Sri Ganesha Bhujangam
raṇat-kṣudra-ghaṇṭā-ninādābhirāmaṃ
calat-tāṇḍavōddaṇḍavat-padma-tālam |
lasat-tundilāṅgōpari-vyāla-hāraṃ
gaṇādhīśa mīśānasūnuṃ tamīḍē || 1 ||
dhvani-dhvaṃsa-vīṇā-layōllāsi-vaktraṃ
sphuracchuṇḍadaṇḍōllasadh-bījapūram |
galad-darpa-saugandhya-lōlālimālaṃ
gaṇādhīśa mīśānasūnuṃ tamīḍē || 2 ||
prakāśaj-japārakta-ratnaprasūna-
-pravāla-prabhātāruṇa-jyōtirēkam |
pralambōdaraṃ vakratuṇḍaikadantaṃ
gaṇādhīśa mīśānasūnuṃ tamīḍē || 3 ||
vicitra-sphurad-ratnamālā-kirīṭaṃ
kirīṭōllasac-candrarēkhā-vibhūṣam |
vibhūṣaika-bhūṣaṃ bhavadhvaṃsa-hētuṃ
gaṇādhīśa mīśānasūnuṃ tamīḍē || 4 ||
udañcad-bhujā-vallarī-dṛśyamūlō-
-cchalad-bhrūlatā-vibhrama-bhrājadakṣam |
marut-sundarī-cāmaraiḥ sēvyamānaṃ
gaṇādhīśa mīśānasūnuṃ tamīḍē || 5 ||
sphuran-niṣṭhurā-lōla-piṅgākṣi-tāraṃ
kṛpā-kōmalōdāra-līlāvatāram |
kalā-bindugaṃ gīyatē yōgi-varyai-
-rgaṇādhīśa mīśānasūnuṃ tamīḍē || 6 ||
yamēkākṣaraṃ nirmalaṃ nirvikapaṃ
guṇātītam-ānandam-ākāra-śūnyam |
paraṃ pāram-ōṅkāram-āmnāya-garbhaṃ
vadanti pragalbhaṃ purāṇaṃ tamīḍē || 7 ||
cidānanda-sāndrāya śāntāya tubhyaṃ
namō viśva-kartrē ca hartrē ca tubhyam |
namō’nanta-līlāya kaivalya-bhāsē
namō viśvabīja prasīdēśasūnō || 8 ||
Phalashruti:
imaṃ sustavaṃ prātaro-tthāya bhaktyā
paṭhēdyastu martyō labhēt-sarvakāmān |
gaṇēśa-prasādēna sidhyanti vācō
gaṇēśē vibhau durlabhaṃ kiṃ prasannē || 9 ||
iti śrīmac-chaṅkarācārya kṛta śrī gaṇēśa bhujaṅgam |