śālīgrāma stōtram
asya śrīśālīgrāmastōtraman-trasya śrībhagavān r̥ṣiḥ, nārāyaṇō dēvatā, anuṣṭup chandaḥ, śrīśālīgrāmastōtraman-trajapa vinīyōgaḥ ||
yudhiṣṭhira uvāca
śrīdēvadēva dēvēśa dēvatārcanamuttamam |
tatsarvaṃ śrōtumicchāmi brūhi mē puruṣōttamaḥ || 1 ||
śrībhagavān uvāca
gaṇḍakyāṃ cōttarē tīrē girirājasya dakṣiṇē |
daśayōjanavistīrṇā mahākṣētravasundharā || 2 ||
śālīgrāmō bhavēddēvō dēvī dvārāvatī bhavēt |
ubhayōḥ saṅgamō yatra muktistatra na saṃśayaḥ || 3 ||
śālīgrāmaśilā yatra-yatra dvārāvatī śilā |
ubhayōḥ saṅgamō yatra muktistatra na saṃśayaḥ || 4 ||
ājanmakr̥tapāpānāṃ prāyaścittaṃ ya icchati |
śālīgrāmaśilāvāri pāpahāri namō'stu tē || 5 ||
akālamr̥tyuharaṇaṃ sarvavyādhivināśanam |
viṣṇōḥ pādōdakaṃ pītvā śirasā dhārayāmyaham || 6 ||
śaṅkhamadhyē sthitaṃ tōyaṃ bhrāmitaṃ kēśavōpari |
aṅgalagnaṃ manuṣyāṇāṃ brahmahatyādikaṃ dahēt || 7 ||
snānōdakaṃ pivēnnityaṃ cakrāṅkitaśilōdbhavam |
prakṣālya śuddhaṃ tattōyaṃ brahmahatyāṃ vyapōhati || 8 ||
agniṣṭōmasahasrāṇi vājapēyaśatāni ca |
samyak phalamavāpnōti viṣṇōrnāivēdyabhakṣaṇāt || 9 ||
nāivēdyayuktāṃ tulasīṃ ca miśritāṃ viśēṣataḥ pādajalēna viṣṇōḥ |
yō'śnāti nityaṃ puratō murārēḥ prāpnōti yajñāyutakoṭipuṇyam || 10 ||
khaṇḍitāḥ sphuṭitā bhinnā vanhidagdhāstatʰāiva ca |
śālīgrāmaśilā yatra tatra dōṣō na vidyatē || 11 ||
na mantraḥ pūjanaṃ nāiva na tīrtʰaṃ na ca bhāvanā |
na stutirnōpacāraśca śālīgrāmaśilārcanē || 12 ||
brahmahatyādikaṃ pāpaṃ manōvākkāyasambhavam |
śīghraṃ naśyati tatsarvaṃ śālīgrāmaśilārcanāt || 13 ||
nānāvarṇamayaṃ cāiva nānābhōgēna vēṣṭitam |
tatʰā varaprasādēna lakṣmīkāntaṃ vadāmyaham || 14 ||
nārāyaṇōdbhavō dēvaścakramadhyē ca karmaṇā |
tatʰā varaprasādēna lakṣmīkāntaṃ vadāmyaham || 15 ||
kr̥ṣṇē śilātalē yatra sūkṣmaṃ cakraṃ ca dr̥śyatē |
sāubhāgyaṃ santatiṃ dhattē sarva sāukhyaṃ dadāti ca || 16 ||
vāsudēvasya cihnāni dr̥ṣṭvā pāpāiḥ pramucyatē |
śrīdharaḥ sukarē vāmē haridvarṇastu dr̥śyatē || 17 ||
varāharūpiṇaṃ dēvaṃ kūrmāṅgāirapi cihnitam |
gōpadaṃ tatra dr̥śyēta vārāhaṃ vāmanaṃ tatʰā || 18 ||
pītavarṇaṃ tu dēvānāṃ raktavarṇaṃ bhayāvaham |
nārasimhō bhavēddēvō mōkṣadaṃ ca prakīrtitam || 19 ||
śaṅkhacakragadākūrmāḥ śaṅkhō yatra pradr̥śyatē |
śaṅkhavarṇasya dēvānāṃ vāmē dēvasya lakṣaṇam || 20 ||
dāmōdaraṃ tatʰā sthūlaṃ madhyē cakraṃ pratiṣṭhitam |
pūrṇadvārēna saṅkīrṇā pītarēkhā ca dr̥śyatē || 21 ||
chatrākārē bhavēdrājyaṃ vartulē ca mahāśriyaḥ |
cipiṭē ca mahāduḥkhaṃ śūlāgrē tu raṇaṃ dhruvam || 22 ||
lalāṭē śēṣabhōgastu śirōpari sukāñcanam |
cakrakāñcanavarṇānāṃ vāmadēvasya lakṣaṇam || 23 ||
vāmapārśvē ca vāi cakrē kr̥ṣṇavarṇastu piṅgalam |
lakṣmīnr̥simhadēvānāṃ pr̥thagvarṇastu dr̥śyatē || 24 ||
lambōṣṭʰē ca daridraṃ syātpiṅgalē hānirēva ca |
lagnacakrē bhavēdyādhirvidārē maraṇaṃ dhruvam || 25 ||
pādōdakaṃ ca nirmālyaṃ mastakē dhārayētsadā |
viṣṇōrddaṣṭaṃ bhakṣitavyaṃ tulasīdalamiśritam || 26 ||
kalpakoṭisahasrāṇi vaikuṇṭhē vasatē sadā |
śālīgrāmaśilābindurhatyākoṭivināśanaḥ || 27 ||
tasmātsampūjayēddhyātvā pūjitaṃ cāpi sarvadā |
śālīgrāmaśilāstōtraṃ yaḥ paṭhēcca dvijōttamaḥ || 28 ||
sa gaccḥēt-paramaṃ sthānaṃ yatra lōkēśvarō hariḥ |
sarvapāpaviniirmuktō viṣṇulōkaṃ sa gaccḥati || 29 ||
daśāvatārō dēvānāṃ pr̥thagvarṇastu dr̥śyatē |
īpsitaṃ labhatē rājyaṃ viṣṇupūjāmanukramāt || 30 ||
koṭyō hi brahmahatyānāmagamyāgamyakoṭayaḥ |
tāḥ sarvā nāśamāyānti viṣṇunāivēdyabhakṣaṇāt || 31 ||
viṣṇōḥ pādōdakaṃ pītvā koṭijanmāghanāśanam |
tasmādaṣṭaguṇaṃ pāpaṃ bhūmāu bindunipātanāt || 32 ||
iti śrībhaviṣyōttarapurāṇē śrīkr̥ṣṇayudhiṣṭhirasaṃvādē śālīgrāmastōtraṃ sampūrṇam ||