Shivananda Lahari
kalābhyāṃ cūḍālaṅkṛtaśaśikalābhyāṃ nijatapaḥ-
phalābhyāṃ bhaktēṣu prakaṭitaphalābhyāṃ bhavatu mē |
śivābhyāmastōkatribhuvanaśivābhyāṃ hṛdi puna-
-rbhavābhyāmānandasphuradanubhavābhyāṃ natiriyam || 1 ||
2. galantī śambhō tvaccarita-saritaḥ kilbiṣarajō dalantī dhīkulyāsaraṇiṣu patantī vijayatām | diśantī saṃsārabharamaṇaparitāpōpaśamanaṃ vasantī maccētōhradabhuvi śivānandalaharī ||
3. trayīvēdyaṃ hṛdyaṃ tripuraharamādyaṃ trinayanaṃ jaṭābhārōdāraṃ caladuragahāraṃ mṛgadharam | mahādēvaṃ dēvaṃ mayi sadayabhāvaṃ paśupatiṃ cidālambaṃ sāmbaṃ śivamativiḍambaṃ hṛdi bhajē ||
4. sahasraṃ vartantē jagati vibudhāḥ kṣudraphaladā na manyē svapnē vā tadanusaraṇaṃ tatkṛtaphalam | haribrahmādīnāmapi nikaṭabhājāmasulabhaṃ ciraṃ yācē śambhō tava padāmbhōjabhajanam ||
5. smṛtau śāstrē vaidyē śakunakavitāgānaphaṇitau purāṇē mantrē vā stutinaṭanahāsyēṣvacaturaḥ | kathaṃ rājñāṃ prītirbhavati mayi kō’haṃ paśupatē paśuṃ māṃ sarvajña prathita kṛpayā pālaya vibhō ||
6. ghaṭō vā mṛtpiṇḍō’pyāṇurapi ca dhūmō’gniracalaḥ paṭō vā tanturvā pariharati kiṃ ghōraśamanam | vṛthā kaṇṭhakṣōbhaṃ vahasī tarasā tarkavacasa padāmbhōjaṃ śambhōrbhaja paramasaukhyaṃ vraja sudhīḥ ||
7. manastē pādābjē nivasatu vacaḥ stōtraphaṇitau karau cābhyarcāyāṃ śrutirapi kathākarṇanavidhau | tava dhyānē buddhirnayanayugalaṃ mūrtivibhavē paragranthāṅkairvā paramaśiva jānē parāmataḥ ||
8. yathā buddhiḥ śuktau rajatamiti kācāśmani maṇirjalē paiṣṭē kṣīraṃ bhavati mṛgatṛṣṇāsu salilam | tathā dēvabhrāntyā bhajati bhavadanyaṃ jaḍajanō mahādēvēśaṃ tvāṃ manasi ca na matvā paśupatē ||
9. gabhīrē kāsārē viśati vijanē ghōravipinē viśālē śailē ca bhramati kusumārtthaṃ jaḍamatiḥ | samārpyāikaṃ cētaḥ-sarasijamumānātha bhavatē sukhēnāvasthātuṃ jana iha na jānāti kimahō ||
10. naratvaṃ dēvatvaṃ nagavanamṛgatvaṃ maśakatā paśutvaṃ kīṭatvaṃ bhavatu vihagatvādi jananam | sadā tvatpādābja-smaraṇaparamānandalaharī-vihārāsaktaṃ cēddhṛdayamiha kiṃ tēna vapuṣā ||
11. vaṭurvā gēhī vā yatirapi jaṭī vā taditarō narō vā yaḥ kaścidbhavatu bhava kiṃ tēna bhavati | yadīyaṃ hṛtpadmaṃ yadi bhavadadhīnaṃ paśupatē tadīyastvaṃ śambhō bhavasi bhavabhāraṃ ca vahasi ||
12. guhāyāṃ gēhē vā bahirapi vanē vā’driśikharē jalē vā vahnau vā vasatu vasatēḥ kiṃ vada phalam | sadā yasyaivāntaḥkaraṇamapi śambhō tava padē sthitaṃ cēdyōgō’sau sa ca paramayōgī sa ca sukhī ||
13. asārē saṃsārē nijabhajanadūrē jaḍadhiyā bhramantaṃ māmandhaṃ parama-kṛpayā pātumucitam | madanyaḥ kō dīnastava kṛpaṇarakṣātinipuṇastvadanyaḥ kō vā mē trijagati śaraṇyaḥ paśupatē ||
14. prabhustvaṃ dīnānāṃ khalu paramabandhuḥ paśupatē pramukhyō’haṃ tēṣāmapi kimuta bandhutvamanayōḥ | tvayaiva kṣantavyāḥ śiva madaparādhāśca sakalāḥ prayatnātkartavyaṃ madavanamīyaṃ bandhusaraṇiḥ ||
15. upēkṣā nō cētkiṃ na harasi bhavaddhyānavimukhāṃ durāśābhūyiṣṭhāṃ vidhilipimaśaktō yadi bhavān | śirastadvai-dhātraṃ na nakhalu suvṛttaṃ paśupatē kathaṃ vā niryatnaṃ karanakhamukhēnaiva lulitam ||
16. viriñcirdīrghāyurbhavatu bhavatā tatparaśiraścatuskaṃ saṃrakṣyaṃ sa khalu bhuvi dainyaṃ likhitavān | vicāraḥ kō vā māṃ viśada kṛpayā pāti śiva tē kaṭākṣavyāpāraḥ svayamapi ca dīnāvanaparaḥ ||
17. phalādvā puṇyānāṃ mayi karuṇayā vā tvayi vibhō prasannē’pi svāmin bhavadamalapādābjayugalam | kathaṃ paśyēyaṃ māṃ sthagayati namaḥ sambhramajuṣāṃ nilimpānāṃ śrēṇirnijakanakamāṇikyamakuṭaiḥ ||
18. tvamēkō lōkānāṃ paramaphaladō divyapadavīṃ vahantastvanmūlāṃ punarapi bhajantē harimukhāḥ | kiyadvā dākṣiṇyaṃ tava śiva madāśā ca kiyatī kadā vā madrakṣāṃ vahasi karuṇāpūritadṛśā ||
19. durāśābhūyiṣṭhē duradhipagṛhadvāraghaṭakē durantē saṃsārē duritanilayē duḥkhajanakē | madāyāsaṃ kiṃ na vyapanayasi kasyōpakṛtayē vadēyaṃ prītiścēttava śiva kṛtārtthāḥ khalu vayam ||
20. sadā mōhāṭavyāṃ carati yuvatīnāṃ kucagirau naṭatyāśāśākhāsvaṭati jhaṭiti svairāmabhitaḥ | kapālin bhikṣō mē hṛdayakapimatyantacapalaṃ dṛḍhaṃ bhaktyā baddhvā śiva bhavadadhīnaṃ kuru vibhō ||
21. dhṛtistambhādhārāṃ dṛḍhaguṇanibaddhāṃ sagamanāṃ vicitrāṃ padmāḍhyāṃ pratidivasa-sanmārgaghaṭitām | smarārē maccētaḥ-sphuṭapaṭakuṭīṃ prāpya viśadaṃ jaya svāmin śaktyā saha śivagaṇaiḥ sēvita vibhō ||
22. pralōbhādyairarthāharaṇaparatantrō dhanigṛhē pravēśōdyuktaḥ sanbhramati bahudhā taskarapatē | imaṃ cētaścōraṃ kathamīha sahē śaṅkara vibhō tavādhīnaṃ kṛtvā mayi niraparādhē kuru kṛpām ||
23. karōmi tvatpūjāṃ sapadi sukhadō mē bhava vibhō vidhitvaṃ viṣṇutvaṃ diśasi khalu tasyāḥ phalamiti | punaśca tvāṃ draṣṭuṃ divi bhuvi vahan pakṣimṛgatāmadṛṣṭvā tatkhēdaṃ kathamīha sahē śaṅkara vibhō ||
24. kadā vā kailāsē kanakamāṇisaudhē sahagaṇairvasan śambhōragrē sphuṭaghaṭita-mūrdhāñjalipuṭaḥ | vibhō sāmba svāminparamaśiva pāhīti nigadan-vidhātṝṇāṃ kalpān kṣaṇamiva vinēṣyāmi sukhataḥ ||
25. stavairbrahmādīnāṃ jayajayavacōbhirniyamināṃ gaṇānāṃ kēḷībhir-madakalamahōkṣasya kakudi | sthitaṃ nీlagrīvaṃ trinayanamumāśliṣṭavapuṣaṃ kadā tvāṃ paśyēyaṃ karadhṛtamṛgaṃ khaṇḍaparaśum ||
26. kadā vā tvāṃ dṛṣṭvā giriśa tava bhavyāṅghriyugalaṃ gṛhītvā hastābhyāṃ śirasi nayanē vakṣasi vahan | samāśliṣyāghrāya sphuṭajalajagandhānparimalā-nalābhyāṃ brahmādyairmudamanubhavaiṣyāmi hṛdayē ||
27. karasthē hēmādrau giriśa nikaṭasthē dhanapatau gṛhasthē svarbhūjā’marasurabhicintāmaṇigaṇē | śirasthē śītāṃśau caraṇayugalasthē’khilaśubhē kamartthaṃ dāsyē’haṃ bhavatu bhavadartthaṃ mama manaḥ ||
28. sārūpyaṃ tava pūjanē śiva mahādēvēti saṅkīrtanē sāmīpyaṃ śivabhaktidhuryajanatā-sāṅgatyasambhāṣaṇē | sālōkyaṃ ca carācarātmakatanudhyānē bhavānīpatē sāyujyaṃ mama siddhamatra bhavati svāminkṛtārtthō’smyaham ||
29. tvatpādāmbujamarcyāmi paramaṃ tvāṃ cintayāmyanvahaṃ tvāmīśaṃ śaraṇaṃ vrajāmi vacasā tvāmēva yācē vibhō | vīkṣāṃ mē diśa cākṣuṣīṃ sakaruṇāṃ divyaiścirāṃ prārthితāṃ śambhō lōkagurō madīyamanasaḥ saukhyōpadēśaṃ kuru ||
30. vastrōddhūtavidhau sahasrakaratā puṣpārcanē viṣṇutā gandhē gandhavahātmatā’nnapacanē barhirmukhādhyakṣatā | pātrē kāñcanagarbhatāsti mayi cēdbālēnducūḍāmaṇē śuśrūṣāṃ karavāṇi tē paśupatē svāmiṃstrilōkīgurō ||
31. nālaṃ vā paramōpakārakamidaṃ tvēkaṃ paśūnāṃ patē paśyankukṣigatāṃścarācaragaṇānbāhyasthitānrakṣitum | sarvāmartyapalāyanauṣadhamatijvālākāraṃ bhīkaraṃ nikṣiptaṃ garaḷaṃ gaḷē na giḷitaṃ nōdgīrṇamēva tvaya ||
32. jvālōgraḥ sakalāmarātibhayadaḥ kṣvēḷaḥ kathaṃ vā tvaya dṛṣṭaḥ kiṃ ca karē dhṛtaḥ karatalē kiṃ pakvajambūphalam | jihvāyāṃ nihitaśca siddhaghūṭikā vā kaṇṭhadēśē bhṛtaḥ kiṃ tē nīlamaṇirvibhūṣaṇamayaṃ śambhō mahātmanvada ||
33. nālaṃ vā sakṛ dēva dēva bhavataḥ sēvā natirvā nutiḥ pūjā vā smaraṇaṃ కథాśravaṇamapyālōkanaṃ mādṛśām | svāminnasthiradēvatānusaraṇāyāsēna kiṃ labhyatē kā vā muktiritaḥ kutō bhavati cētkiṃ prārthanīyaṃ tadā ||
34. kiṃ brūmastava sāhasaṃ paśupatē kasyāsti śambhō bhava-ddhairyaṃ cēdṛśamātmanaḥ sthitiriyaṃ cānyaiḥ kathaṃ labhyatē | bhraśyaddēvagaṇaṃ trasanmunigaṇaṃ naśyatprapañcaṃ layaṃ paśyannirbhaya ēka ēva viharatyānandasāndrō bhavān ||
35. yōgakṣēmadhuraṃdharasya sakalaśrēyaḥpradōdyōginō dṛṣṭādṛṣṭamatōpadēśakṛtinō bāhyāntavyāpinaḥ | sarvajñasya dayākarasya bhavataḥ kiṃ vēditavyaṃ mayā śambhō tvaṃ paramāntaraṅga iti mē cittē smāramyanvaham ||
36. bhaktō bhaktiguṇāvṛtē mudamṛtāpūrṇē prasannē manaḥ kumbhē sāmba tavāṅghripallavayugaṃ saṃsthāpya saṃvitphalam | satvaṃ mantramudīrayannijaśarīrāgāraśuddhiṃ vaha-npuṇyāhaṃ prakaṭīkarōmi ruciraṃ kalyāṇamāpādayan ||
37. āmnāyāmbudhimādarēṇa sumanahsaṅghāḥ samudyanmanō manthānaṃ dṛḍhabhaktirajju-sahitaṃ kṛtvā mathitvā tataḥ | sōmaṃ kalpataruṃ suparvasurabhiṃ cintāmaṇiṃ dhīmatāṃ nityānandasudhāṃ nirantararamā-saubhāgyamātanvatē ||
38. prākpuṇyācalamārgadarśitasudhāmūrtiḥ prasannaḥ śivaḥ sōmaḥ sadguṇasēvitō mṛgadharaḥ pūrṇastamōmōcakaḥ | cētaḥ puṣkaralakṣitō bhavati cēdānandapāthōnidhiḥ prāgalbhyēna vijṛmbhatē sumanasāṃ vṛttistadā jāyatē ||
39. dharmō mē caturaṅghrikaḥ sucaritaḥ pāpaṃ vināśaṃ gataṃ kāmakrōdhamadādayō vigaḷitāḥ kālāḥ sukhāviṣkṛtāḥ | jñānānandamahauṣadhiḥ suphalitā kaivalyanāthē sadā mānyē mānasapuṇḍarīkanagarē rājāvataṃsē sthitē ||
40. dhīyantrēṇa vacōghaṭēna kavitākulyōpakulyākramairānītaiśca sadāśivasya caritāmbhōrāśidivyāmṛtaiḥ | hṛtkēdārayutāśca bhaktikalamāḥ sāphalyamātanvatē durbhikṣānmama sēvakasya bhagavanviśvēśa bhītiḥ kutaḥ ||
41. pāpōtpātavimōcanāya ruciraiśvaryāya mṛtyuñjaya stōtradhyānanatipradakṣiṇasaparyā-lōkanākarṇanē | jihvācittaśirōṅghrihastanayanaśrōtrairahāṃ prārthitō māmājñāpaya tannirūpaya muhurmāmēva mā mē’vacaḥ ||
42. gāmbhīryaṃ parikhāpadaṃ ghanadhṛtiḥ prākāra udyadguṇa-stōmaścāptabalaṃ ghanēndriyacayō dvārāṇi dēhē sthitaḥ | vidyāvastusamṛddhirityakhilasāmagrīsamētē sadā durgātipriyadēva māmakamanōdurgē nivāsaṃ kuru ||
43. mā gaccha tvamītastatō giriśa bhō mayyēva vāsaṃ kuru svāminnādikirāta māmakamanaḥ-kāntārasīmāntarē | vartantē bahuśō mṛగā madajuṣō mātsaryamōhādayastānhantvā mṛgayāvinōdarucitālābhaṃ ca saṃprāpsyasi ||
44. karalagnamṛgaḥ karīndrabhaṅgō ghanaśārdūlavikhaṇḍanō’stajantuḥ | giriśō viśadākṛtiśca cētaḥ kuharē pañcamukhōsti mē kutō bhīḥ ||
45. chandaḥśākhiśikhānvitair-dvijavaraiḥ saṃsēvitē śāśvatē saukhyāpādini khēdabhēdini sudhāsāraiḥ phalaidīpitē | cētaḥ-pakṣiśikhāmaṇē tyaja vṛthāsañcāramanyairalaṃ nityaṃ śaṅkarapādapadmayugalīnīḍē vihāraṃ kuru ||
46. ākīrṇē nakharājikāntivibhavairudyat-sudhāvibhavairādhautē’pi ca padmarāgalalitē haṃsavrajairāśritē | nityaṃ bhaktivadhūgaṇaiśca rahasi svēcchāvihāraṃ kuru sthitvā mānasa-rājahamsa girijānāthāṅghrisaudhāntarē ||
47. śambhūdhyānavasantasaṅgini hṛdārāmē’ghajīrṇacchadāḥ srastā bhaktilatācchaṭā vilasitāḥ puṇyapravālaśritāḥ | dīpyantē guṇakōrakā japavacaḥpuṣpāṇi sadvāsanā jñānānandasudhāmarandalaharī saṃvitphalābhyunnatiḥ ||
48. nityānandarasālayaṃ suramunisvāntāmbujātāśrayaṃ svacchaṃ saddvijasēvitaṃ kaluṣahṛt-sadvāsanāviṣkṛtam | śambhūdhyānasarōvaraṃ vraja manōhaṃsāvataṃsa sthiraṃ kiṃ kṣudrāśrayapalvalabhramaṇasañjātaśramaṃ prāpsyasi ||
49. ānandāmṛtapūritā harapādāmbhōjālavālōdyatā sthairyōpaghnamupētya bhaktilatikā śākhōpaśākhānvitā | ucchairmānasakāyamānapaṭalīmākramya niṣkalmaṣā nityābhīṣṭaphalapradā bhavatu mē satkarmasaṃvardhitā ||
50. saṃdhyārambhavijṛmbhitaṃ śrutiśiraḥ-sthānāntarādhiṣṭhitaṃ saprēmabhramarābhirāmamasakṛt-sadvāsanāśōbhitam | bhōgīndrābharaṇaṃ samastasumanahpūjyaṃ guṇāviṣkṛtaṃ sēvē śrīgirimallikārjunamahāliṅgaṃ śivāliṅgitam ||
51. bhṛṅgīccānatanōtkaṭaḥ karamadigrāhī sphuranmādhavā-hlādō nādayutō mahāsitavapuḥ pañcēṣuṇā cādṛtaḥ | satpakṣaḥ sumanōvanēṣu sa punaḥ sākṣānmadīyē manōrājīvē bhramarādhipō viharatāṃ śrīśailavāsī vibhuḥ ||
52. kāruṇyāmṛtavarṣiṇaṃ ghanavipad-grīṣmacchidākarmaṭhaṃ vidyāsasyaphalōdayāya sumanah-saṃsēvyamicchākṛtim | nṛtyadbhaktamayūramadrinilayaṃ cañcajjaṭāmaṇḍalaṃ śambhō vāñchati nīlakandhara sadā tvāṃ mē manaścātakaḥ ||
53. ākāśēna śikhī samastaphaṇināṃ nētrā kalāpī natā-nugrāhipraṇavōpadēśaninadaiḥ kēkīti yō gīyatē | śyāmāṃ śailasamudbhavāṃ ghanaruciṃ dṛṣṭvā naṭantaṃ mudā vēdāntōpavanē vihārarasikaṃ taṃ nīlakaṇṭhaṃ bhajē ||
54. saṃdhyāgharmadinātyayō harikarāghātapra-bhūtānakadhvānō vāridagarjitaṃ diviṣadāṃ dṛṣṭicchaṭā cañcalā | bhaktānāṃ paritōṣabāṣpavatitirvṛṣṭirmayūrī śivā yasminnujjvalatāṇḍavaṃ vijayatē taṃ nīlakaṇṭhaṃ bhajē ||
55. ādyāyāmitatējasē śrutipadairvēdyāya sādhyāya tē vidyānandamayātmanē trijagataḥ saṃrakṣaṇōdyōginē | dhyēyāyākhilayōgibhiḥ suragaṇairgēyāya māyāvinē samyaktāṇḍavasaṃbhramāya jaṭinē sēyaṃ natiḥ śambhāvē ||
56. nityāya triguṇātmanē purajitē kātyāyanīśrēyasē satyāyādikuṭumbinē munimanah pratyakṣacinmūrtayē | māyāsṛṣṭajagattrayāya sakalāmnāyānta-sañcāriṇē sāyantāṇḍavasaṃbhramāya jaṭinē sēyaṃ natiḥ śambhāvē ||
57. nityaṃ svōdarapōṣaṇāya sakalānuddiśya vittāśayā vyartthaṃ paryaṭanaṃ karōmi bhavataḥ sēvāṃ na jānē vibhō | majjanmāntarapuṇyapākabalatastvaṃ śarva sarvāntara-stiṣṭhasyēva hi tēna vā paśupatē tē rakṣanīyō’smyaham ||
58. ēkō vārijabāndhavaḥ kṣitinabhōvyāptaṃ tamōmaṇḍalaṃ bhittvā lōcanagōcarō’pi bhavati tvaṃ kōṭisūryaprabhaḥ | vēdyaḥ kiṃ na bhavasyahō ghanataraṃ kīdṛgbhavēnmattama-stattat-sarvaṃ vyapanīya mē paśupatē sākṣātprasannō bhava ||
59. hamsaḥ padmavanaṃ samicchati yathā nīlāmbudaṃ cātakaḥ kōkaḥ kōkanadapriyaṃ pratidinaṃ candraṃ cakōrastathā | cētō vāñchati māmakaṃ paśupatē cinmārgamṛgyaṃ vibhō gaurīnātha bhavatpādābjayugalaṃ kaivalyasaukhyapradam ||
60. rōdhastōyahṛtaḥ śramēṇa pathika-ścāyāṃ tarōrvṛṣṭitō bhītaḥ svasthagṛhaṃ gṛhasthamatithirdīnaḥ prabhuṃ dhārtmikam | dīpaṃ saṃtamasākulaśca śikhinaṃ śītāvṛtastvaṃ tathā cētaḥ sarvabhayāpahaṃ vraja sukhaṃ śambhōḥ padāmbhōruham ||
61. aṅkōlaṃ nijabījasaṃtatirayaskāntōpalaṃ sūcikā sādhvī naijavibhuṃ latā kṣitiruhaṃ sindhuḥ saridvallabham | prāpnōtīha yathā tathā paśupatēḥ pādāravindadvayaṃ cētōvṛttirupētya tiṣṭhati sadā sā bhaktirityucyatē ||
62. ānandāśrubhirātanōti pulakaṃ nairmalyatacchādanaṃ vācā śaṅkhamukhē sthitaiśca jaṭharāpūrtiṃ caritrāmṛtaiḥ | rudrākṣairbhasitēna dēva vapuṣō rakṣāṃ bhavadbhāvanā-paryaṅkē vinivēśya bhaktijananī bhaktārbhakaṃ rakṣati ||
63. mārgāvartitapādukā paśupatēraṅgasya kūrcāyatē gaṇḍūṣāmbuniṣēcanaṃ puraripōrdivyābhiṣēkāyatē | kiñcidbhakṣitamāṃsaśēṣakabalaṃ navyōpahārāyatē bhaktiḥ kiṃ na karōtyahō vanacarō bhaktāvataṃsāyatē ||
64. vakṣastādanamantakasya kaṭhināpasmārasaṃmardanaṃ bhūbhṛtparyaṭanaṃ namatsuraśirah kōṭīrasaṅgharṣaṇam | karmēdaṃ mṛdulasya tāvakapadadvandvasya gaurīpatē maccētōmaṇipādukāviharaṇaṃ śambhō sadāṅgīkuru ||
65. vakṣastādanaśaṅkayā vicalitō vaivasvatō nirjarāḥ kōṭīrōjjvalaratnadīpakalikānīrājanāṃ kurvatē | dṛṣṭvā muktivadhūstanōti nibhṛtāślēṣaṃ bhavānīpatē yaccētastava pādapadmabhajanaṃ tasyēha kiṃ durlabham ||
66. krīḍārtthaṃ sṛjasi prapañcamakhilaṃ krīḍāmṛgāstē janā yatkarmācaritaṃ mayā ca bhavataḥ prītyai bhavatyēva tat | śambhō svasya kutūhalasya karaṇaṃ maccēṣṭitaṃ niścitaṃ tasmānmāmakarakṣaṇaṃ paśupatē karttavyamēva tvaya ||
67. bahuvidhaparitōṣabāṣpapūra-sphuṭapulakāṅkitacārubhōgabhūmim | cirapadaphalakāṅkṣisēvyamānāṃ paramasadāśivabhāvanāṃ prapadyē ||
68. amitamudamṛtaṃ muhurduhantīṃ vimalabhavatpadagōṣṭhamāvasantīm | sadaya paśupatē supuṇyapākāṃ mama paripālaya bhaktidhēnumēkām ||
69. jaḍatā paśutā kalaṅkitā kuṭilacaratvaṃ ca nāsti mayi dēva | asti yadi rājamauḷē bhavadābharaṇasya nāsmi kiṃ pātram ||
70. arahasī rahasī svatantrabuddhyā varivasituṃ sulabhaḥ prasannamūrtiḥ | agaṇitaphaladāyakaḥ prabhurmē jagadadhikō hṛdi rājaśēkharō’stī ||
71. ārūḍhabhaktiguṇakuñcitabhāvacāpa yuktaiḥ śivasmaraṇabāṇagaṇairamōghaiḥ | nirjitya kilbiṣaripūn-vijayī sudhīndraḥ sānandāmāvahati susthirarājalakṣmīm ||
72. dhyānāñjanēna samavēkṣya tamaḥ-pradēśaṃ bhittvā mahābalibhirīśvaranāmamantraiḥ | divyāśritaṃ bhujagabhūṣaṇamudvahanti yē pādapadmamiha tē śiva tē kṛtārtthāḥ ||
73. bhūdāratāmudavahadyadapēkṣayā śrībhūdāra ēva kimataḥ sumatē labhasva | kēdāramākalitamuktimahauṣadhīnāṃ pādāravindabhajanaṃ paramēśvarasya ||
74. āśāpāśaklēśadurvāsanādibhēdōdyuktaidivyagandhairamandaiḥ | āśāśāṭīkasya pādāravindaṃ cētahpēṭīṃ vāsitāṃ mē tanōtu ||
75. kalyāṇināṃ sarasacitragatiṃ savēgaṃ sarvēṅgitajñamanaghaṃ dhruvalakṣaṇāḍhyam | cētasturaṅgamadhiruhya cara smarārē nētaḥ samastajagatāṃ vṛṣabhādhirūḍha ||
76. bhaktirmahēśapadapuṣkaramāvasantī kādaṃbinīva kurutē paritōṣavarṣam | saṃpūritō bhavati yasya manastaṭākastajjanma-sasyamakhilaṃ saphalaṃ ca nā’nyat ||
77. buddhiḥ sthirā bhavitumīśvarapādapadma-saktā vadhūrvirahiṇīva sadā smarantī | sadbhāvanā-smaraṇadarśanakīrtanādi saṃmōhitēva śivamantra-japēna vintē ||
78. sadupacāravidhiṣvanubōdhitāṃ savinayāṃ suhṛdaṃ samupāśritām | mama samuddhara buddhimimāṃ prabhō varaguṇēna navōḍhavadhūmiva ||
79. nityaṃ yōgimanah sarōjadala-sañcārakṣamastvatkramaḥ śambhō tēna kathaṃ kaṭhōrayamarāḍvakṣahkavāṭakṣatiḥ | atyantaṃ mṛdualaṃ tvadaṅghriyugalaṃ hā mē manaścintaya tyētallōcanagōcaraṃ kuru vibhō hastēna saṃvāhayē ||
80. ēṣyatyēṣa janiṃ manō’sya kaṭhinaṃ tasminnata-nīti madrākṣāyai giri-sīmni kōmalapadanyāsaḥ purābhyāsitaḥ | nō cēddivyagṛhāntarēṣu sumanastalpēṣu vēdyādiṣu prāyaḥ satsu śilātalēṣu natanaṃ śambhō kimartthaṃ tava ||
81. kañcitkālamumāmahēśa bhavataḥ pādāravindārcanaiḥ kañciddhyānasaṃmādhibhiśca natibhiḥ kañcitkathākarṇanaiḥ | kañcitkañcidavēkṣanaiśca nutibhiḥ kañciddāśāmīdṛśīṃ yaḥ prāpnōti mudā tvadarpitamanā jīvansa muktaḥ khalu ||
82. bāṇatvaṃ vṛṣabhatvāmardhavapuṣā bhāryātvamāryāpatē ghōṇitvaṃ sakhitā mṛdaṅgavahatā cētyādi rūpaṃ dadhau | tvatpādē nayanārpaṇaṃ ca kṛtavāṃstvad-dēhabhāgō hariḥ pūjyātpūjyataraḥ sa ēva hi na cētkō vā tadānyō’dhikaḥ ||
83. jananamṛtiyutānāṃ sēvayā dēvatānāṃ na bhavati sukhalēśaḥ saṃśayō nāsti tatra | ajanimamṛtarūpaṃ sāmbamīśaṃ bhajantē ya iha paramasaukhyaṃ tē hi dhanyā labhantē ||
84. śiva tava paricaryā-saṃnidhānāya gauryā bhava mama guṇadhuryāṃ buddhikanyāṃ pradāsyē | sakalābhuvanabaṃdhō saccidānamdasiṃdhō sadaya hṛdayagēhē sarvadā saṃvasa tvam ||
85. jaladhīmathanadakṣō naiva pātāḷabhēdī na ca vanamṛgayāyāṃ naiva lubdhaḥ pravīṇaḥ | aśanakusumabhūṣāvastramukhyāṃ saparyāṃ kathaya kathāmaham tē kalpayānīndumauḷē ||
86. pūjādravya-samṛiddhayō viracitāḥ pūjāṃ kathaṃ kurmahē pakṣitvaṃ na ca vā kiṭitvamapi na prāptaṃ mayā durlabham | jānē mastakamaṅghripallavamumājānē na tē’haṃ vibhō na jñātaṃ hi pitāmahēna hariṇā tattvēna tadrūpiṇā ||
87. aśalaṃ garaḷaṃ phaṇī kalāpō vasanaṃ carma ca vāhanaṃ mahōkṣaḥ | mama dāsyasi kiṃ kimasthī śambhō tava pādāṃbujabhaktimēva dēhī ||
88. yadā kr̥tāmbhonidhiseತುbandhanaḥ karasthalādhaḥkṛtaparyatādhipaḥ | bhavāni tē laṅghitapadmasaṃbhavaḥ tadā śivārcāstavabhāvanakṣamaḥ ||
89. natibhirnutibhistvamīśa pūjā-vidhibhirdhyānasamādhibhirna tuṣṭaḥ | dhanuṣā musalēna cāśmabhirvā vada tē prītikaraṃ tathā karōmī ||
90. vacasā caritaṃ vadāmi śambhō-rahamudyōgavidhānu tē’prasaktaḥ | manasā kṛtimīśvarasya sēvē śirasā caiva sadāśivaṃ namāmi ||
91. ādyāvidyā hṛidgatā nirgatāsī-dvidyā hṛidyā hṛidgatā tvatprasādāt | sēvē nityaṃ śrīkaraṃ tvatpadābjaṃ bhāvē muktērbhājanaṃ rājamauḷē ||
92. dūrīkṛtāni duritāni durakṣarāṇi daurbhāgyaduḥkha-durahaṅkṛti-durvacāṃsi | sāraṃ tvadīyacaritaṃ nitarāṃ pibantaṃ gaurīśa māmiha samuddhara satkaṭākṣaiḥ ||
93. sōmakalādharamauḷau kōmalaghanakandharē mahāmahasi | svāmini girijānāthē māmakahṛdayaṃ nirantaraṃ ramatām ||
94. sā rasanā tē nayanē tāvēva karau sa ēva kṛtakṛtyaḥ | yā yē yau yō bhargaṃ vadatīkṣētē sadārcataḥ smarati ||
95. atimṛdulau mama caraṇā-vatikaṭhinaṃ tē manō bhavānīśa | iti vicikitsāṃ saṃtyaja śiva kathamāsīdgirau tathā vēśaḥ ||
96. dhairyāṅkuśēna nibhṛtaṃ rabhasādākṛṣya bhaktiśṛṅkhalayā | purahara caraṇālānē hṛdayamadēbhaṃ badhāna cidyantraiḥ ||
97. pracaratyabhitaḥ pragalbhavṛttyā madavānēṣa manah karī garīyān | parigṛhya nayēna bhaktirajvā parama sthāṇu padaṃ dṛḍhaṃ nayāmum ||
98. sarvālaṅkārayuktāṃ saraḷapadayutāṃ sādhuvṛttāṃ suvarṇāṃ sadbhiḥsaṃstūyamānāṃ sarasaguṇayutāṃ lakṣitāṃ lakṣaṇāḍhyām | udyadbhūṣāviśēṣāmupagatavinayāṃ dyōtamānārtharēkhāṃ kalyāṇīṃ dēva gaurīpriya mama kavitākanyakāṃ tvaṃ gr̥hāṇa ||
99. idaṃ tē yuktaṃ vā paramaśiva kāruṇyajaladhē gatau tiryagrūpaṃ tava padaśirōdarśanadhiyā | haribrahmāṇau tau divi bhuvi carantau śramayutau kathaṃ śambhō svāmin kathaya mama vēdyō’si purataḥ ||
100. stōtrēṇālamahaṃ pravacmi na mṛṣā dēvā viriñcādayaḥ stutyānāṃ gaṇanāprasaṅgasamayē tvāmagragaṇyaṃ viduḥ | māhātmyāgravicāraṇaprakaraṇē dhānātuṣastōmavaddhūtāstvāṃ viduruttamōttamaphalaṃ śambhō bhavatsēvakāḥ ||
iti śrī śaṅkarācārya viracita śivānandalaharī samāptam ||