Shiva Suvarnamala Stuti
1. atha kathamapi madrasanāṃ tvadguṇalēśairviśōdhayāmi vibhō |
sāmba sadāśiva śambhō śaṅkara śaraṇaṃ mē tava caraṇayugam ||
2. akhaṇḍamada-khaṇḍana paṇḍita taṇḍu priya caṇḍīśa vibhō |
sāmba sadāśiva śambhō śaṅkara śaraṇaṃ mē tava caraṇayugam ||
3. ibhacarmāmbara śambararipuvapur-apaharaṇōjjvalanayana vibhō |
sāmba sadāśiva śambhō śaṅkara śaraṇaṃ mē tava caraṇayugam ||
4. īśa girīśa narēśa parēśa mahēśa bilēśaya bhūṣaṇa bhō |
sāmba sadāśiva śambhō śaṅkara śaraṇaṃ mē tava caraṇayugam ||
5. umayā divya sumaṅgala vigraha yāliṅgita vāmāṅga vibhō |
sāmba sadāśiva śambhō śaṅkara śaraṇaṃ mē tava caraṇayugam ||
6. ūrī kuru māmajñamanāthaṃ dūrī kuru mē duritaṃ bhō |
sāmba sadāśiva śambhō śaṅkara śaraṇaṃ mē tava caraṇayugam ||
7. ṛṣivara mānasa haṃsa carācara janana sthiti laya kāraṇa bhō |
sāmba sadāśiva śambhō śaṅkara śaraṇaṃ mē tava caraṇayugam ||
8. ṛkṣādhīśakirīṭamahōkṣārūḍha vidhṛta rudrākṣa vibhō |
sāmba sadāśiva śambhō śaṅkara śaraṇaṃ mē tava caraṇayugam ||
9. luvarna dvandvamavṛntakusumamivāṅghrau tavārpayāmi vibhō |
sāmba sadāśiva śambhō śaṅkara śaraṇaṃ mē tava caraṇayugam ||
10. ēkaṃ saditiśrutyā tvamēva sadasītyupāsmahē mṛḍabhō |
sāmba sadāśiva śambhō śaṅkara śaraṇaṃ mē tava caraṇayugam ||
11. aikyaṃnijabhaktēbhyō vitarasi viśvambharō’tra sākṣī vibhō |
sāmba sadāśiva śambhō śaṅkara śaraṇaṃ mē tava caraṇayugam ||
12. ōmiti tava nirdēṣṭrī māyāsmākaṃ mṛḍōpakartrī bhō |
sāmba sadāśiva śambhō śaṅkara śaraṇaṃ mē tava caraṇayugam ||
13. audāsīnyaṃ sphuṭayati viṣayēṣu digambaratvaṃ tavaiva vibhō |
sāmba sadāśiva śambhō śaṅkara śaraṇaṃ mē tava caraṇayugam ||
14. antaḥkaraṇa viśuddiṃ bhaktiṃ ca tvayi satīṃ pradēhi vibhō |
sāmba sadāśiva śambhō śaṅkara śaraṇaṃ mē tava caraṇayugam ||
15. astōpādhi samastavyastai rūpai jaganmayō’si vibhō |
sāmba sadāśiva śambhō śaṅkara śaraṇaṃ mē tava caraṇayugam ||
16. karuṇā varuṇālaya mayidāsa udāsastavōcitō na hi bhō |
sāmba sadāśiva śambhō śaṅkara śaraṇaṃ mē tava caraṇayugam ||
17. khalasahavāsaṃ vighaṭaya ghaṭaya satāmēvasaṅga maniśaṃ bhō |
sāmba sadāśiva śambhō śaṅkara śaraṇaṃ mē tava caraṇayugam ||
18. garaḷaṃ jagadupakṛtayē giḷitaṃ bhavatāsamō’stikō’tra vibhō |
sāmba sadāśiva śambhō śaṅkara śaraṇaṃ mē tava caraṇayugam ||
19. ghanasāragauragātra pracura jaṭājūṭabaddhagaṅga vibhō |
sāmba sadāśiva śambhō śaṅkara śaraṇaṃ mē tava caraṇayugam ||
20. jñapti ssarvaśarīrē ṣvakhaṇḍitā yā vibhāti sā tvaṃ bhō |
sāmba sadāśiva śambhō śaṅkara śaraṇaṃ mē tava caraṇayugam ||
21. capalaṃ mamahṛdayakapiṃ viṣayadrucaraṃ dṛḍhambadhāna vibhō |
sāmba sadāśiva śambhō śaṅkara śaraṇaṃ mē tava caraṇayugam ||
22. chāyā sthāṇōrapi tavatāpaṃ namatāṃ hara tvahō śivabhō |
sāmba sadāśiva śambhō śaṅkara śaraṇaṃ mē tava caraṇayugam ||
23. jaya kailāśa nivāsa pramatha gaṇādhīśa bhū surārcita bhō |
sāmba sadāśiva śambhō śaṅkara śaraṇaṃ mē tava caraṇayugam ||
24. jhanutaka jaṅkiṇu jhanutatkiṭa taka śabdairnaṭasi mahānaṭa bhō |
sāmba sadāśiva śambhō śaṅkara śaraṇaṃ mē tava caraṇayugam ||
25. jñānaṃ vikṣēpāvṛtirahitaṃ kuru mē guru stvamēva vibhō |
sāmba sadāśiva śambhō śaṅkara śaraṇaṃ mē tava caraṇayugam ||
26. ṭaṅkāra stavadhanuṣō daḷayati hṛdi dviṣāmaśanirivabhō |
sāmba sadāśiva śambhō śaṅkara śaraṇaṃ mē tava caraṇayugam ||
27. ṭhākṛtiriva tavamāyā bahirantaśśūnyarūpiṇī khalu bhō |
sāmba sadāśiva śambhō śaṅkara śaraṇaṃ mē tava caraṇayugam ||
28. dambaramamburuhāmapi daḷaya tyaghānāṃ tvadaṅghriyugaṃ bhō |
sāmba sadāśiva śambhō śaṅkara śaraṇaṃ mē tava caraṇayugam ||
29. ḍhakkākṣasūtraśūladruhiṇakarōṭīsamullasatkarabhō |
sāmba sadāśiva śambhō śaṅkara śaraṇaṃ mē tava caraṇayugam ||
30. ṇākāragarbhiṇīcē ccubhadātēśaragati rnr̥ṇāmiha bhō |
sāmba sadāśiva śambhō śaṅkara śaraṇaṃ mē tava caraṇayugam ||
31. tava manumitisañjapata ssadyastarantimanujā bhavābdhiṃ bhō |
sāmba sadāśiva śambhō śaṅkara śaraṇaṃ mē tava caraṇayugam ||
32. thūtkāra stasyamukhē bhavannāma yatra nāsti vibhō |
sāmba sadāśiva śambhō śaṅkara śaraṇaṃ mē tava caraṇayugam ||
33. dayanīyaśca dayāḷuḥ kō’stimadanya stvadanya ihavadabhō |
sāmba sadāśiva śambhō śaṅkara śaraṇaṃ mē tava caraṇayugam ||
34. dharmasthāpana dakṣa tryakṣa gurō dakṣa yajñaśikṣaka bhō |
sāmba sadāśiva śambhō śaṅkara śaraṇaṃ mē tava caraṇayugam ||
35. nanutāḍitō’si dhanuṣā lubdhatayātvaṃ purā narēṇā vibhō |
sāmba sadāśiva śambhō śaṅkara śaraṇaṃ mē tava caraṇayugam ||
36. parimātuṃ tavamūrtiṃnālamaja statparātparō’si vibhō |
sāmba sadāśiva śambhō śaṅkara śaraṇaṃ mē tava caraṇayugam ||
37. phalamiha nr̥tayā januṣa stvatpadasēvā sanātanēśa vibhō |
sāmba sadāśiva śambhō śaṅkara śaraṇaṃ mē tava caraṇayugam ||
38. balamārōgyaṃ cāyustvadguṇa rucitāṃ ciraṃ pradēhi vibhō |
sāmba sadāśiva śambhō śaṅkara śaraṇaṃ mē tava caraṇayugam ||
39. bhagavan bharga bhayāpaha bhūta patē bhūtibhūṣitāṅga vibhō |
sāmba sadāśiva śambhō śaṅkara śaraṇaṃ mē tava caraṇayugam ||
40. mahimā tava nahi māti śrutiṣu himānīdharātmajādhava bhō |
sāmba sadāśiva śambhō śaṅkara śaraṇaṃ mē tava caraṇayugam ||
41. yamaniyamādirabhiraṅgai ryaminō hṛdi yaṃ bhajanti sa tvaṃ bhō |
sāmba sadāśiva śambhō śaṅkara śaraṇaṃ mē tava caraṇayugam ||
42. rajjāvahiriva śuktau rajatamiva tvayi jaganti bhānti vibhō |
sāmba sadāśiva śambhō śaṅkara śaraṇaṃ mē tava caraṇayugam ||
43. labdhvā bhavatprasādā ccakramakhilaṃ vidhuravati lōkamakhilaṃ bhō |
sāmba sadāśiva śambhō śaṅkara śaraṇaṃ mē tava caraṇayugam ||
44. vasudhā taddharataccayarathamaurvīśaraparākṛtāsura bhō |
sāmba sadāśiva śambhō śaṅkara śaraṇaṃ mē tava caraṇayugam ||
45. śarva dēva sarvōttama sarvada durvṛtta garvaharaṇa vibhō |
sāmba sadāśiva śambhō śaṅkara śaraṇaṃ mē tava caraṇayugam ||
46. ṣaḍripu ṣaḍūrmi ṣaḍvikāra hara sanmukha ṣaṇmukha janaka vibhō |
sāmba sadāśiva śambhō śaṅkara śaraṇaṃ mē tava caraṇayugam ||
47. satyaṃ jñānamanantaṃ brahmē tyētallakṣaṇa lakṣita bhō |
sāmba sadāśiva śambhō śaṅkara śaraṇaṃ mē tava caraṇayugam ||
48. hā’hā’hū’hū mukha suragāyaka gītā padāna padya vibhō |
sāmba sadāśiva śambhō śaṅkara śaraṇaṃ mē tava caraṇayugam ||
49. ḷādirnahiprayōga stadantamiha maṅgalaṃ sadāstu vibhō |
sāmba sadāśiva śambhō śaṅkara śaraṇaṃ mē tava caraṇayugam ||
50. kṣaṇamivadivasānnēṣyati tvatpadasēvākṣaṇōtsukaśśivavibhō |
sāmba sadāśiva śambhō śaṅkara śaraṇaṃ mē tava caraṇayugam ||
īśāya vāsudēvāya śrīpādairarpitā suvarṇamayī
mālēyaṃ kaṇṭhē vidhṛtā dadāti puruṣārtthān ||
iti śrī śaṅkarācārya kr̥ta suvarṇamālā stutiḥ ||