Shri Ardhanarishvarashtakam
ambhōdharaśyāmalakuntalāyai
taṭitprabhātāmrajaṭādharāya |
nirīśvarāyai nikhilēśvarāya
namaḥ śivāyai ca namaḥ śivāya || 1 ||
pradīptaratnōjjvalakuṇḍalāyai
sphuranmahāpannagabhūṣaṇāya |
śivapriyāyai ca śivapriyāya
namaḥ śivāyai ca namaḥ śivāya || 2 ||
mandāramālākalityālakāyai
kapālamālāṅkitakandharāya |
divyāmbarāyai ca digambarāya
namaḥ śivāyai ca namaḥ śivāya || 3 ||
kastūrikākuṅkumalēpanāyai
śmaśānabhasmāṅgavilēpanāya |
kṛtasmarāyai vikṛtasmarāya
namaḥ śivāyai ca namaḥ śivāya || 4 ||
pādāravindārpitahamsakāyai
pādābjārājatphaṇinūpurāya |
kalāmayāyai vikalāmayāya
namaḥ śivāyai ca namaḥ śivāya || 5 ||
prapañcasṛṣṭyunmukhalāsyakāyai
samastasaṃhārakatāṇḍavāya |
samēkṣaṇāyai viṣamēkṣaṇāya
namaḥ śivāyai ca namaḥ śivāya || 6 ||
praphullanīlōtpalalōcanāyai
vikāsapaṅkēruhalōcanāya |
jagajjananyai jagadēkapatrē
namaḥ śivāyai ca namaḥ śivāya || 7 ||
antar-bahiś-cōrdhva-madhaśca madhyē
puraśca paścācca vidikṣu dikṣu |
sarvaṃ gatāyai sakalaṃ gatāya
namaḥ śivāyai ca namaḥ śivāya || 8 ||
upamanyukṛtaṃ stōtramardhanārīśvarāhvayam |
yaḥ paṭhēcchr̥ṇuyādvāpi śivalōkē mahīyatē || 9 ||
iti śrī upamanyuviracitaṃ ardhanārīśvarāṣṭakam ||