṣṭvā bhaktabhagīrathēna vinatō rudrō jaṭāmaṇḍalē |
kāruṇyādavanītalē suranadīmāpūrayanpāvanī-
mārtatrāṇaparāyaṇaḥ sa bhagavān gaṅgādharō mē gatiḥ || 8 ||
iti śrīmadappayadīkṣitaviracitaṃ śrī gaṅgādharāṣṭakam |