Sri Ganesha Pancharatnam
mudākarātta mōdakaṃ sadā vimukti sādhakaṃ
kaḷādharāvataṃsakaṃ vilāsilōkarakṣakam |
anāyakaikanāyakaṃ vināśitēbhadaityakaṃ
natāśubhāśunāśakaṃ namāmi taṃ vināyakam || 1 ||
natētarātibhīkaraṃ navōditārkabhāsvaraṃ
namatsurārinirjaraṃ natādhikāpaduddharam |
surēśvaraṃ nidhīśvaraṃ gajēśvaraṃ gaṇēśvaraṃ
mahēśvaraṃ tamāśrayē parātparaṃ nirantaram || 2 ||
samastalōkaśaṅkaraṃ nirastadaityakuñjaraṃ
darētarōdaraṃ varaṃ varēbhavaktramakṣaram |
kṛpākaraṃ kṣamākaraṃ mudākaraṃ yaśaskaraṃ
manaskaraṃ namaskṛtāṃ namaskarōmi bhāsvaram || 3 ||
akiñcanārtimārjanaṃ cirantanōktibhājanaṃ
purāripūrvanandanaṃ surārigarvacarvaṇam |
prapañcanāśabhīṣaṇaṃ dhanañjayādibhūṣaṇaṃ
kapōladānavāraṇaṃ bhajē purāṇavāraṇam || 4 ||
nitāntakāntadantakāntimantakāntakātmajaṃ
acintyarūpamantahīnamantarāyakṛntanam |
hṛdantarē nirantaraṃ vasantamēva yōgināṃ
tamēkadantamēva taṃ vicintayāmi santatam || 5 ||
Phalaśruti:
mahāgaṇēśapañcaratnamādarēṇa yō’nvahaṃ
prajalpati prabhātakē hṛdi smaran gaṇēśvaram |
arōgatāmadōṣatāṃ susāhitīṃ suputratāṃ
samāhitāyuraṣṭabhūtimabhyupaiti sō’cirāt || 6 ||
iti śrī gaṇēśa pañcaratnaṃ sampūrṇam ||