śrī durgā āpaduddhāraka stōtram
namastē śaraṇyē śivē sānukampē
namastē jagadvyāpikē viśvarūpē |
namastē jagadvandya pādāravindē
namastē jagattāriṇi trāhi durgē || 1 ||
namastē jagaccintya mānasvarūpē
namastē mahāyōgi vijñānarūpē |
namastē namastē sadānanda rūpē
namastē jagattāriṇi trāhi durgē || 2 ||
anāthasya dīnasya tṛṣṇāturasya
bhayārtasya bhītasya baddhasya jantōḥ |
tvamēkā gatirdēvi nistārakartrī
namastē jagattāriṇi trāhi durgē || 3 ||
araṇyē raṇē dāruṇē śatrumadhyē
analē sāgarē prāntarē rāja gēhē
tvam ēkā gati rdēvi nistāra nāukā
namastē jagattāriṇī trāhi durgē || 4 ||
apārē mahadustarē'tyanta ghōrē
vipatsāgarē majjatāṃ dēbhabhājām |
tvam ēkā gati rdēvī nistāra hētur
namastē jagattāriṇi trāhi durgē || 5 ||
namascaṇḍikē caṇḍa durdaṇḍa līlā
samut khaṇḍitākaṇḍitā śēṣa śatrō
tvam ēkā gati rdēvi vinistāra bījaṃ
namastē jagattāriṇi trāhi durgē || 6 ||
tvamēkā sadārādhitā satyavādiny-anēkākhilā krōdhanā krōdhaniṣṭhā |
iḍā piṅgalā tvaṃ suṣumnā ca nāḍī
namastē jagattāriṇi trāhi durgē || 7 ||
namō dēvi durgē śivē bhīmanādē
sarasvaty-arundhatyamōgha svarūpē
vibhūtiḥ satāṃ kāḷarātrīḥ satī tvaṃ
namastē jagattāriṇi trāhi durgē || 8 ||
śaraṇamasi surāṇāṃ siddhavidyādharāṇāṃ
muni manuja paśūnāṃ dasyubhirstrāsitānām
n r̥pati g r̥ha gatānāṃ vyādhibhiḥ pīḍitānām
tvamasi śaraṇamēkā dēvi durgē prasīda || 9 ||
|| iti siddhēśvaratantrē haragāurīsaṃvādē āpaduddhārāṣṭaka stōtraṃ sampūrṇam ||