śrī āñjanēya stōtram
mahēśvara uvāca |
śr̥ṇu dēvi pravakṣyāmi stōtraṃ sarvabhayāpaham |
sarvakāmapradaṃ nr̥̄ṇāṃ hanūmat stōtramuttamam || 1 ||
taptakāñcanasaṅkāśaṃ nānāratnavibhūṣitaṃ |
udyadbālārkavadanaṃ trinētraṃ kuṇḍalōjjvalam || 2 ||
māuñjīkāupīnasaṃyuktaṃ hēmayajñōpavītinaṃ |
piṅgālakṣaṃ mahākāyaṃ ṭaṅkaśāilēndradhāriṇam || 3 ||
śikhānikṣiptavālāgraṃ mēruśāilāgrasaṃsthitam |
mūrtitrayātmakaṃ pīnaṃ mahāvīraṃ mahāhanum || 4 ||
hanumantaṃ vāyuputraṃ namāmi brahmacāriṇam |
trimūrtyātmakamātmasthaṃ japākusumasannibham || 5 ||
nānābhūṣaṇasaṃyuktaṃ āñjanēyaṃ namāmyaham |
pañcākṣarasthitaṃ dēvaṃ nīlanīradasannibham || 6 ||
pūjitaṃ sarvadēvāiśca rākṣasāntaṃ namāmyaham |
acaladyutisaṅkāśaṃ sarvālaṅkārabhūṣitam || 7 ||
ṣaḍakṣarasthitaṃ dēvaṃ namāmi kapināyakam |
taptasvarṇamayaṃ dēvaṃ haridrābhaṃ surārcitam || 8 ||
sundaraṃ sābjayananaṃ trinētraṃ taṃ namāmyaham |
aṣṭākṣarādhipaṃ dēvaṃ hīravarṇasamujjvalam || 9 ||
namāmi janatāvandyaṃ lankāprāsādabhañjanam |
atasīpuṣpasaṅkāśaṃ daśavarṇātmakaṃ vibhum || 10 ||
jaṭādharaṃ caturbāhuṃ namāmi kapināyakam |
dvādaśākṣaramantrasya nāyakaṃ kuntadhāriṇam || 11 ||
aṅkuśaṃ ca dadhānaṃ ca kapivīraṃ namāmyaham |
trayōdaśākṣarayutaṃ sītāduḳkhanivāriṇam || 12 ||
pītavarṇaṃ lasatkāyaṃ bhajē sugrīvamantriṇam |
mālāmāntrātmaṃ dēvaṃ citravarṇaṃ caturbhujam || 13 ||
pāśāṅkuśābhayakaraṃ dhr̥taṭaṅkaṃ namāmyaham |
surāsuragaṇāiḥ sarvāiḥ saṃstutaṃ praṇamāmyaham || 14 ||
ēvaṃ dhyāyēnnarō nityaṃ sarvapāpāiḥ pramucyatē |
prāpnōti cintitaṃ kāryaṃ śīghramēva na saṃśayaḥ || 15 ||
aṣṭamyāṃ vā caturdaśyā markavārē viśēṣataḥ
sandhyā pūjāṃ prakurvīta dvādaśyāñca viśēṣataḥ || 16 ||
arkamūlēna kurvīta hanumatpritimāṃ sudhīḥ
pūjayēt tatra vidvān yō raktavastrēṇa vēṣṭayēt || 17 ||
brāhmaṇān bhōjayēt paścāt tātprītyāi sarvakāmadām
yaḥ karōti narō bhaktyā pūjāṃ hanumata sudhīḥ
na śastra bhaya māpnōti bhayaṃ vā pyantarikṣajam || 18 ||
akṣādi rākṣasahāraṃ daśakaṇṭha darpa nirmūlanaṃ raghuvarāṅghrī sarōjabhaktam
sītā viṣahya ghana duḥkha nivārakaṃ taṃ vāyō ssutaṃ gilita bhānu mahaṃ namāmi || 19 ||
māṃ paśya paśya hanumān nijadr̥ṣṭi pātāiḥ
māṃ rakṣa rakṣa paritō ripu duḥkha puñjāt |
vaśyāṃ kuru trijagatīṃ vasudhādhipānāṃ
mē dēhi dēhi mahatīṃ visudhāṃ śriyaṃ ca || 20 ||
apadbhyō rakṣa sarvatra āñjanēya namōstutē
bandhanaṃ chēdayājasraṃ kapivīra namōstutē || 21 ||
duṣṭa rōgān hana hana rāmamānta namōstutē
uccāṭaya rapū ssarvān mōhanaṃ kuru bhūbhujam || 22 ||
vidvēṣiṇō māraya tvaṃ trimūrtyātmaka sarvadā
sañjīva parvatōddhāra manōduḥkha nivāraya || 23 ||
ghōrā nupadravān sarvān nāśayākṣāsurāntaka
ēvaṃ stutyāt hanūmantaṃ naraḥ śraddhā samanvitaḥ || 24 ||
ityumā saṃhitāyāṃ śrī āñjanēya stōtram ||