Sri Gananayakashtakam
ēkadantaṃ mahākāyaṃ taptakāñcanasannibham |
lambōdaraṃ viśālākṣaṃ vandēhaṃ gaṇanāyakam || 1 ||
mauñjīkṛṣṇājinadharaṃ nāgayajñōpavītinam |
bālēndusukalāmauliṃ vandēhaṃ gaṇanāyakam || 2 ||
ambikāhṛdayānandaṃ mātṛbhiḥ parivēṣṭitam |
bhaktapriyaṃ madōnmattaṃ vandēhaṃ gaṇanāyakam || 3 ||
citraratnavicitrāṅgaṃ citramālāvibhūṣitam |
citrarūpadharaṃ dēvaṃ vandēhaṃ gaṇanāyakam || 4 ||
gajavaktraṃ suraśrēṣṭhaṃ karṇacāmarabhūṣitam |
pāśāṅkuśadharaṃ dēvaṃ vandēhaṃ gaṇanāyakam || 5 ||
mūṣakōttamamāruhya dēvāsuramahāhavē |
yōddhukāmaṃ mahāvīryaṃ vandēhaṃ gaṇanāyakam || 6 ||
yakṣakinnaradhāndharvasiddhavidyādharaiḥ sadā |
stūyamānaṃ mahābāhuṃ vandēhaṃ gaṇanāyakam || 7 ||
sarvavighnaharaṃ dēvaṃ sarvavighnavivarjitam |
sarvasiddhipradātāraṃ vandēhaṃ gaṇanāyakam || 8 ||
Phalaśruti:
gaṇāṣṭakamidaṃ puṇyaṃ yaḥ paṭhētsatataṃ naraḥ |
sidhyanti sarvakāryāṇi vidyāvān dhanavān bhavēt || 9 ||
iti śrī gaṇanāyakaṣṭakaṃ sampūrṇam |